کراچی (پی پی آئی)ملک میں ہوش ربا مہنگائی کی حالیہ لہر اور معاشی بحران کے باعث عوام اب روزمرہ کی ضروریات، جیسے بجلی کے بل، اسکول کی فیس، مکان کا کرایہ اور دیگر اخراجات پورے کرنے میں سخت مشکلات کا شکار ہیں۔ جب بجلی کے بل گھریلو بجٹ میں ادا نہیں کیے جاسکتے ہوں تو ان کے پاس اس کے سوا کوئی چارہ نہیں بچتا کہ وہ مہینے کے اختتام کے قریب دوستوں سے پیسے ادھار لیں، پی پی آئی کے مطابق یہ قرض بھی ایک نہ ختم ہونے والا سلسلہ بنتا جا رہا ہے، وہ لوگ جنہیں اثاثے بیچنے یا قرض لینے کی اشد ضرورت نہیں ہے وہ بھی اپنے ایسے اخراجات کو کم کرنے کی کوشش کر رہے ہیں جو بنیادی ضروریات سے متعلق نہیں ہیں۔ بہت سے لوگوں نے خرچوں کی وجہ سے فیملی اور دیگر تقریبات میں جانا چھوڑ دیا ہے۔‘اگرچہ اخراجات کو معقول بنانا بحرانی معاشی صورتحال کا منطقی نتیجہ معلوم ہوتا ہے لیکن یہ ریٹیلرز اور دیگر صنعتوں سے وابستہ افراد کے لیے پریشانی کا باعث بن رہا ہے۔ مہنگائی کی وجہ سے مرغی کی قیمتیں عام آدمی کی پہنچ سے باہر ہو گئی ہیں، گاہک اب گوشت کے بجائے پوٹا، کلیجی اور پنجے خریدتے ہیں۔ہوٹل مالکان نے بتایا کہ زیادہ تر گاہک اب پورے کپ کے بجائے کٹ (آدھا کپ) چائے کا آرڈر دیتے ہیں، اسی طرح ہوٹل میں گوشت کے سالن جیسے قیمہ، قورمہ کے بجائے اب زیادہ تر صارفین سبزیوں اور دال جیسی سستی ڈشز کو ترجیح دیتے ہیں۔ ایک مدرسے کے منتظم کا دعویٰ ہے کہ گزشتہ دو ماہ کے دوران داخلوں کی تعداد دوگنی ہو گئی جب کہ لوگ اپنے بچوں کو نجی اسکولوں سے نکال کر ایسے دینی مدارس کا انتخاب کر رہے ہیں جہاں طلبہ کو مفت کھانا اور رہائش فراہم کی جاتی ہے۔
محمد یوسف اور رمیز راجہ ایک دوسرے پر تنقید کے نشتر چلانے لگے
نیوزی لینڈ نے ویسٹ انڈیز کو پہلے ٹی 20میں شکست دیدی
سڈنی ٹینس : فائنل میں اعصام ،بھوپنا جوڑی شکست سے دوچار ہوگئی
پی سی بی عبوری کمیٹی کی مدت میں 90دن توسیع کا نوٹیفکیشن جاری
لاہور:جونیئر ٹینس ٹورنامنٹ کا آغاز،کوچ رشید ملک کی حکومت سے تعاون کی اپیل
آئی پی ایل : رائل چیلنجرز بنگلور کا گیل ،کوہلی اور ڈی ویلیئرز کو برقرار رکھنے کا اعلان
تازہ ترین خبریں
اشتہار
تازہ ترین
کچے اور پکے میں گینگز کے خلاف بڑے آپریشن کی تیاری حتمی مرحلہ میں
سکھر (پی پی آئی)سندھ میں کچے اور پکے کے علاقوں میں گینگز کے خلاف بڑے آپریشن کی تیاری حتمی مرحلہ میں ہے پیرا ملٹری فورسز کی بھاری نفری بالائی سندھ پہنچ رہی ہے جب کہ سندھ ایپکس کمیٹی کے اجلاس کے بعد کچے کے علاقے میں گینگز کے خلاف بڑے پیمانے پر انٹیلی جنس کی بنیاد پر آپریشن شروع کیا جائے گا۔پی پی آئی کے مطابق سندھ کابینہ پہلے ہی کچے کے علاقے میں ڈکیت گینگز کے خلاف آپریشن کی منظوری دے چکی جب کہ پولیس، رینجرز اور پاک فوج کی سطح پر اس آپریشن پر عملدرآمد کا منصوبہ تیار کیا جا رہا ہے۔ذرائع کا کہنا تھا کہ کچے اور پکے کے علاقوں میں ڈاکوؤں کے خلاف آپریشن شروع کرنے کی تاریخ اور وقت کا فیصلہ جمعہ کے روز ہونے والے ایپکس کمیٹی کے اجلاس میں کیا جائے گا۔ذرائع نے مزید بتایا کہ نگران وزیر اعلیٰ ریٹائرڈ جسٹس مقبول باقر اجلاس کی صدارت کریں گے جس میں کور کمانڈر لیفٹیننٹ جنرل بابر افتخار، ڈائریکٹر جنرل رینجرز کے علاوہ دیگر اعلیٰ سول و فوجی حکام بھی شریک ہوں گے۔
سونے کی مصنوعات خریدتے یا پرانی جیولری بیچتے وقت صارفین مخمصے کا شکار
کراچی (پی پی آئی)سونے کے باضابطہ نرخوں کی غیرموجودگی میں جیولری کی دکانوں پر صارفین ابہام کا شکار ہیں۔ سونے کے نرخ روزانہ کی بنیاد پر آل پاکستان جیمز اینڈ جیولرز ایسوسی ایشن کی جانب سے جاری کیے جاتے ہیں۔پی پی آئی کے مطابق قانون نافذ کرنے والے اداروں کی جانب سے مبینہ طور پر سٹہ بازی اور اسمگلنگ کے خلاف کریک ڈاؤن کے بعد سے ایسوسی ایشن گزشتہ بدھ سے سونے کی یومیہ قیمتیں جاری نہیں کر رہی۔سنار کی دکانیں کھلتی ہیں، تاہم صارفین سونے کی مصنوعات خریدتے یا پرانی جیولری بیچتے وقت مخمصے کا شکار نظر آتے ہیں کیونکہ وہ نہیں جانتے کہ جو قیمت انہیں بتائی جارہی ہے وہ حقیقی ہے یا مصنوعی، زیادہ تر خریدار سونے کی عالمی قیمتیں اور روپے کے مقابلے میں ڈالر کی قیمت کو چیک نہیں کرتے۔عائشہ منزل اور کریم آباد پر تاجر مختلف قیمتوں پر سونا فروخت کررہے ہیں کچھ تاجرگزشتہ منگل کے فی تولہ نرخ 2 لاکھ 15 ہزار روپے کا حوالے دیتے ہوئے 2 لاکھ 16 ہزار جبکہ کچھ دیگر 2 لاکھ 18 ہزار قیمت بتا رہے ہیں، گزشتہ منگل کو عالمی مارکیٹ میں 1911 ڈالر فی اونس قیمت کی بنیاد پر 10 گرام سونے کی قیمت ایک لاکھ 84 ہزار 585 روپے تھی۔۔پاکستانی روپے کی قدر میں مسلسل بہتری کے سبب مقامی مارکیٹ میں سونے کی قیمت کم یا پھر برقرار رہنی چاہیے، اگر عالمی مارکیٹ میں سونے کی قیمت میں اضافہ ہوتا ہے تب بھی امریکی کرنسی کی قدر میں کمی منفی اثرات کو کم کردے گی۔ایسوسی ایشن نے اپنے گروپ میں بھیجے گئے پیغام میں بتایا کہ صورتحال اب بھی مستحکم نہیں ہے اور مختلف شہروں کا دورہ کرنے والے صدر ہارون رشید چاند کی غیر موجودگی کی وجہ سے نرخ مقرر نہیں کیے گئے، ان کی واپسی کے بعد نرخوں کا تعین کیا جائے گا۔ہارون رشید چاند نے روزانہ قیمتیں جاری کرنے میں تاخیر کے حوالے سے بتایا کہ پرانی قیمت پر پرانے لین دین کو کلیئر کیا جارہا ہے اور سونے کے نئے یومیہ ریٹ جاری کرنے میں مزید چند روز لگیں گے۔
سوتی دھاگہ کی برآمد میں رواں مالی سال کے پہلے 2 ماہ میں 26 فیصد اضافہ ریکارڈ
کراچی (پی پی آئی)ملک سے سوتی دھاگہ کی برآمدا میں رواں مالی سال کے پہلے 2 ماہ میں سالانہ بنیادوں پر 26 فیصد اضافہ ریکارڈ کیا گیا۔پاکستان بیورو برائے شماریات کے اعدادوشمار کے مطابق جولائی اور اگست میں سوتی دھاگہ کی برآمدات سے ملک کو 202 ملین ڈالر کا زرمبادلہ حاصل ہوا جو گزشتہ مالی سال کی اسی مدت کے مقابلہ میں 26 فیصد زیادہ ہے۔پی پی آئی کے مطابق گزشتہ مالی سال کی اسی مدت میں سوتی دھاگہ کی برآمد سے ملک کو 160 ملین ڈالرکا زرمبادلہ حاصل ہوا تھا۔اگست میں سوتی دھاگہ کی برآمدات کا حجم 105ملین ڈالر ریکارڈکیاگیا جو گزشتہ سال اگست کے مقابلہ میں 18 فیصد زیادہ ہے۔ گزشتہ سا ل اگست میں سوتی دھاگہ کی برآمدات کا حجم 89 ملین ڈالر ریکارڈ کیا گیا تھا۔جولائی کیمقابلہ میں اگست میں سوتی دھاگہ کی برآمدات میں ماہانہ بنیادوں پر 8 فیصد اضافہ ریکارڈکیا گیا۔ جولائی میں سوتی دھاگہ کی برآمدات کا حجم 97 ملین ڈالر ریکارڈ کیا گیا جو اگست میں بڑھ کر 105 ملین ڈالر ہو۔واضح رہیکہ جاری مالی سال کیپہلے 2ماہ میں ٹیکسٹائل مصنوعات کی مجموعی برآمدات کا حجم 2.767 ارب ڈالرریکارڈ کیاگیا۔
تلاش کریں
خبریں
سگ گزیدگی کے بڑھتے واقعات سنگین خطرہ ہیں:پاسبان
وزیراعظم سے مسلم لیگ (ن) کی خواتین ارکانِ پارلیمنٹ کی ملاقات
کھورواہ میں جھگڑے کے دوران خاتون ہلاک ،، 2 مرکزی ملزمان گرفتار
محمد یوسف اور رمیز راجہ ایک دوسرے پر تنقید کے نشتر چلانے لگے
لاہور: قومی کرکٹ ٹیم کے سابق کپتان محمد یوسف کو شاہد آفریدی کے بعد رمیز راجہ کیخلاف بیان دینا مہنگا پڑ گیا۔ محمد یوسف نے دبئی ٹیسٹ سے متعلق ٹی وی پر تبصرہ کرتے ہوئے رمیز راجہ کو تنقید کا نشانہ بنایا تھا۔ محمد یوسف نے کہا تھا کہ رمیز راجہ انگریزی تو خوب جانتے ہیں لیکن اچھے کرکٹر کبھی نہیں تھے۔اس تنقید پر رمیز راجہ چراغ پا ہوگئے اور محمد یوسف کی خوب خبر لی۔ رمیز راجہ کا کہنا تھا کہ یوسف اچھے کرکٹر نہیں بلکہ خود غرض انسان ہیں، نہ تو انگلش وکٹوں پر ان کا بلا رنز بناتا تھا نہ ورلڈ کپ جیسے میگا ایونٹ میں اسکور کرپاتے تھے۔ رمیز راجہ کا کہنا تھا کہ یوسف کے ظاہری حلیے پر نہیں جانا چاہیئے، کیونکہ حقیقت میں وہ بہت میلا انسان ہے۔رمیز راجا کا یہ بھی کہنا تھا کہ محمد یوسف اس قابل نہیں کہ انہیں ٹی وی پر تبصروں کے لیے بٹھایا جائے۔
نیوزی لینڈ نے ویسٹ انڈیز کو پہلے ٹی 20میں شکست دیدی
آکلینڈ: نیوزی لینڈ نے ویسٹ انڈیز کو پہلے ٹی ٹوئنٹی میں81 رنز سے شکست دے کر دومیچوں کی سیریز میں ایک صفر کی برتری حاصل کرلی۔ آکلینڈ میں کھیلے جانے والے میچ کا ٹاس نیوزی لینڈ نے جیت کر پہلے بیٹنگ کا فیصلہ کیا۔کیوی بیٹسمینوں نے کھیل کا عمدہ آغاز کیا جس کے بعد میکولم نے دھواں دھار بیٹنگ کرتے ہوئے اسکور مقررہ اوورز میں پانچ وکٹوں پر 179 رنز تک پہنچادیا۔ میکولم نے60 اور لیوک رانچھی نے 48 رنز کی ناقابل شکست اننگز کھیلی۔ جواب میں ویسٹ انڈیز کی ٹیم مقررہ اوورز میں آٹھ وکٹوں پر108 رنز ہی بناسکی۔
سڈنی ٹینس : فائنل میں اعصام ،بھوپنا جوڑی شکست سے دوچار ہوگئی
سڈنی: سڈنی ٹینس ٹورنامنٹ کے مینز ڈبلز فائنل میں پاکستان کے اعصام الحق اور بھارت کے روہن بھوپنا کی جوڑی کو ناکامی کا سامنا کرنا پڑا۔ سڈنی میں کھیلے جانے والے مینز ڈبلز فائنل میں اعصام الحق اور روہن بھوپناکا مقابلہ کینیڈا کے ڈینئیل نیسٹر اور سربیا کے نیناند زیمونجک کی جوڑی سے تھا۔پاک بھارت جوڑی نے پہلے سیٹ میں سخت مقابلہ کیا لیکن ٹائی بریک پر سات چھ سے حریف جوڑی نے کامیابی حاصل کرلی۔ دوسرے سیٹ میں بھی مقابلہ ٹائی بریک تک گیا اور اس بار بھی حریف جوڑی نے میدان مارلیا۔
پی سی بی عبوری کمیٹی کی مدت میں 90دن توسیع کا نوٹیفکیشن جاری
اسلام آباد: پی سی بی عبوری کمیٹی کی مدت میں90 دن کی توسیع کا نوٹیفکیشن جاری کردیا گیا۔باوثوق ذرائع کے مطابق پاکستان کرکٹ بورڈ عبوری کمیٹی تین ماہ قبل قائم کی گئی تھی، جس کی مدت میں نوے دن کی توسیع کردی گئی ہے، وزیراعظم میاں نواز شریف نے کمیٹی کی مدت میں توسیع کی منظوری دے دی ہے، جبکہ وزارت بین الصوبائی رابطہ نے توسیع کا باقاعدہ نوٹیفکیشن بھی جاری کردیا ہے، کمیٹی جن ارکان پر مشتمل ہے ان میں ظہیرعباس،نویداکرم چیمہ،ہارون الرشید،شہریارخان اور نجم سیٹھی شامل ہیں، واضح رہے کہ عبوری کمیٹی کی مدت 13جنوری کو ختم ہورہی ہے۔
لاہور:جونیئر ٹینس ٹورنامنٹ کا آغاز،کوچ رشید ملک کی حکومت سے تعاون کی اپیل
لاہور: لاہور میں ایک اور جونیئر ٹینس ٹورنامنٹ کا آغاز ہوگیا،سابق کوچ رشید ملک نے حکومت سے ٹینس کے کھیل کی ترقی اور فروغ کیلئے اقدامات اٹھانے کا مطالبہ کیا ہے۔باغ جناح لاہور میں شروع ہونیوالے ٹینس ٹورنامنٹ کا افتتاح سابق کھلاڑی90 سالہ محمود عالم نے کیا،ٹورنامنٹ میں انڈر ٹین،ٹویلو،فورٹین اور سکسٹین کے علاوہ مینز اینڈ گرلز انڈر ایٹین کے مقابلے میں پلیئرز ان ایکشن ہیں۔اس موقع پر سابق کوچ رشید ملک نے الزام عائد کیا کہ ٹینس فیڈریشن کی ناقص پالیسیوں کی وجہ سے کھیل تنزلی کا شکار ہے اور وہ اپنی مدد آپ کے تحت ایونٹس کراکے نیا ٹیلنٹ سامنے لانے کے لئے کوشاں ہیں۔رشید ملک کا کہنا تھا کہ نیا ٹیلنٹ سامنے لانے کیلئے گراس روٹ لیول پر زیادہ سے زیادہ کام کرنا ہوگا۔
آئی پی ایل : رائل چیلنجرز بنگلور کا گیل ،کوہلی اور ڈی ویلیئرز کو برقرار رکھنے کا اعلان
ممبئی: جارح مزاج بلے باز کرس گیل ،اے بی ڈی ویلیئرز اور ویرات کوہلی رواں برس بھی انڈین پریمیئر لیگ کے ساتویں ایڈیشن میں رائل چیلنجرز کی نمائندگی کریں گے ۔رائل چیلنجرز بنگلو ر کے اعلان کے مطابق کیوی آل راﺅنڈر ڈینئل ویٹور ی جو پہلے ایڈیشن میں بنگلور ٹیم کی نمائندگی کرچکے ہیں ان کو ٹیم کا ہیڈ کوچ مقرر کیا گیا ہے ۔