لاہور(پی پی آئی)وزیر اعلیٰ پنجاب محسن نقوی کی منظوری کے بعد اسٹنٹ ایڈوکیٹ جنرل اشتیاق گوہر کو جعلی ڈگری کی بنا پرعہدے سے فارغ کر دیا گیا۔اشتیاق گوہر کی تعلیمی اسناد جعلی ثابت ہونے پر ان کو عہدے سے فارغ کیا گیا۔اشتیاق گوہر کو 15ستمبر 2023ء کو اسسٹنٹ ایڈووکیٹ جنرل پنجاب تعینات کیا گیا تھا۔اشتیاق گوہر نے 18ستمبر کو بطور اسٹنٹ ایڈوکیٹ جنرل عہدے کا چارج سنبھالا تھا۔سیکرٹری قانون نے وزیر اعلیٰ پنجاب کو اسسٹنٹ ایڈووکیٹ جنرل اشتیاق گوہر کو عہدے سے ہٹانے کی سمری بھجوائی تھی۔ ایڈووکیٹ جنرل پنجاب آفس نے 3اکتوبر کو سیکرٹری پنجاب بار کونسل کو اشتیاق گوہر کی پنجاب بار کی جانب سے جاری کردہ انرولمینٹ اور تعلیمی اسناد کی تصدیق کے لئے مراسلہ لکھا تھا۔

 پشاور (پی  پی آئی) صوبے کو مالی مشکلات کا سامنا ہے لیکن اس کے باوجود سرکاری ملازمین کی تنخواہوں میں کسی قسم کی کوئی کٹوتی نہیں ہوگی۔ تفصیلات کے مطابق خیبر پختونخوا کے نگران وزیر خزانہ احمد رسول بنگش کا کہنا تھا کہ تنخواہوں میں کٹوتی کی خبریں محض افواہ ہیں،  وفاق کے ذمہ گزشتہ مالی سال کے 233 ارب روپے واجب الادا ہیں،نگران وزیر اعظم نے صوبے کے بقایا جات کی ادائیگی کا یقین دلایا ہے۔ نگران صوبائی وزیر خزانہ کا کہنا ہے کہ تنخواہوں میں کسی قسم کی کوئی کٹوتی نہیں کی جا رہی، یہ بات غیر رسمی طور پر زیر بحث آئی تھی،مالی مشکلات کے باوجود ملازمین کو ہر صورت ریلیف فراہم کیا جائے گا۔

 ؒ ؒلاہور(پی پی آئی) استحکام پاکستان پارٹی  کے صدر علیم خان نے کہا کہ 300 یونٹ تک بجلی حکومت دے گی  جبکہ  مزدوروں کی ماہانہ اجرت 50 ہزار اور موٹر سائیکل والوں کو پیٹرول آدھی قیمت پر ملے گا۔ تفصیلات کے مطابق   استحکام پاکستان پارٹی کے صدر علیم خان نے جلسے سے خطاب کرتے ہوئے کہا کہ میں نے اس سے پہلے جہانیاں میں اتنا بڑا جلسہ نہیں دیکھا،لوگ کہتے تھے کہ ہمارے ساتھ عوام نہیں، آج انہوں نے دیکھ لیا عوام کس کے ساتھ ہے.، جہانگیر ترین بیماری کی حالت میں بھی جلسہ گاہ میں موجود ہیں، اس ملک سے کرپشن لوٹ مار اور بے ایمانی کا خاتمہ کرنا ہو گا۔ علیم خان نے کہا کہ سابقہ حکومت نے چھوٹی چھوٹی ملازمتیں بھی کروڈوں کی بیچی،  50 لاکھ گھروں کا وعدہ کرنے والے کدھر ہیں،  1 کروڑ نوکریاں دینے والوں نے 1 نوکری بھی نہ دی،  ہم فرسودہ نظام کو کلمہ حق کہنے کے لیے آئے ہیں، ایک جماعت 7 بار پنجاب میں حکومت کر کے آج بھی موقع مانگتی ہے،بیشتر علاقوں میں انسان اور جانوروں کے لیے پانی پینے یکسر میسر نہیں. انہوں نے کہاکہ  اس ملک میں پڑھے لکھے نوجوان مارے مارے پھر رہے ہیں، اس ملک میں معاشی استحکام کا حل صرف جہانگیر ترین ہے.  علیم خان نے کہا کہ ہمارے منشور میں 300 یونٹ کا بل حکومت بھرے گی، پیٹرول غریب آدمی کو آدھی قیمت پر دینگے،مزدور کی کم از کم اجرت 50 ہزار روپے مہینہ ہو گی،کچھ احمقوں نے جہانگیر ترین کے ساتھ کو ضائع کر کے بہت بڑی غلطی کی،تمام بزرگوں اور خواتین کا علاج ملک میں فری کیا جائے گا. انہوں نے مزید کہا کہ  تمام یونین کونسلز میں واٹر فلٹریشن پلانٹ لگیں گے،ہم آپ کو قرض حسنہ دینگے،  تاکہ آپ اپنے پاوں پر کھڑے ہو سکیں۔

 ؒ ؒلاہور(پی پی آئی)  عالمی مارکیٹ میں خام تیل کی قیمتوں اور پاکستان میں ڈالر کی قدر میں کمی کے باعث یکم نومبر کو پیٹرولیم مصنوعات کی قیمتوں میں بڑی کمی کا امکان ہے۔ میڈیا رپورٹس کے مطابق  عالمی مارکیٹ میں کروڈ آئل کی قیمت میں فی بیرل 5 ڈالر کمی ہوئی ہے جس کے بعد یکم نومبر سے پاکستان میں پٹرول کی قیمت میں 20روپے اورہائی اسپیڈ ڈیزل کی قیمت میں 16روپے فی لیٹر کمی کا امکان ہے۔  اوگرا کی جانب سے بھیجی گئی سمری پر وزارت پیٹرولیم اور خزانہ ردو بدل کرکے وزیراعظم کو بھیجیں گے جس پر انوار الحق کاکڑ حتمی فیصلہ کریں گے۔ خیال رہے کہ نگران وفاقی حکومت نے 16 اکتوبر کو پیٹرولیم مصنوعات کی قیمتوں میں 40 روپے فی لیٹر تک کمی کی تھی۔ دوسری جانب 15 اکتوبر کو پٹرول کی قیمتوں میں کمی کے بعد اسرائیل فلسطین تنازعہ کے بعد خدشہ پیدا ہو ئے تھا کہ اس کا اثر عالمی مارکیٹ پر آئے گا اور تیل کی قیمتوں میں اضافہ ہوگاعالمی مارکیٹ میں اس جنگ کے دوران ترسیل میں رکاوٹ ضرور پیدا ہوئی ہے جس سے قیمتیں بڑھی بھی تھی،  اس تنازعہ کے بعد سے یورپی برینٹ کروڈ کی قیمت میں تقریباً 10 فیصد جبکہ امریکی برینٹ کروڈ کی قیمت میں لگ بھگ 9 فیصد تک اضافہ ہوا تھا  کیونکہ مشرق وسطیٰ کا خطہ دنیا میں تیل کی مجموعی سپلائی کے تقریباً ایک تہائی حصے کو کنٹرول کرتا ہے اور عالمی سپلائی کا تقریباً 20 فیصد تیل آبنائے ہرمز سے گزرتا ہے اس لئے یہ خدشہ بھی یہی موجود تھا کہ اگر ایران اور سعودی عرب جیسے ممالک تک یہ تنازع پھیلتا ہے تو اس کے اثرات ہوں گے۔