کراچی(پی پی آئی)ممتاز اہلحدیث عالم دین اور اتحاد بین المسلمین کونسل کے چیرمین ڈاکٹر عامر عبداللہ محمدی دو روزہ دورے پر بدین اور تھر کے لیے روانہ ہوگئے۔وہ بدھ 18اکتوبر کو بدین میں ملکانی شریف کی مرکزی جامع مسجد اہلحدیث میں عظمت صحابہ رضوان اللہ علیہم اجمعین کانفرنس سے خطاب کرینگے جبکہ تھر میں اسکائی وے فاونڈیشن کے سولر واٹر پراجیکٹس کا افتتاح اورمسجد توحید کی تعمیرات کا معائنہ کرینگے۔ پی پی آئی کے مطابق مفتی عبدالوکیل ناصر، شیخ عرفان اور،شیخ یاسین ان کے ہمراہ ہیں۔
بارسلونا اوپن: جاپان اور اسپین کے کھلاڑی تیسرے مرحلے میں پہنچ گئے
فاسٹ بولرجنید خان کالنکا شائر سے معاہدہ
30 ویں ایشین اسنوکر چیمپیئن شپ کے لیے قومی گروپ کا اعلان
جنوبی افریقاکو ٹیسٹ ٹیم کے کپتان کی تلاش
مومن آباد میں رینجرز کا آپریشن10مشتبہ افراد گرفتار
دیگر شہریوں کی طرح ہمیں بھی جینے کا حق دیا جائے:رہنمامہاجرقومی موومنٹ آفتاب حسن
تازہ ترین خبریں
- April 23, 2026
اشتہار
تازہ ترین
پنجاب میں 157 انٹیلی جنس بیسڈ آپریشن،داعش کے اہم کمانڈرز سمیت 9دہشتگرد گرفتار
لاہور(پی پی آئی) دہشت گردی کے خدشات کے پیش نظر سی ٹی ڈی نے پنجاب کے مختلف شہروں میں 157 انٹیلی جنس بیسڈ آپریشن کے دوران 9 دہشت گرد گرفتار کرلیے۔ترجمان کاؤنٹر ٹیررزم ڈیپارٹمنٹ (سی ٹی ڈی) کے مطابق کارروائیاں لاہور، فیصل آباد، ننکانہ صاحب، رحیم یار خان، شیخوپورہ اور راولپنڈی میں کی گئیں، لاہور کے سرحدی گاؤں سے داعش کے 2 اہم کمانڈرز بھی گرفتار کیے گئے ہیں۔
دہشت گردوں کے قبضے سے بارودی مواد، 12 ڈیٹو نیٹرز، پرائما کارڈ، موبائل فون، اسلحہ اور نقدی برآمد کی گئی ہے۔ترجمان کاکہنا ہے کہ دہشت گردوں کی شناحت رؤف، زبیر، ضیا، وقار، امین، مسعود، سرفراز، حمید خان اور شاہد کے نام سے ہوئی ہے۔ترجمان سی ٹی ڈی کا کہنا ہے کہ دہشت گرد اہم تنصیبات پر حملے کی منصوبہ بندی کر رہے تھے، دہشت گردوں کے خلاف مقدمات درج کرکے مزید تفتیش جاری ہے۔
یوٹیلیٹی سٹورز پر گھی کی قیمتوں میں 23روپے فی کلو سے لیکر 38 روپے تک کمی
کراچی (پی پی آئی)ملک بھر کے تمام یوٹیلیٹی سٹورز پر گھی کی قیمتوں میں کمی کا اعلان کیا گیا ہے ترجمان یوٹیلٹی سٹورزکارپوریشن کا کہنا ہے کہ معروف برانڈزکے گھی کی قیمت میں 23روپے فی کلو سے لیکر 38 روپے تک کی کمی کی گئی،کوکنگ آئل کی قیمتوں میں 13 روپے فی لیٹر سے لیکر 36 روپے فی لیٹر کی کمی کی گئی ہے، پی پی آئی کے مطابق نئی قیمتوں کا اطلاق فوری طور پر کر دیا گیاہے، ترجمان یوٹیلٹی سٹورز کارپوریشن کا کہنا ہے کہ گھی اور کوکنگ آئل کی قیمت میں کمی عام صارفین کی سہولت کیلئے کی گئی ہے۔
قبرستان کی زمین پر قبضہ کے کیس میں خاور مانیکا کی درخواست ضمانت دائر
لاہور(پی پی آئی)بشریٰ بی بی کے سابق شوہر خاور مانیکا نے ضمانت پر رہائی کیلئے درخواست دائر کر دی ہے۔پی پی آئی کے مطابق خاور مانیکا نے لاہور ہائیکورٹ سے رجوع کیا ہے، درخواست سماعت کیلئے مقرر کر دی گئی جس پر جسٹس علی باقر نجفی سماعت کریں گے۔ پی پی آئی کے مطابق بتایا گیا ہے کہ خاور مانیکا نے قبرستان کی زمین پر قبضے کے کیس میں درخواست ضمانت دائر کی ہے۔
تلاش کریں
خبریں
بارسلونا اوپن: جاپان اور اسپین کے کھلاڑی تیسرے مرحلے میں پہنچ گئے
(April 23, 2014)
بارسلونا: جاپان کے کی نیشیکوری اور اسپین کے ٹومی روبریڈو نے بارسلونا اوپن ٹینس کے تیسرے مرحلے مین پہنچ گئے۔ پاکستان کے اعصام الحق اور بھارت کے روہن بوپننا کی جوڑی مینز ڈبلز کے کوارٹر فائنل میں پہنچ گئی۔ اسپین کے شہر بارسلونا میں کھیلے جانے والے کلے کورٹ ایونٹ میں فورتھ سیڈ جاپان کے کی نیشیکوری نے دوسرے مرحلے میںمقامی کھلاڑی روبرٹو باتستا کو تین سیٹ کے مقابلے کے بعد شکست دی۔ نیشیکوری کی فتح کا اسکور 6-1، 6-4 اور6-3 رہا۔ ففتھ سیڈ اسپین کے ٹومی روبریڈو نے آسٹریلیا کے مارنکو میتسووچ کو مات دی۔ روبریڈو نے آسٹریلوی حریف کے خلاف 6-3 اور6-4 کے اسکور سے کامیابی حاصل کی۔
فاسٹ بولرجنید خان کالنکا شائر سے معاہدہ
(April 23, 2014)
لندن: قومی کرکٹ ٹیم کے فاسٹ بولرجنیدخان نے کاونٹی کلب لنکا شائر سے نئے سیزن کے لیے معاہدہ کرلیا۔جنید خان انگلش کاونٹی کے نئے سیزن میں شر کت کے لیے اگلے ماہ وہ لندن روانہ ہوں گے۔کاﺅنٹی کے سیزن میں جنید خان ٹی ٹوئنٹی اور ون ڈے کرکٹ میں لنکا شائر کی نمائندگی کریں گے۔ جنید خان اس سے قبل 2011میں بھی لنکا شائر کی جانب سے کاﺅنٹی کر کٹ میں حصہ لے چکے ہیں۔
30 ویں ایشین اسنوکر چیمپیئن شپ کے لیے قومی گروپ کا اعلان
(April 23, 2014)
کراچی: قومی ٹینس ایسو سی ایشن نے 30 ویں ایشین اسنوکر چیمپیئن شپ کے لیے پاکستان کے گروپ کا اعلان کردیا۔ قومی چیمپئین محمد آصف ٹوبا گروپ ایف کے ٹاپ سیڈ ہوں گے۔قومی اسنوکرٹیم تین کھلاڑیوں پر مشتمل ہے جس میں قومی چیمپئن محمدآصف ٹوبا، حمزہ اکبر اور اسجد اقبال شامل ہیں جب کہ حاجی عبدالرشید ٹیم مینیجرکے فرائض انجام دیں گے۔ قومی چیمپیئن شپ کے رنرز اپ حمزہ اکبر کو گروپ ایچ کا ٹاپ سیڈ مقرر کیا گیا ہے۔ پاکستانی کیوئسٹ اسجد اقبال گروپ پی کے سیکنڈ سیڈ کھلاڑی ہوں گے۔ ایشین اسنوکر چیمپئن شپ 26اپریل سے تین مئی تک متحدہ عرب امارات کی ریاست الفجیرہ میں کھیلی جارہی ہے۔ جس میں شرکت کے لئے ٹیم جمعے کو دبئی روانہ ہوگی۔ٹورنامنٹ کی تیاری کے لئے تربیتی کیمپ کراچی میں جاری ہے جس میں شامل کیوئسٹ کا کہنا ہے کہ وہ ٹورنامنٹ میں اپنی بھرپور صلاحیتوں کامظاہرہ کرتے ہوئے قوم کومایوس نہیں کریں گے۔ پی بی ایس اے کے صدر عالمگیر شیخ کہتے ہیں کہ کھلاڑیوں نے کیمپ میں بھرپور تیاری کی ہے اور وہ چیمپیئن شپ میں قومی کیوئسٹس کی جانب سے بہترین کارکردگی کے لئے پرامید ہیں۔
جنوبی افریقاکو ٹیسٹ ٹیم کے کپتان کی تلاش
(April 23, 2014)
کراچی: جنوبی افریقا کرکٹ بورڑنے ٹیسٹ ٹیم کے لیے نئے کپتان کی تلاش شروع کردی ہے۔سابق کپتان گریم اسمتھ کی کرکٹ سے ریٹائرمنٹ کے بعد سے جنوبی افریقی بورڈ حتمی طور پرٹیسٹ کپتان کا اعلان نہیں کر سکا۔ٹیم کی کپتانی کے لیے ون ڈے کپتان اے بی ڈیویلئیرز،ٹی ٹوئنٹی کپتان فاف ڈوپلیسی ،ہاشم آملہ اور جے پی ڈومینی کے نام زیر غور ہےں۔جنوبی افریقی کرکٹ بورڈ نے کپتان کے تقرر کے لیے اینڈریو ہڈسن کی سر براہی میں ایک پینل بنایا ہے جو اپنی سفارشات پیش کرے گا۔ کپتان کا اعلان بورڈ کے اگلے اجلاس میں کیا جائے گا۔جنوبی افریقا کی کرکٹ ٹیم رواں سال جون میں سری لنکا کا دورہ کرے گی جس میں ون ڈے اور ٹی ٹوئینٹی کے علاوہ ٹیسٹ سیریز بھی کھیلی جائے گی۔
مومن آباد میں رینجرز کا آپریشن10مشتبہ افراد گرفتار
(April 23, 2014)
کراچی: کراچی سائٹ کے علاقے مومن آباد میں رینجرز نے جرائم پیشہ افراد کے خلاف کارروائی کرتے ہوئے10مشتبہ افراد کو گرفتار کرکے نامعلوم پر مقام پر منتقل کر دیا ،ملزمان کے قبضے سے اسلحہ بھی برآمد کیا گیا ہے۔ دوسری جانب منگھو پیر میں نامعلوم افراد کی فائرنگ سے ایک شخص جاں بحق ہوگیا ،لاش کو ہسپتال منتقل کردیا تا ہم لاش کی شناخت نہیںکی جاسکی۔پولیس کے مطا بق میوہ شاہ قبرستان سے 2نامعلوم لاشیں ملی ہےں۔
دیگر شہریوں کی طرح ہمیں بھی جینے کا حق دیا جائے:رہنمامہاجرقومی موومنٹ آفتاب حسن
(April 23, 2014)
کراچی: مہاجرقومی مومنٹ کے رہنما آفتاب حسن نے کراچی پریس کلب میں پریس کانفرنس کرتے ہوئے کہا کہ مہاجر قومی مومنٹ کے کارکنان اور ان کے اہل خانہ کے علاقوں سے جبری بے دخلی اوراعلیٰ عدالتی احکام پر صوبائی حکومت کی ہٹ دھرمی کے خلاف عدالت عظمٰی میں توہین عدالت کی درخوست دائر کر رہے ہیں۔ان کا کہنا تھا کہ پچھلے 11سالوں سے ہم دربدر گھوم رہے ہیں۔ہمارے سینکڑوں کارکنان پر جھوٹے مقدمات بنا کر اسیری کی زندگی گزارنے پر مجبور کیا گیا ۔ہماری خواتین کے ساتھ بد سلوکیاں کی گئیں،غیر قانونی طور پر ہمارے مرکز بیت الحمزہ کو مسمار کیا گیا۔ہم نے 21اکتوبر 2013کو عدالت عظمٰی میں کراچی بد امنی کیس ،نو گو ایریاز کے خاتمہ سمیت مہاجر خاندانوں کی بحفاظت گھروں پر واپسی کے لےے درخواست کی تھی جس پر چیف جسٹس آف پاکستان نے تمام بے دخل مہاجرین کوحکومت کی سرپرستی میں گھروں میں واپس لانے کی ہدایت کی تھی۔آفتاب حسن کا کہنا تھا کہ سابق سربراہ الیکشن کمیشن آف پاکستان فخرالدین جی ابرہیم نے ہمیں مکمل طور پر الیکشن میں حصہ لینے کی اجازت دی تھی لیکن گورنر عشر ت ا لعباد نے مہاجر قومی مومنٹ پر غیرقانونی پابندی لگا دی ان کا مزید کہنا تھا کہ ہم اس ملک کے شہری ہیں اور حکومت ہمیں دیگر شہریوں کی طرح مکمل آزادی دے۔