بونیر (پی پی آئی) بونیر میں پولیس وین کے قریب دھماکے کے نتیجے میں ایک اہلکار شہید اور دوسرا شدید زخمی ہو گیا۔پی پی آئی کے مطابق دھماکہ ایلم میں پولیس وین کے قریب ہوا، واقعے کے بعد سکیورٹی فورسز نے علاقے کو گھیرے میں لے کر ناکہ بندی کر دی۔بتایا گیا ہے کہ زخمی اہلکار کو ہسپتال منتقل کر دیا گیا۔
متحدہ عرب امارات کو آئی پی ایل کے ابتدائی میچز کی میزبانی مل گئی
انٹر بینک میں ڈالر کی قدر 98روپے سے نیچے آگئی
کشمیر بینک نے خطے میں خواتین کی فلاح کے لیے مر بوط پروگرام تیار کیا ہے: فضل الرحمان
سنو بوردنگ چمپیئن شپ : کینیڈا اور اٹلی کے ایتھلیٹس کی بر تری
آئی سی سی چیف ایگزیکٹو ڈیوڈ رچرڈ سن کا بی سی سی آئی کے فیصلے کا خیر مقدم
شیخ رشید وعدے کے مطابق اسمبلی رکنیت سے استعفیٰ دیں : عابد شیر علی
تازہ ترین خبریں
- April 23, 2026
اشتہار
تازہ ترین
انسداد دہشتگردی عدالت سے حلیم عادل شیخ اور راجہ اظہر کی ضمانت منظور
کراچی (پی پی آئی)کراچی کی انسداد دہشتگردی عدالت نے ہنگامہ آرائی اور جلاؤ گھیراؤ کے کیس میں پی ٹی آئی رہنما حلیم عادل شیخ اور راجہ اظہر کی ضمانت منظور کر لی۔ عدالت میں 9 مئی کو فیروز آباد تھانے کی حدود میں ہنگامہ آرائی اور جلاؤ گھیراؤ کیس سے متعلق سماعت ہوئی، پی پی آئی کے مطابق عدالت نے ایک ایک لاکھ روپے کے مچلکوں کے عوض حلیم عادل شیخ اور راجہ اظہر کی ضمانت منظورکر لی۔حلیم عادل شیخ و دیگر پر ہنگامہ آرائی،جلاو گھیراؤ سمیت متعدد الزامات ہیں، حلیم عادل شیخ مبینہ ٹاؤن تھانے کے کیس میں عدالتی ریمانڈ پر جیل میں ہیں۔
محمودالرشید اور اعجاز چوہدری 14 روزہ جوڈیشل ریمانڈ پر جیل منتقل
لاہور(پی پی آئی)انسداد دہشتگردی کی عدالت نے کلمہ چوک میں کنٹینر کو آگ لگانے کے کیس میں بغاوت کی دفعات شامل ہونے پر محمودالرشید اور اعجاز چوہدری کو 14 روزہ جوڈیشل ریمانڈ پر جیل بھجوا دیا۔پی پی آئی کے مطابق کنٹینر کو آگ لگانے کے کیس میں پولیس نے 3 روزہ جسمانی ریمانڈ کے بعد محمود الرشید اور اعجاز چوہدری کو پیش کیا۔ تفتیشی افسر نے مزید جسمانی ریمانڈ کی استدعا کی، تاہم عدالت نے مزید جسمانی ریمانڈ کی استدعا مسترد کردی۔بعد ازاں عدالت نے ملزمان کو 14 روزہ جوڈیشل ریمانڈ پر جیل بھجواتے ہوئے 21 اکتوبر کو دوبارہ پیش کرنے کا حکم دیدیا۔
پی آئی اے طیارہ کا ملتان ایئرپورٹ پر7واں ٹائر پھٹ گیا، طیارہ ایئرپورٹ پر گراؤنڈ
ملتان (پی پی آئی)قومی ایئر لائن کا جدہ سے ملتان پہنچنے والا مسافر طیارہ حادثے سے بال بال بچ گیا۔ذرائع کے مطابق قومی ایئر لائن (پی آئی اے) کے طیارے کا ملتان ایئرپورٹ پر لینڈنگ کے دوران ٹائر پھٹ گیا اور واقعے کے فوری بعد طیارہ ملتان ایئرپورٹ پر گراؤنڈ کر دیا گیا۔پی پی آئی کے مطابق بوئنگ 777 طیارے کے ساتویں ٹائر کو نقصان پہنچا اب طیارے کا ٹائر لاہور سے ملتان پہنچایا جائے گا۔ ذرائع کے مطابق واقعے کے باعث مدینہ جانے والی پرواز تاخیر کا شکار ہو گئی۔ ٹائر تبدیل کرنے کے بعد پرواز کو مدینہ روانہ کیا جائے گا۔
تلاش کریں
خبریں
متحدہ عرب امارات کو آئی پی ایل کے ابتدائی میچز کی میزبانی مل گئی
(March 12, 2014)
ممبئی: انڈین پریمئر لیگ (آئی پی ایل ) کا ساتواں ایڈیشن16اپریل سے یکم جون کو مشترکہ طور پرمتحدہ عرب امارات اور بھارت میں منعقد ہو گا ۔ بھارت کرکٹ کنٹرول بورڈ نے بدھ کو اعلان کیا کہ بھار ت عام انتخابات کے باعث آئی پی ایل کے سولہ اپریل سے 30اپریل تک ابتدائی16 میچز متحدہ عرب امارات میں جبکہ بقیہ میچز بھارت میں ہوں گے تاہم ضرورت پڑنے پر بنگلہ دیش میںبھی میچز کھیلے جائیں گے۔ بی سی سی آئی کے مطابق اگر یکم سے12مئی تک بھارت میں عام انتخا بات کی وجہ سے میچز کا انعقاد ممکن نہیں ہوا تو وہ میچز بنگلہ دیش میں کرادیے جائیں گے۔ بی سی سی آئی نے بھارتی وزارت داخلہ سے استدعا کی ہے کہ جن ریاستوں کے شہروں میں انتخابات کا عمل مکمل ہوچکا ہو وہاں پر آئی پی ایل کے میچز کر انے کی اجازت دی جائے ۔ بی سی سی آئی کے سیکرٹری پٹیل کے مطابق بورڈ کو مختلف پیچیدگیوں کا بخوبی علم ہے لیکن امید ہے کہ تمام معاملات سدھر جائیں گے ۔ بی سی سی آ ئی کے سیکر ٹری نے مزید کہا کہ جونہی 13مئی کو بھارت میں انتخابات کا عمل مکمل ہو گا اگلے تما م میچز انڈیا میں ہوں گے ۔
انٹر بینک میں ڈالر کی قدر 98روپے سے نیچے آگئی
(March 12, 2014)
کراچی: انٹربینک میں ڈالر ایک روپیہ30 پیسے کمی سے 98روپے سے بھی نیچے آگیا، اوپن مارکیٹ میں بھی قیمت انٹربینک کے مساوی ہوگئی۔ فاریکس ڈیلرز کے مطابق کاروبار کے دوران روپے کی قدر میں مزید ایک روپے30پیسے اضافہ ریکارڈ کیا گیا، جس سے انٹربینک میں ڈالر نو ماہ کی کم ترین سطح98روپے70 پیسے پر آ گیا۔جبکہ اوپن مارکیٹ میں بھی ڈالر ایک روپے30 پیسے کم ہو کر آٹھ ماہ بعد 98 روپے70 پیسے کا ہوگیا۔ ماہرین کا کہنا ہے کہ کویت اور سعودی عرب سے ادھار تیل کی سہولت اور غیرملکی انفلوز آنے کے بعد ڈالر کی قدر میں کمی آنا شروع ہو گئی ہے، جبکہ ماہرین کا خیال ہے کہ رواں ماہ عالمی مالیاتی فنڈ سے پچپن کروڑ ڈالر کی تیسری قسط ملنے کے بعد ڈالر کی قدر میں مزید کمی کا امکان ہے۔
کشمیر بینک نے خطے میں خواتین کی فلاح کے لیے مر بوط پروگرام تیار کیا ہے: فضل الرحمان
(March 12, 2014)
مظفر آباد: بینک آف آزاد جموں و کشمیر کے منیجنگ ڈائریکٹر جناب فضل الرحمان نے کہا ہے کہ کشمیر بینک نے آزاد خطہ میں خواتین کی معاشی خود کفالت کے مربوط پروگرام تیار کئے ہیں ۔تا کہ خواتین کشمیر بینک کی سکیموں سے مستفید ہو کر آزاد ریاست کی تعمیر و ترقی اور خوشحالی میں اپنا کردار ادا کر سکیں۔ ریاست میںکشمیر بینک نے اپنی نوعیت کی پہلی بینک برانچ کھولی ہے جبکہ مزید شہروں میں خواتین برانچز کھولی جا رہی ہیں۔ عالمی یوم خواتین پر ایک پیغام میں انھوں نے کہا کہ بینک نے ”خود کفیل خواتین، خوشحال کشمیر “ کا سلوگن پیش کیا ہے۔ اس ویژن کے تحت خواتین کے لئے مائیکرو کریڈٹ ، چھوٹے اور درمیانے کاروبار کی متعدد سکیمیں شروع کی گئی ہیں۔ خواتین کی معاشی خود کفالت کے لئے بینک انھیں آسان شرائط اور کم شرح منافع پر قرضے دے گا۔ خواتین کے لئے کشمیر بینک کی کاروباری سکیموں میں سلائی کڑھائی اور زری کام، گبہ سازی، شال و اونی سویٹر بنائی، ڈیکوریشن سامان، بوتیک، چھوٹی دوکان، خواتین تعلیمی اداروں میں کیفے ٹیریا،گھریلو بیکری و خورد و نوش کی اشیاءکی فراہمی، گھریلو دستکاری، گھریلو باغبانی، مرغبانی، بھیڑ بکریاں ، گائے بھینس پالنا، پارلر، ٹیوشن سینٹر / کمپیوٹر سینٹر زاور ڈے کئیر سنٹرز شامل ہیں۔ کشمیر بینک کے ایم ڈی نے کہا کہ بینک ریاست کے دارالحکومت میں عالمی یوم خواتین پر منعقد ہونے والی واک میں بھی بڑھ چڑھ کر حصہ لےا۔ جس کا مقصد خواتین کی عزت و احترام کا اعتراف اور انہیں معاشی طور پر خود کفیل بنانے کی مہم کی تشہیر اور عوامی آگہی تھا۔
سنو بوردنگ چمپیئن شپ : کینیڈا اور اٹلی کے ایتھلیٹس کی بر تری
(March 12, 2014)
سوئٹزرلینڈ: سوئٹزرلینڈ سنو بورڈنگ چیمپئن شپ میں کینڈا اور اٹلی کے اتھلیٹس سبقت لے گئے۔ سنوبورڈنگ چیمپئن شپ میں مروں اور خواتین کے الگ الگ مقابلے کرائے گئے۔ خواتین مقابلوں میں سوچی اولمپک کی سلور میڈلسٹ اسکیئرڈمیلٹس ڈومینک پہلے نمبر پر، فرانس کی موئینینلی دوسری،بلغاریا کی جیکویل الیگزینڈرا کی تیسری پوزیشن رہی۔ اولمپئین سیمکووا ایوا کو حادثے کے باعث ایونٹ سے باہر ہونا پڑا۔ مردوں کے مقابلے میں اٹلی کے کورڈی فابیو نے میدان مارا۔ فن لینڈ کے لین فورسینٹن دوسری اور کینڈا کے کرسٹروفر تیسری پوزیشن کے حق دار قرار پائے۔ مجموعی برتری پر اٹلی کے وزن ٹینو مرکا قبضہ برقرار ہے۔
آئی سی سی چیف ایگزیکٹو ڈیوڈ رچرڈ سن کا بی سی سی آئی کے فیصلے کا خیر مقدم
(March 12, 2014)
دبئی: آئی سی سی کے چیف ایگزیکٹو ڈیوڈ رچرڈ سن نے آئی پی ایل کے میچز متحدہ عرب امارات منتقل کر نے کے بھارتی کر کٹ بورڈ کے فیصلے کا خیر مقدم کیا ہے ۔ ڈیوڈ رچرڈ سن کا کہناہے کہ آئی پی ایل کے ابتدائی میچز متحدہ عرب امارات میں منعقد کرنے کا فیصلہ متحدہ عرب امارات کے عوام اور اس خطے کے لیے بہت اچھی خبر ہے ، اس ٹورنامنٹ کا متحدہ عرب امارات میں انعقادکامیاب سیزن ثابت ہوگا اس پہلے متحدہ عرب امارات میںآئی سی سی ورلڈ کپ ٹی ٹوئنٹی کے کوالیفائر میچز اور انڈر 19ورلڈ کپ 2014کا کامیاب انعقادہو چکا ہے۔ ان کا کہنا تھا کہ یہ خبر یو اے ای کی قومی کرکٹ ٹیم کے لیے بھی نیک شگون ثا بت ہوگی جو بنگلہ دیش میں ہو نے ورلڈ کپ ٹی ٹوئنٹی 2014اور آسٹریلیا اور نیو زی لینڈ میں ہونے والے ورلڈ کپ 2015میں حصہ لے رہی ہے۔ رچرڈسن نے مزید کہا کہ آئی سی سی اپنے ہیڈ کوارٹر میں آئی پی ایل کے میچز کرا نے کے لیے تیا رہے ،ٹورنامنٹ کی اہمیت کو سمجھتے ہوئے آئی سی سی متحدہ عرب امارات میں میچز کے انعقاد میں مدددے گی اور اینٹی کرپشن سمیت تما م خدما ت فراہم کر نے کو تیا رہے ۔ رچرڈ سن کا کہنا تھا کہ پوری دنیا میں موجود کر کٹ کے شائقین کے لیے یاد گار ایونٹ منعقدکرانے لیے آئی سی سی اور بی سی سی آ ئی کے لیے ایک اچھا موقع بھی ہو گا۔
شیخ رشید وعدے کے مطابق اسمبلی رکنیت سے استعفیٰ دیں : عابد شیر علی
(March 12, 2014)
حیدرآباد: وزیر مملکت برائے پانی و بجلی عابد شیر علی نے کہا ہے کہ ڈالر سابقہ قیمت 98روپے پر آگیا ہے اس کے بعد شیخ رشید احمد کو اسمبلی کی رکنیت سے استعفیٰ دے دینا چاہیئے۔ حیدرآباد میں پریس کانفرنس کے دوران ایک صحافی کے سوال کے جواب میں انھوں نے کہاکہ شیخ رشید احمد اداکارہ میرا کی طرح اپنے بیانات بدلنے کے ماہر ہیں ،تاہم جس کا انھوں نے برملا اعلان کیا تھا کہ اگر یہ حکومت ڈالر98روپے کی سطح پر واپس لے آئی تو وہ استعفیٰ دے دیں گے تو وہ اپنا وعدہ ایفا کریں ۔