کراچی(پی پی آئی)گورنر سندھ کامران ٹیسوری نے گلستان جوہر میں ڈاکوؤں کی فائرنگ سے سعد نامی نوجوان کی ہلاکت کا نوٹس لے لیا۔انہوں نے ایڈیشنل آئی جی کو ہدایت دی ہے کہ نوجوان سعد کے جاں بحق ہونے کے محرکات کا پتہ لگایا جائے۔پی پی آئی کے مطابق مقتول کے والد کا کہنا ہے کہ ایک موبائل کیلئے ان کے بیٹے کی جان لے لی گئی۔سعد اپنی بہن کی شادی کی تیاریوں میں مصروف تھا، وہ گھر کا واحد کفیل تھا۔مقتول کے والد نے مزید کہا کہ میں کس کے ہاتھ میں جوان بیٹے سعد کا لہو تلاش کروں؟ کون دے گا مجھے انصاف؟
اسپین موٹو ریس: مقامی کھلاڑی اسپارگیرو نے تاریخ رقم کر دی
قومی ہاکی ٹریننگ کیمپ کا آج سے اسلام آباد میں آغاز
پاکستان اوپن ٹینس: عقیل خان اور سارہ منصور نے ٹائٹلز جیت لئے
سائیٹ ایریا میں فائرنگ،اسکول پرنسپل جاں بحق، بیٹازخمی
محسن خان بھی ہیڈ کوچ کے امیدواروں کی دوڑ میں شامل
احمد شہزاد کی دھواں دھار بیٹنگ پر لبنانی حسینا بھی لٹو
تازہ ترین خبریں
- April 23, 2026
- April 22, 2026
اشتہار
تازہ ترین
آل پاکستان جیم اینڈ جیولرز ایسوسی ایشن نے سونے کے نرخوں کا اجرا پھر معطل کردیا
کراچی (پی پی آئی)پشاور اور لاہور کے تاجروں کی جانب سے مفاہمت کی خلاف ورزی کرتے ہوئے یکطرفہ طور پر زائد نرخ جاری کیے جانے کے بعد آل پاکستان جیم ایڈ جیولرز ایسوسی ایشن (اے پی جی جے اے) نے ایک ہفتے کے لیے سونے کے یومیہ نرخوں کے اجرا کو معطل کرنے کا اعلان کردیا۔پی پی آئی کے مطابق ایسوسی ایشن نے 10 گرام اور ایک تولہ سونے کے نرخ بالترتب 5 ہزار 487 روپے اور 6 ہزار 400 روپے اضافے کے بعد ایک لاکھ 77 ہزار اور 2 لاکھ 6 ہزار 500 روپے کردیے، عالمی مارکیٹ میں سونے کی فی اونس قیمت 35 ڈالر بڑھنے کے بعد ایک ہزار 959 ڈالر ہوگئی۔ پاکستان جیم ایڈ جیولرز ایسوسی ایشن کے صدر ہارون رشید چاند نے دعوی کیا کہ لاہور اور پشاور کے تاجروں نے ملک بھر کے تاجروں کے ساتھ باہمی مفاہمت پر طے شدہ قیمت (2لاکھ 6ہزار500) کے برعکس انٹر بینک میں ڈالر کی قیمت کو بنیاد بنا کر ایک تولہ سونے کی قیمت2 لاکھ 13ہزار سے 2 لاکھ 16 ہزار کے درمیان جاری کی، جو طے شدہ نرخوں کے مقابلے میں زیادہ ہے۔ہارون رشید چاند کا کہنا تھا کہ وہ لاہور اور پشاور کے تاجروں کی جانب سے کی گئی اعتماد کی خلاف ورزی پر حیران ہیں، وہ قانون نافذ کرنے والوں سے اپیل کر سکتے ہیں کہ گزشتہ دو دنوں میں روپے کے مقابلے بڑھتے ہوئے ڈالر کے درمیان سونے کے قیمتوں میں فرق کو روکنے کے لیے وہ جو کچھ کرسکتے ہیں وہ کریں۔
انڈس موٹر ز اور دیگر2 جاپانی گاڑیوں کے اسمبلرز کی پیداواری سرگرمیاں معطل
کراچی (پی پی آئی)انڈس موٹر کمپنی نے اپنے پلانٹ کو 17 اکتوبر سے ایک مہینے کے لیے بند کر دیا ہے، جبکہ ملک میں 2 دیگر جاپانی گاڑیوں کے اسمبلرز نے بھی محدود مدت کے لیے پیداواری سرگرمیاں معطل کرنے کا اعلان کر دیا۔ ہونڈا اٹلس کار لمیٹڈ نے اسٹاک فائلنگ میں بتایا کہ 24 اکتوبر سے 8 دن کے لیے پیداواری سرگرمیاں معطل کر رہے ہیں، کیونکہ کم انوینٹری اور پرزوں کی قلت کے سبب سپلائی چین شدید متاثر ہوئی ہے۔اس کے علاوہ پاک سوزوکی موٹر کمپنی لمیٹڈ نے بھی پاکستان اسٹاک ایکسچینج کو مطلع کیا کہ پرزوں کی قلت کے سبب 25 سے 27 اکتوبر کے درمیان کاروں کا پیداواری پلانٹ بند رہے گا۔پی پی آئی کے مطابق اسٹیٹ بینک نے درآمدات کے لیے لیٹر آف کریڈٹ (ایل سیز) کھولنے میں نرمی کر دی ہے لیکن سی کے ڈی کٹس کی درآمد میں مزید کمی آئی ہے۔
قائدن لیگ میاں نوازشریف 21 اکتوبر کو اسلام آباد پہنچیں گے
اسلام آباد (پی پی آئی) سابق وفاقی وزیر خزانہ اسحاق ڈار نے کہا کہ میاں نواز شریف 21 اکتوبر کو اسلام آباد پہنچیں گے۔سماجی رابطے کی ویب سائٹ ایکس (سابق ٹوئٹر) پر اپنے بیان میں اسحاق ڈار کا کہنا تھا کہ قائد مسلم لیگ ن 21 اکتوبر کی سہ پہر اسلام آباد پہنچیں گے، اسلام آباد سے نواز شریف لاہور روانہ ہوں گے۔انہوں نے کہا کہ سابق وزیراعظم نوازشریف لاہور مینار پاکستان پر جلسہ عام سے خطاب کریں گے۔قبل ازیں سابق وفاقی وزیر اعظم نذیر تارڑ کا کہنا تھا کہ نواز شریف 21 اکتوبر کو اسلام آباد ایئر پورٹ پر لینڈ ہی کریں گے، نواز شریف اسلام آباد ایئر پورٹ پر لیگل ایشوز نمٹانے کے بعد لاہور روانہ ہوں گے، اسی روز ہی اسلام آباد سے لاہور پہنچیں گے۔پی پی آئی کے مطابق اسلام آباد ہائیکورٹ کے باہر میڈیا سے گفتگو کرتے ہوئے لیگی رہنما عطا تارڑ نے بھی کہا ہے کہ سابق وزیراعظم نواز شریف کے واپسی کے شیڈول میں کوئی تبدیلی نہیں ہوئی، 21 اکتوبر کو شیڈول کے مطابق اسلام آباد پہنچیں گے۔
تلاش کریں
خبریں
اسپین موٹو ریس: مقامی کھلاڑی اسپارگیرو نے تاریخ رقم کر دی
(May 3, 2014)
میڈرڈ: اسپین موٹوجی پی پری سیزن کی چوتھی پری گراںریس میں مقامی رائیڈڑ الیکس اسپارگیرو نے تیز ترین رائیڈر کا ریکارڑ توڑدیا۔دوہزارچودہ موٹوجی پی سیزن کی پہلی تینوں ریسیں اکیس سالہ ہنڈا رائیڈر اور دفاعی چیمپئن مارک مرکوئز نے جیتی ہیں۔ مارک مرکوئزاسپینش گراں پری کے ساتھ کیریئر گراں پری کی سنچری مکمل کرلیں گے۔گراں پری ریس میں ان کے ہم وطن رائیڈراسپارگیروایک منٹ 39 اعشاریہ3 پانچ سات سیکنڈکے فرق سے تیز ترین ثابت ہوئے۔ مارک مرکوئز اعشاریہ دوسیکنڈ کے فرق سے دوسرے نمبر پر رہے،ڈکوٹی رائیڈر اٹلی کے ایندریا ڈوویزیسو تیسرے نمبر اور چوتھی پوزیشن سات مرتبہ کے چیمپئن اٹلی کے ویلنٹینو روسو نے حاصل کی۔
قومی ہاکی ٹریننگ کیمپ کا آج سے اسلام آباد میں آغاز
(May 3, 2014)
اسلام آباد: ایشین گیمزکی تیاریوں کے لئے پاکستان ہاکی ٹیم کا تربیتی کیمپ آج سے (اتوار)سے نصیر بندہ ہاکی اسٹیڈیم اسلام آباد میں شروع ہوگا۔ایک ماہ پر مشتمل تربیتی کیمپ کے لئے منتخب کھلاڑی دوپہر تک چیف کوچ شہنازشیخ کو رپورٹ کریں گے۔ رات کو کھلاڑیوں اور ٹیم انتظامیہ کا ن اجلاس ہوگا،جس کے بعد خصوصی عشائیہ دیا جائے گا۔ کیمپ کا باقاعدہ آغاز پیر سے دو سیشنز میں ہوگا۔ پہلے روز کھلاڑیوں کے فٹنس ٹیسٹ لئے جائیں گے، ٹیم انتظامیہ نے کیمپ میں پلیئرز کا ہر ہفتے فٹنس ٹیسٹ کرانے کا فیصلہ کیا ہے۔ کھلاڑیوں کی فٹنس کے علاوہ مسنگ کی خامی پرقابوپانے کی کوشش کی جائے گی۔پاکستان ہاکی فیڈریشن نے ملک بھر میں اوپن ٹرائلز کے بعد ایشین گیمز کے لئے37کھلاڑیوں کو منتخب کیا ہے۔ ان میں گول کیپرز عمران شاہ، عمران بٹ، مظہر عباس، عدنان شکور اور محمد اقبال، محمد عمران، محمد خالد، عباس علی، عبدالستار، زاہد اللہ اور اسد عزیز، ہاف بیک رضوان جونیئر، محمد توثیق، راشد محمود، فرید احمد، تصورعباس، عثمان حنیف، محمد شعیب اور ایم بلال اور فارورڈز ولیدحمید ، حماد، علی حسین، شفقت رسول، حسیم خان، علی شان، عمر بھٹہ، رضوان سینئر، محمد دلبر، اسفند سینئر، لیاقت رسول، شاہ جی، اصفر، شہباز احمد، شکیل عباسی، ذیشان اکرم، ارسلان قادر، خرم شہزاد شامل ہیں۔
پاکستان اوپن ٹینس: عقیل خان اور سارہ منصور نے ٹائٹلز جیت لئے
(May 3, 2014)
لاہور: پاکستان اوپن ٹینس چیمپیئن شپ میں عقیل خان نے مینز اور سارہ منصور نے ویمنز ٹائٹل جیت لئے۔ باغ جناح لاہور میںکھیلی جانے والی پانچ روزہ چیمپیئن شپ کے مینز سنگل کے فائنل میں عقیل خان نے اپنے چھوٹے بھائی یاسر خان کو 6-1اور7-5 سے شکست دی جبکہ ویمنزفائنل میں سارہ منصور نے ردا خالد کو7-6اور6-2سے زیر کیا۔انڈر18 میں سید نوفل کلیم،انڈر14میں برکت اللہ اور انڈر12میں صہیب خان فاتح رہے۔ منتظمین نے شدید گرمی کے باوجود چیمپیئن شپ میں کھلاڑیوں کی شرکت کو سراہا اورامید ظاہر کی کہ ایسے ایونٹس کے انعقاد سے ہی نوجوان کھلاڑی سامنے آئیں گے۔ اختتامی تقریب میں فاتح اور رنرز اپ کھلاڑیوں میں انعامات تقسیم کیے گئے
سائیٹ ایریا میں فائرنگ،اسکول پرنسپل جاں بحق، بیٹازخمی
(May 3, 2014)
کراچی: کراچی کے سائیٹ ایریا میں فائرنگ سے اسکول پرنسپل جاں بحق اور ان کا بیٹا زخمی ہوگیا۔مسلح افراد نے اسلامیہ پبلک اسکول میں گھس کر فائرنگ کردی جس سے اسکول پرنسپل موقع پر ہی جاں بحق ہوگئے جبکہ ان کا بیٹا زخمی ہوگیا۔واقعے کے بعد پولیس نے مسلح افراد کا تعاقب کیا اور مقابلے کے دوران ایک حملہ آور کو ہلاک کردیا۔
محسن خان بھی ہیڈ کوچ کے امیدواروں کی دوڑ میں شامل
(May 3, 2014)
کراچی: پاکستان کرکٹ ٹیم کے سابق کوچ محسن حسن خان بھی قومی ٹیم کے ہیڈ کوچ کے لیے امیدواروں کی دوڑ میں شامل ہوگئے ۔محسن خان کی درخواست پی سی بی کو موصول ہوگئی ہے۔پاکستان کرکٹ ٹیم کے کوچنگ اسٹاف کے لیے درخواستیں جمع کرانے کی آخری تاریخ میں ایک دن باقی رہ گیا ہے۔ محسن حسن اس سے قبل بھی پاکستانی ٹیم کے کوچنگ کے فرائض انجام دے چکے ہیں،ان کی کوچنگ میں قومی ٹیم نے فروری2012میں اس وقت کی نمبر ون ٹیسٹ ٹیم انگلینڈ کو وائٹ واش کیا تھا۔واضح رہے کہ محسن خان کے بارے میں یہ بات اس وقت سامنے آئی ہے جب چئیرمین پی سی بی نجم سیٹھی ،وقار یونس کو ہیڈ کوچ بنانے کا عندیہ دے چکے ہیں۔ محسن خان 48ٹیسٹ اور75ایک روزہ میچوں میں پاکستان کی نمائندگی کرچکے ہیں۔پاکستان کرکٹ بورڈ کوچنگ اسٹاف کے ناموں کاباضابطہ اعلان 6مئی کو کرے گا۔
احمد شہزاد کی دھواں دھار بیٹنگ پر لبنانی حسینا بھی لٹو
(May 3, 2014)
لاہور: قومی کر کٹ ٹیم کے اسٹار اوپنر احمد شہزاد کی دلکش بیٹنگ نے لبنانی حسینانیتھالی فراج کے ہوش اڑا دیئے ہیں۔سماجی رابطے کی ویب سائٹ میں نیتھالی فراج نے احمد شہزادکو مخاطب کر تے ہوئے یہ کہا ہے کہ “آپ کو بیٹنگ کرتے دیکھنا مجھے اچھا لگتا ہے، میں آپ کی کارکردگی سے بہت متاثر ہوں “۔نیتھالی فراج2010 کی حسینائے لبنان، 2011میں مِس ارتھ اور 2012 میں مِس ایشیا پیسفک ورلڈ اسٹار اور مس گلوب کا ٹائٹل جیت کر ایوارڈز کی ہیٹ ٹرک مکمل کر چکی ہیں۔احمد شہزاد نے نیتھالی فراج کی بال پرزواردار اسٹروک کھیلتے ہوئے جواب دیا کہ “شکریہ مجھے بھی آپ کا کام بہت پسند ہے اور نیک خواہشات کا اظہار بھی کیا”۔ حال ہی میں قومی اوپنرنے روسی ٹینس اسٹار ماریہ شراپوا کے مداح ہونے کا اعتراف کیا تھا ۔