لاہور)پی پی آ ئی) پاکستان مسلم لیگ ن کے رہنما و سابق رکن پنجاب اسمبلی عظمیٰ بخاری نے کہا ہے کہ قائد نواز شریف 21 اکتوبر کو ضرور پاکستان آئیں گے۔پریس کانفرنس کرتے ہوئے لیگی رہنما عظمیٰ بخاری کا کہنا تھا کہ نوازشریف کے پاس ملک کو بحرانوں سے نکالنے کا وسیع تجربہ ہے، قائد مسلم لیگ ن کو جب جب اقتدار سے نکالا گیا تو کہا گیا ان کی سیاست ختم ہوگئی مگر وہ ہمیشہ مضبوطی کے ساتھ واپس آئے۔انہوں نے کہا کہ ایک جماعت نے ملک کو انتشار کی جانب دھکیلا، 50 لاکھ گھروں کے خواب دکھانے کے بعد لوگوں کو لنگرخانے دیئے گئے، 2017 میں پاکستان کو 24 بڑی معیشتوں میں شامل کرنے کی بات ہو رہی تھی، 2013 میں لوڈشیڈنگ جیسے بڑے جن کو بوتل میں بند کیا گیا، ہمارے دور میں سی پیک جیسا بڑا پراجیکٹ پاکستان میں شروع کیا گیا۔لیگی رہنما کا مزید کہنا تھا کہ 2017 میں دراصل نوازشریف کے ساتھ نہیں ملکی ترقی کے خلاف سازش کی گئی، پروپیگنڈا کیا گیا کہ نوازشریف واپس نہیں آ رہے، نوازشریف 21 اکتوبر کو ضرور واپس آئیں گے۔
سست اوور ریٹ ، جنوبی افریقی ٹیم پر جرمانہ عائد
ڈاﺅ یونیورسٹی کا تھر کے متاثرین کے لیے امدادی سامان روانہ
ویرات کوہلی کرکٹ کے تمام ریکارڈز توڑدیں گے: کپیل دیو
میرپور خاص: مٹھراﺅ کینال کے واٹر کوسسز کے خلا ف آباد گاروں کا احتجاج
میرپور خاص آرٹس کونسل میں قومی یکجہتی مشاعرہ
کیپ ٹاﺅن سائیکل ریس کا پہلا مر حلہ جاری
تازہ ترین خبریں
- April 25, 2026
- April 23, 2026
اشتہار
تازہ ترین
گوجرانوالہ میں بجلی چوروں کیخلاف آپریشن جاری، مزید 44 افراد گرفتار
گوجرانوالہ)ی پی آ ئی)گوجرانوالہ میں گیپکو کا بجلی چوروں کیخلاف آپریشن جاری، مزید 44 بجلی چور پکڑے گئے،28 لاکھ 38ہزار کے جرمانے بھی کر دیئے۔ گیپکو چیف کے مطابق بجلی چوروں کیخلاف آپریشن 32 ویں روز میں داخل ہو چکا ہے، گوجرانوالہ سے مزید 44 بجلی چور پکڑے گئے، گیپکو کی جانب سے 28 لاکھ 38ہزار کے جرمانے بھی کیے گئے۔ گیپگو چیف کا مزید کہنا ہے کہ اب تک پکڑے جانے والے بجلی چوروں کی تعداد 1620 ہوگئی ہے، تمام بجلی چوروں کو 13کروڑ 98 لاکھ روپے کے جرمانے بھی کئے گئیہیں۔
کراچی میں ڈکیتی کے خلاف مزاحمت پر سب انسپکٹر قتل
کراچی(پی پی آ ئی) صوبہ سندھ کے دارالحکومت کراچی میں ڈکیتی پر مذاحمت کرنے والے سب انسپکٹر کو فائرنگ کرکے قتل کردیا گیا۔ کراچی کے علاقے سائٹ سپر ہائی وے چاکر ہوٹل کے قریب فائرنگ کا واقعہ پیش آیا، جس کے نتیجے میں سب انسپکٹر عامر علی جان کی بازی ہار گئے، مقتول عامر علی فیڈرل بی ایریا کے رہائشی اور گلبرگ کمپلین سیل میں تعینات تھے۔بتایا گیا ہے کہ ڈاکوؤں نے عامرعلی کو لوٹنے کی کوشش کی تو انہوں نے فائرنگ کرنے کی کوشش کی، اسی فائرنگ کے تبادلے میں عامر علی کو سینے پر گولی لگی اور وہ خالق حقیقی سے جا ملے، مقتول کے پاس جیب میں کیش موجود ہے لیکن پستول اور موٹر سائیکل نہیں ملی، جس کا مطلب ہے ڈاکو پیسے موبائل فون تو لے کر نہیں گئے، تاہم پستول اور موٹر سائیکل لے گئے۔معلوم ہوا ہے کہ ایس ایس پی ایسٹ سید عرفان بہادرنے جائے وقوعہ کا دورہ کیا، اس موقع پر میڈیا سے گفتگو کرتے ہوئے بتایا کہ شہید سب انسپکٹر عامر وادی حسین قبرستان سے واپس آرہا تھا کہ اس دوران یہ افسوسناک واقعہ پیش آیا، شہید سب انسپکٹر کو سینے پر ایک گولی لگی اور ان کی موت ہوگئی، اس واقعے کے حوالے سے تحقیقات شروع کردی گئی ہیں۔ گزشتہ ماہ کراچی کے علاقے ابو الحسن اصفہانی روڈ پر ڈاکوؤں سے مقابلے کے درمیان پولیس اہلکار گولی لگنے سے جاں بحق ہوگیا تھا، یہ پولیس مقابلہ پیراڈائز بیکری کے قریب ہوا جہاں ڈاکوؤں کی فائرنگ سے ایک اہلکار زخمی بھی ہوا جب کہ پولیس نے ایک ملزم کو شدید زخمی حالت میں گرفتار کرلیا۔رواں برس جون میں پیش آئے ایک اور ایسے ہی واقعے میں سہراب گوٹھ الاصف اسکوائر کے عقب میں واقع انڈس پلازہ کے قریب شعلے ڈکیت گینگ نے فائرنگ کرکے 2 پولیس اہلکاروں رحمت اللہ اور عبدالحکیم کو شہید کردیا تھا، پولیس کو جائے وقوع سے ایک نائن ایم ایم پستول اور 30 بور گولیوں کے خول بھی ملے تھے۔
عالمی بینک نے کم تنخواہ والے ملازمین پر ٹیکس لگانے کی تجویز واپس لے لی
اسلام آباد(پی پی آ ئی) عالمی بینک نے کم تنخواہ والے ملازمین پر ٹیکس لگانے کی تجویز واپس لے لی۔ ایکسپریس نیوز کی رپورٹ کے مطابق عالمی بینک کی ترجمان نے کہا کہ ٹیکسوں کے نفاذ کیلئے کسی قسم کی سفارش نہیں کر رہے، عالمی بینک پاکستان کے ٹیکس سسٹم میں ایسی جامع اصلاحات کی سفارش کرتا ہے جن کے نتیجے میں ٹیکسوں کا بوجھ امیر افراد پر بڑھے اور غریب افراد کو ریلیف حاصل ہو، تاہم کسی بھی قسم کی تجویز دینے کیلئے نئے اعداد وشمار کا جائزہ لینا ضروری ہے کیوں کہ تجویز 2019ء کے اعداد و شمار کی بنیاد پر جاری کی گئی جس کو حالیہ مہنگائی اور لیبر مارکیٹ کی صورتحال کے مطابق اپڈیٹ کرنے کی ضرورت ہے۔اس حوالے سے رپورٹ میں حکومتی اعداد و شمار کے حوالے سے معلوم ہوا ہے کہ تنخواہ دار طبقے نے گزشتہ تین ماہ کے دوران مالدار ایکسپورٹرز اور ریئل اسٹیٹ سیکٹر کے مجموعی ٹیکس سے بھی زیادہ ٹیکس ادا کیا ہے، جولائی تا ستمبر کے دوران تنخواہ دار طبقے نے 70.6 ارب روپے کا ٹیکس ادا کیا جب کہ ایکسپورٹرز اور ریئل اسٹیٹ سیکٹر نے مجموعی طور پر 65 ارب روپے کا ٹیکس ادا کیا۔رپورٹ میں بتایا گیا ہے کہ ایکسپورٹرز نے رواں مالی سال کی پہلی سہہ ماہی کے دوران 7 ارب ڈالر کمائے لیکن ٹیکس کی مد میں صرف 21 ارب روپے جمع کرائے، ایکسپورٹرز اپنی مجموعی رسیدوں کا صرف 1 فیصد ٹیکس ادا کرتے ہیں جو اس سال 4 فیصد سے کم ہو کر 3.6 فیصد رہ چکی ہے۔ رپورٹ میں کہا گیا ہے کہ ریئل اسٹیٹ سیکٹر نے پلاٹوں کی خرید وفروخت پر 44 ارب روپے کا ٹیکس ادا کیا، ایف بی آر نے بینکوں سے رقوم نکالنے پر ٹیکس کی مد میں 7.6 ارب روپے جمع کیے، سب سے زیادہ ٹیکس کی وصولی کنٹریکٹرز، سیونگ اکاؤنٹس ہولڈرز، امپورٹرز، تنخواہ دار طبقے، نان فائلرز کے الیکٹریسیٹی بلز، ٹیلیفون اور موبائل فون یوزرز اور ڈیویڈنڈ انکم کی مد میں کی گئی، بجلی بلوں کی مد میں انکم ٹیکس کی وصولی میں 75 فیصد اضافہ ہوا، گزشتہ سہہ ماہی کے دوران بجلی بلوں کی مد میں 2.5 ارب روپے کا انکم ٹیکس جمع کیا گیا۔بتایا جا رہا ہے کہ تنخواہ دار طبقے اور ریئل اسٹیٹ سیکٹر اور ایکسپورٹرز کے درمیان دولت کا کوئی موازنہ نہیں ہے، تنخواہ دار طبقہ کنٹریکٹرز، بینک ڈپوزیٹرز اور امپورٹرز کے بعد سب سے زیادہ ٹیکس ادا کرنے والا چوتھا بڑا طبقہ ہے، جس کی اکثریت کا معیار زندگی انتہائی پست ہے اور تنخواہ دار طبقے کی اکثریت اپنی آمد و رفت کیلئے پبلک ٹرانسپورٹ اور موٹرسائیکل کا سہارا لیتی ہے۔
تلاش کریں
خبریں

سست اوور ریٹ ، جنوبی افریقی ٹیم پر جرمانہ عائد
ڈھاکا: جنوبی افریقا کو نیوزی لینڈ کے خلاف سلو اوور ریٹ کی بنا پر جر مانہ عائد کر دیا گیا ۔ ٹی ٹوئنٹی ورلڈکپ کے گروپ میچ میں نیوزی لینڈ کے خلا ف سنسنی خیز مقابلے کے بعد شاندار فتح حاصل کر نے والی جنوبی افریقی ٹیم کو سلو اوور ریٹ پر کپتان کو میچ فیس کا 40فی صد جبکہ بقیہ کھلاڑیوں پر 20فی صد جر مانہ عائد کر دیا گیا ہے ۔ میچ ریفری جواگل سری ناتھ نے آئی سی سی کوڈ آف کنڈکٹ برائے کھلاڑی اور سست اوور ریٹ کے تحت ہر کھلاڑی پر میچ فیس کا بیس فیصد حصہ جبکہ کپتان پراس کا دگنا جر مانہ عائد کر دیا۔ اگر کپتان ڈوپلیسی اگلے بارہ مہینوں کے اندر ٹی ٹوئنٹی میچ میں ایک اور سست اووریٹ کے مر تکب ہوگئے تو انھیں آئی سی سی کوڈ آ ف کنڈکٹ کے مطابق ایک میچ کی پابندی کی سزا دی جائے گی۔

ڈاﺅ یونیورسٹی کا تھر کے متاثرین کے لیے امدادی سامان روانہ
کراچی: ڈاﺅ یونیورسٹی آف ہیلتھ سائنسز نے تھر میں قحط سالی سے متاثرہ 600 سے زائد خاندانوں کے لئے اسپیشل پارسلز کی صورت میں دو ٹرکوں پر امدادی سامان تھر روانہ کیا۔ پارسلوں میں پکے ہوئے کھانوں کے جدید طرزِ پر محفوظ پیکٹوں کے علاوہ، پانی کی بوتلیں، مویشیوں کیلئے چارہ اور بچوں کیلئے ادویات اور طبی آلات شامل ہیں۔ اس کے علاوہ ڈاﺅ یونیورسٹی نے 40ڈاکٹروں پر مشتمل طبی ماہرین اور پیرامیڈیکل اسٹاف کی ٹیم پہلے ہی تھر روانہ کردی۔یہ امدادی سامان ڈاﺅ یونیورسٹی پاک فوج کے حوالے کرے گی ۔ ڈاﺅ یونورسٹی کے وائس چانسلر پروفیسر مسعود حمید خان کی ہدایت پر ڈاﺅ میڈیکل کالج نے ماہر ڈاکٹروں اور پیرامیڈیکل اسٹاف پر مشتمل ٹیم تھر میں طبی سہولیات کی فراہمی کو یقین بنانے کیے کیمپ قائم کیا ۔ اس موقع پر ڈاﺅ یونیورسٹی آف ہیلتھ سائنسز کے وائس چانسلر پروفیسر مسعود حمید خان نے کہا کہ ہماری طرف سے تھر کے متاثرین کے لیے امداد کا یہ عمل آگے بھی جاری رہے گا۔ انھوں نے عوام سے اپیل کی کہ تھر سے متاثرہ خاندانوں کی جلدازجلدبحالی کے لیے تعاون کریں۔

ویرات کوہلی کرکٹ کے تمام ریکارڈز توڑدیں گے: کپیل دیو
کولالمپور: انڈین کر کٹ ٹیم کے سابق کپتان کپیل دیو نے کہاہے کہ نوجوان انڈین بیٹسمین ویرات کوہلی کرکٹ کی تاریخ کے تمام ریکارڑ توڑ دیں گے ، اگر وہ انجری مسائل سے دوچار نہیں ہوئے تو ٹنڈولکر کے پورے کیرئر سے بہترین کارکردگی دکھائیںگے ۔ملائیشیا کے دارالحکومت کوالالمپور میں لورئیس ورلڈ اسپورٹس ایوارڑ کی تقریب میں شرکت کے لیے آئے ہوئے سابق ورلڈ چمپئین کپتان نے کہا کہ کسی شک و شبہ کے بغیر کہا جا سکتا ہے کہ کوہلی اتنے ریکارڑ ز قائم کر یںگے جتنے آج تک کسی اور نے قائم نہیں کئے ہوںگے ، ان کا کہناتھا کہ میں ان کا موازنہ کسی سے نہیں کرتا، کوئی دوسرا ڈان بریڈمین نہیں ہوسکتا اور نہ ہی کوئی سچن ٹنڈولکر ہو سکتاہے لیکن کوہلی کے پاس قدرتی صلاحیت ہے جو 24سالہ نوجوان کے لیے بہت بڑی بات ہے ، اور ہو سکتاہے ٹنڈولکر سے بہتر ہوکیونکہ نئی نسل کو پچھلی سے بہتر کرنا ہوتا ہے۔ کپیل دیو نے مزید کہا کہ کوہلی نے ابھی تک اپنی صلاحیتیں دکھا دیں ہیں جو دوسروں سے مختلف ہیںاگر وہ اسی فٹنس کے ساتھ 32یا34سال کی عمر تک کھیلتے رہے تو وہ اس مقام پر پہنچ جائیں گے جہاں ویون رچرڈز اور سچن ٹنڈولکر بھی نہیں پہنچ سکے تھے۔

میرپور خاص: مٹھراﺅ کینال کے واٹر کوسسز کے خلا ف آباد گاروں کا احتجاج
میرپورخاص: مٹھراﺅ کےنال سے نکالے جانے والے واٹر کورسز کے خلا ف آباد گاروں کا احتجا ج اورشدےد نعرے بازی کی گئی۔میر پو ر خاص میں آباد گار فورم ڈاکٹر قمر ،بابو انور ،شکےل باجوہ اور دےگر درجنوں آباد گاروں نے احتجاج کے بعد پریس کانفرنس کر تے ہوئے صحافیوں کوبتایا کہ مٹھراﺅ کےنال سے نکلنے والی شاخےںراموار شاخ،بشٹان شاخ ،وڈےلو مائنز ،سانوری مائنز پرنارا کےنال افسران نے ناجائز واٹر کورس نکا لے ہوئے ہیں جو غیر قانونی ہیں ،انھوں نے بتایا کہ آر ڈی 155 پر ناجائز 6انچ پائپ لائن سے کنکشن دئےے جارہے ہیں، جس کے لیے ہم نے عدالت سے رجو ع کیا ہے ، انھوں نے کہا کہ ناجائز فش فارم مالکان جھوٹے کاغذات دکھاکر پانی حاصل کرنے میں مصروف ہیں جس کی وجہ سے ہزاروں اےکٹر فصلیں تباہ ہورہی ہےں اور انتظامےہ سندھ میں زراعت کو تباہ کرنے پر تلی ہوئی ہے ،انھو ں نے حکومت کو تنبےہ کرتے ہوئے کہا کہ اگر اےسی ہی صورتحال رہی تو آبادگار اپنے احتجا ج کا دائرہ کار مزےد وسےع کردےں گے، جس کی تما م تر ذمہ داری حکومت پر عائد ہوگی ۔

میرپور خاص آرٹس کونسل میں قومی یکجہتی مشاعرہ
میرپورخاص: آرٹس کونسل میرپورخاص کی جانب سے معروف سماجی رہنماءماہر اجمیری کی زیر صدارت قومی یکجہتی محفل مشاعرہ بھٹائی کلچرل ہال میں منعقد کیا گیا۔مشاعرے میں مہمان خصوصی ڈپٹی کمشنر میرپورخاص سید مہدی علی شاہ ،مہمان اعزازی سیکریٹری آرٹس کونسل آف میرپورخاص رئیس احمد خان ،چیئر مین ادبی کمیٹی نوید شروش اور دیگر موجود تھے ،تقریب کوخطاب کرتے ہوئے مہمان گرامی اور دیگر شاعر حضرات نے اپنے اپنے اردو اور سندھی اشعار حاضرین محفل کو سنائے ،جنھیں حاضرین نے خوب سراہا اور بڑھ چڑھ کر داد دی ۔

کیپ ٹاﺅن سائیکل ریس کا پہلا مر حلہ جاری
کپ ٹاﺅن: کیپ ٹاﺅن میں جا ری سائیکل ریس کا پہلا مرحلہ جاری ہے جہاںسائیکلسٹوں کا امتحان جاری ہے۔کیپ ٹاون ریس میں ناہموار راستے پر کئی سائیکلسٹ گرے تو بہت سوں کی سائیکل ہی پنکچر ہوگئی۔جنوبی افریقا کے صوبے مغربی کیپ میں روایتی سائیکل ریس جاری ہے، ناہموار اور کانٹوں سے بھرے راستوں پر سائیکلسٹوںکے لیے ریس امتحان بن گئی۔ریس کے کچھ شرکاءحادثے کا شکار ہوئے تو کچھ کی سائیکل پنکچر ہوگئی، جرمن جوڑی ریس میں پہلے نمبر پرہے۔آٹھ روز تک جاری رہنے والی ریس کا دوسرا مرحلہ جمعرات سے شروع ہوگا۔
