کراچی: غربت سے تنگ آکر خاتون نے دو بیٹیوں سمیت زہر پی لیا، جس کے نتیجے میں اسپتال منتقلی کے دوران ایک بچی دم توڑ گئی۔پی پی آئی کے مطابق کراچی کے علاقے گگھرپھاٹک کے قریب خاتون نے دو بیٹیوں سمیت زہر پی لیا، زہرکھانے کے نتیجے میں خاتون اوربچیوں کی حالت غیر ہو گئی۔محلے کے لوگوں نے پہلے گلشن حدید کے ایک اسپتال پہنچایا، جہاں حالت تشویشناک ہونے کے باعث جناح اسپتال منتقل کیا جا رہا تھا کہ ایک بچی ثنا راستے میں ہی دم توڑ گئی۔علاقہ مکینوں کا کہنا ہے خاتون نیغربت سے تنگ آکر انتہائی قدم اٹھایا جبکہ پولیس نے بتایا کہ خاتون نورجہاں سومرو شوہرکے انتقال کے بعد بچوں سمیت اکیلی رہتی تھی۔
بریٹ لی کا سڈنی سکسر کے ساتھ اگلے سیزن کے لیے معاہدہ
جامعہ سندھ کی جانب سے 30مئی داخلہ فیس کی آخری تاریخ
فرانس ٹینس: اعصام الحق اور بوپنا کی جوڑی کواٹر فائنل میں پہنچ گئی
سندھ ٹیکنیکل بورڈکاتھرڈ ائیر ضنمنی امتحانات کے نتائج کا اعلان
پیپلزپارٹی حقوق خواتین اور بچوں کے تحفظ کے منصوبوں پر کام کررہی ہے:روبینہ قائم خانی
میٹرک بورڈ آفس سے 160 کاپیاں چوری
تازہ ترین خبریں
- April 22, 2026
- April 22, 2026
اشتہار
تازہ ترین
ترسیلات زر میں 19.8 فیصد، برآمدات میں 5 فیصد، درآمدات میں 23.8 فیصد کمی
اسلام آباد (پی پی آئی)رواں مالی سال ترسیلات زر، برآمدات، درآمدات اور کرنٹ اکاؤنٹ خسارے میں کمی ریکارڈ کی گئی ہے۔پی پی آئی کے مطابق رواں مالی سال کی پہلی سہ ماہی کی ماہانہ معاشی آؤٹ لک رپورٹ میں بتایا گیا ہے کہ ایف بی آر محصولات، نان ٹیکس آمدنی اور مہنگائی میں اضافہ ریکارڈ کیا گیا جبکہ بڑی صنعتوں کی پیداوار، اسٹاک ایکسچینج انڈیکس، اور ڈالر کی قدر میں بھی اضافہ ہوا ہے۔معاشی آؤٹ لک رپورٹ کے مطابق گزشتہ مالی سال کی پہلی سہ ماہی کے مقابلے میں رواں مالی ترسیلات زر میں 19.8 فیصد کی کمی ہوئی جبکہ گزشتہ مالی سال کے پہلے تین ماہ میں 7.9 ارب ڈالر کی ترسیلات زر موصول ہوئیں اور رواں مالی سال کی پہلی سہ ماہی میں 6.3 ارب ڈالر کی ترسیلات زر موصول ہوئیں۔رپورٹ میں بتایا گیا ہے کہ رواں مالی سال برآمدات میں 5 فیصد اور درآمدات میں 23.8 فیصد کی کمی ہوئی جبکہ گزشتہ سال 7.4 ارب ڈالر کی برآمدات کے مقابلے میں رواں سال 7 ارب ڈالر کی برآمدات ہوئیں۔معاشی آؤٹ لک رپورٹ میں کہا گیا کہ کرنٹ اکاؤنٹ خسارے میں گزشتہ مالی کے مقابلے میں 58.1 فیصد کمی ہوئی جبکہ رواں مالی سال براہ راست بیرونی سرمایہ کاری میں 15 فیصد اضافہ ریکارڈ کیا گیا۔
سب سے پہلے میں نے نواز شریف کو پاکستان واپسی کا کہا تھا: آصف زرداری
نوابشاہ (پی پی آئی) پیپلز پارٹی کے شریک چیئرمین آصف علی زرداری نے کہا ہے کہ پیپلز پارٹی کے کارکنوں کو پریشان ہونے کی ضرورت نہیں ہے میں موجود ہوں، نواز شریف پاکستان آئے ہیں سیاست ان کا حق ہے، سب سے پہلے میں نے ہی نواز شریف کو پاکستان واپس آنے کا کہا تھا۔پی پی آئی کے مطابق سابق صدر نے مزید کہا کہ رکن الیکشن کی بھرپور تیاری کریں۔ شعبہ خواتین سندھ کی صدر شگفتہ جمانی کی قیادت میں وفد نے ان سے ملاقات کی، اس دوران سابق صدر نے پیپلز پارٹی شعبہ خواتین کی کارکردگی کو سراہتے ہوئے خواتین کو متحرک کرنے کی ہدایت کی اور کہا کہ آئندہ الیکشن میں خواتین کا اہم کردار ہو گا۔
آمدن سے زائد اثاثہ جاتت کیس میں سراج درانی کو شوکاز نوٹس،8 نومبر تک جواب طلب
کراچی (پی پی آئی)سندھ ہائیکورٹ نے آمدن سے زائد اثاثے بنانے کے ریفرنس میں سپیکر سندھ اسمبلی آغا سراج درانی کو شوکاز جاری کر دیا۔اسپیکر سندھ اسمبلی آغا سراج درانی اور دیگر کی درخواست ضمانت کی سماعت پر عدالت کی جانب سے کہا گیا کہ سندھ ہائی کورٹ نے 30 نومبر 2022کو آغا سراج کی حفاظتی ضمانت منظور کی تھی۔جسٹس ظفر راجپوت نے کہا کہ حکم کے باوجود ملزم نے نیب کورٹ میں کیوں سرنڈر نہیں کیا؟، عدالت کی جانب سے وکیل سے کہا گیا کہ پہلے آپ اس بات کا جواب دیں پھر ضمانت کا فیصلہ ہو گا۔پی پی آئی کے مطابق بعدازاں سندھ ہائی کورٹ نے سپیکر سندھ اسمبلی آغا سراج درانی کو شوکاز نوٹس جاری کرتے ہوئے 8 نومبر تک جواب طلب کر لیا۔
تلاش کریں
خبریں
بریٹ لی کا سڈنی سکسر کے ساتھ اگلے سیزن کے لیے معاہدہ
(May 22, 2014)
سڈنی: آسٹریلیا کرکٹ ٹیم کے سابق فاسٹ بولر بریٹ لی نے بگ بیش کے اگلے سیزن کے لیے سڈنی سکسر سے معاہدہ کر لیا۔سابق اسٹا ر بولر نے آسٹریلیا کے ڈومیسٹک کرکٹ ٹورنامنٹ بگ بیش میں سڈنی سکسر کے ساتھ معاہدہ کر لیا تاہم متوقع طور پریہ ان کا آخری ٹورنامنٹ ہوگا،بریٹ لی کا کہنا ہے کہ اگر وہ 150کلومیٹر فی گھنٹہ کی رفتار سے بولنگ کرنے میں کامیاب ہوئے تو کیرئر کو مزید طول دیا جاسکتا ہے۔بریٹ لی کا کہنا ہے کہ فی الحال وہ انتظار کر رہے ہیں کہ کرسمس کے بعد ٹورنامنٹ میں کیا صورت حال بنتی ہے،ان کامزید کہنا تھا کہ میں ہمیشہ 150کی رفتار سے بولنگ کر نا چاہتا ہوںلیکن اگر وہ اس میں ناکام ہوئے تو مزید کرکٹ نہیں کھیلیں گے۔بریٹ لی کا کہنا ہے کہ پچھلے سال وہ اپنی پرانی رفتا ر دوبارہ حاصل کرنے میں کامیاب ہوئے تھے ۔بریٹ لی نے ایک سال قبل بین الاقوامی کرکٹ سے ریٹائرمنٹ کا اعلان کیاتھا ،وہ سمجھتے ہیں کہ ٹی ٹوئنٹی میں موقع مل جائے تو مزید کھیل سکوں گا۔
جامعہ سندھ کی جانب سے 30مئی داخلہ فیس کی آخری تاریخ
(May 22, 2014)
حیدر آباد: جامعہ سندھ جامشورو میں بیچلرز و ماسٹرز ڈگری پروگرام 2014 کے تحت زیر تعلیم طلباءکو اپنی مکمل داخلہ فیس 30 مئی تک جمع کرانے کی ہدایت کی گئی ہے۔ ڈائریکٹوریٹ آف ایڈمیشن کی جانب سے جاری کردہ اعلامئے کے مطابق تعلیمی سال 2014 کے تحت بیچلرز و ماسٹرز پرگرامز2014 میں میرٹ، سیلف فنانس (صبح و شام) اور مخصوص سیٹوں پر تعلیم حاصل کرنے والے طلبہ و طالبات کو 30 مئی تک ہر حال میں داخلہ فیس جمع کرانے کی ہدایت کی گئی ہے ،اعلامئے کے مطابق مقررہ تاریخ تک داخلہ فیس جمع نہ کرانے والے طلباءکے امتحانی نتائج روک دیے جائیں گے۔
فرانس ٹینس: اعصام الحق اور بوپنا کی جوڑی کواٹر فائنل میں پہنچ گئی
(May 21, 2014)
لاہور: پاکستان کے اعصام الحق اور ان کے بھارتی ساتھی روہن بوپنا فرانس میں جاری ٹینس ٹورنامنٹ کے کوارٹرفائنل میں پہنچ گئے ہیں۔پیرس میں کھیلے جانے والے نائس ٹینس ٹورنامنٹ کے پہلے راونڈ میں ٹاپ سیڈ ایشین جوڑی نے روس کے دیمتری تریسنوف اور آسٹریلوی حریف میتھیو ایبڈن کے پئیر کو اسٹریٹ سیٹس میں ہرا دیا۔ پاک بھارت ٹیم کی فتح کا اسکور 6-4 اور6-4 رہا۔ کوارٹر فائنل میں ان کا مقابلہ آسٹریا کے اولیور مارش اور اٹلی کے ڈینئیل براسیالی سے ہوگا۔ مارش اور براسیالی نے فرسٹ راونڈ میں فرانس کے جائلز مونفلز اور بینوئے پیری کو سخت مقابلے کے بعدشکست دی تھی۔
سندھ ٹیکنیکل بورڈکاتھرڈ ائیر ضنمنی امتحانات کے نتائج کا اعلان
(May 21, 2014)
کراچی: سندھ بورڈ آف ٹیکنیکل ایجوکیشن نے ڈپلومہ آف ایسوسی ایٹ انجینئرنگ تھرڈ ائیر مارننگ اور ایوننگ سپلیمنٹری امتحانات 2013کے نتائج کا اعلان کر دیا۔ سندھ بورڈ آف ٹیکنیکل ایجوکیشن کے ناظم امتحانات کے مطابق 15 ٹیکنالوجیز کے نتائج کا اعلان کردیا گیا ہے۔سندھ ٹیکنیکل بورڈ نے جن ٹیکنالوجیز کے امتحانات کے نتائج کا اعلان کیا ان میں آٹو اینڈ ڈیزل، بائیو میڈیکل، کیمیکل ، سول، کمپیوٹر انفارمیشن ، الیکٹریکل، الیکٹرانکس، انسٹرومینٹشن اینڈ پروسس کنٹرول، لیدر، میکینکل ، میٹلوجری اینڈ میٹریل سائنس، پرنٹنگ اینڈ گرافکس، ریفریجریشن اینڈ ائیر کنڈیشننگ ، ٹیلی کمیونیکشن اور ٹیکسٹائل اسپننگ شامل ہے۔
پیپلزپارٹی حقوق خواتین اور بچوں کے تحفظ کے منصوبوں پر کام کررہی ہے:روبینہ قائم خانی
(May 21, 2014)
کراچی: صوبائی وزیر ترقی نسواں و خصوصی تعلیم روبینہ قائم خانی نے کہاکہ پاکستان پیپلز پارٹی خواتین اور بچوں کے حقوق اور ان کے تحفظ کے حوالے سے متعدد منصوبوں پر کام کررہی ہے۔ ان خیالات کا اظہار انہوں نے چائلڈ رائٹ موومنٹ گروپ آف این جی اوز کے زیر اہتمام بچوں کے حقوق سے متعلق سیمینار اور بچوں کی نگہداشت کے حوالے سے بجٹ بک کی افتتاحی تقریب سے خطاب کرتے ہوئے کیا۔ روبینہ قائم خانی نے کہا کہ سندھ حکومت بچوں کی نگہداشت اور صحت مند زندگی کے فروغ کے حوالے سے قانون سازی کرے گی اور انشا اللہ مستقبل کے معماروں کی بہتر نگہداشت کو یقینی بنا نے کے لئے عملی اقدامات کئے جائیں گے۔سیمینار سے چائلڈ رائٹ موومنٹ کے کوارڈینٹر مدنی میمن ،سی ای او ناصر احمد نظامانی ،سیف دی چلڈرن کے صوبائی منیجر اقبال احمد ڈیتھو ، ایڈیشنل سیکریٹری لائڈیپارٹمنٹ اسلم شیخ ،کراچی بار کے صدر صلاح الدین احمد ،جوائنٹ ڈائریکٹر لیبر سید اشرف علی نقوی،ایجوکیشن ڈائریکٹر امیر اعجاز ،سنیئر جرنلسٹ جاوید قاضی اور دیگر نے بھی خطاب کیا۔اس موقع پر مقررین نے بچوں کے حقوق کے تحفظ اورصحت مندزندگی کو پروان چڑھانے کے لئے وفاقی اور صوبائی بجٹ میں خصوصی رقم مختص کرنے کے حوالے سے تجاویزپیش کیں۔
میٹرک بورڈ آفس سے 160 کاپیاں چوری
(May 21, 2014)
کراچی: میٹرک بورڈ آفس سے میٹرک جنرل گروپ کی 160 کاپیاں چوری ہوگئیں۔ ناظم امتحانات میٹرک بورڑ کے مطابق بورڈ آفس سے جنرل گروب کی 160حل شدہ کاپیاں غائب ہیں۔ناظم امتحانات نے پاپوش تھانے میں رپورٹ درج کرادی ہے۔ پولیس کے مطابق چیکنگ سے واپس آئیں تو 160 کاپیاں کم تھیں، چوری ہونیوالی کاپیاں مختلف مضامین کی ہیں۔