کراچی(پی پی آئی) مسلم لیگ ن کے قائد سابق وزیراعظم نواز شریف کی وطن واپسی کیلئے تیاریاں جاری ہیں اور اس سلسلے میں مسلم لیگ ن کی قیادت نے تشہیری مہم کیلئے ہدایت نامہ جاری کر دیا۔ ذرائع کے مطابق پارٹی رہنماؤں اور کارکنوں کو ہدایت نامے پر سختی سے عملدرآمد کی ہدایت کی گئی۔لیگی قیادت نے رہنماؤں اور کارکنوں کو ہدایت کی ہے کہ پوسٹرز،فلیکسز اور بنیرز پر نواز شریف کی تصویر نمایاں ہونی چاہیے،نواز شریف کی تصویر کے سائز کے برابر کسی رہنما کی تصویر نہیں ہو گی۔ بینرز پر بنیادی پیغام ”امید سے یقین تک،پاک سرزمین تک“ لازمی لکھوانے کی ہدایت کی گئی۔جبکہ اس کے علاوہ ”پارٹی قائد کے سنگ غربت اور مہنگائی مٹائیں“ ”آئیں 21 اکتوبر کو تاریخ بنائیں“ جیسے نعرے بھی لکھوانے کی ہدایت کی گئی۔ ن لیگ نے پارٹی کا فراہم کردہ تشہری مواد ہی بینرز،اسٹیمرز اور ہورڈنگز پر پرنٹ کرانا کی ہدایت کی اور اس کے ساتھ ساتھ کاروں،موٹر سائیکل اور رکشوں کیلئے اشتہاری اسٹکرز پرنٹ کروانے کی ہدایت بھی کی گئی ہے۔
پی ٹی سی ایل کا زیر سمندر کیبل سسٹم کیلئے بین الاقوامی ٹیلی کام آپریٹرز کے سا تھ معا ہدہ
بھارتی کرکٹ بورڈ نے آئی پی ایل سے پاکستانی کرکٹرز کو آﺅٹ کردیا
نیوزی لینڈ نے بھارت کو چوتھے ون ڈے میں بھی شکست دے دی
سوچی اولمپکس کی مشعل کا داغستان میں روائتی انداز میں استقبال
فنڈزکی کمی کے باعث قومی ٹیم اذلان شاہ کپ میں شرکت نہیں کریگی : ہاکی فیڈریشن
وفاقی دارالحکومت میں تین روزہ فٹ بال ٹورنامنٹ کا آغاز
تازہ ترین خبریں
- April 25, 2026
- April 22, 2026
اشتہار
تازہ ترین
تحریک انصاف کراچی کا دفتر انصاف ہاؤس عدالتی حکم پر کھول دیا گیا
کراچی(پی پی آئی) کراچی میں تحریک انصاف کا سیاسی دفتر انصاف ہاؤس کھول دیا گیا۔ترجمان پی ٹی آئی کراچی کے مطابق انصاف ہاؤس عدالتی حکم پر کھولا گیا۔پی پی آئی کے مطابق ترجمان نے مزید بتایا کہ آئیندہ بلدیاتی اور عام انتخابات کی تمام سرگرمیوں کا آغاز انصاف ہاؤس سے کیا جائے گاجب کہ چئیرمین پی ٹی آئی عمران خان نے بھی ہدایت کی ہے کہ اب ورکرز کنونشنز کا آغاز کیا جائے۔۔
ٹیکس اصلاحات کیلئے قائم ٹاسک فورس کی ڈاکٹر شمشاد اختر چیئرپرسن مقرر
اسلام آباد (پی پی آئی)ٹیکس اصلاحات کیلئے ٹاسک فورس قائم،نگران وزیر خزانہ ڈاکٹر شمشاد اختر ٹاسک فورس کی چیئرپرسن مقرر کر دی گئیں۔ نوٹیفیکیشن کے مطابق ڈاکٹر منظور، ڈاکٹر مشرف، امان اللہ امیر ٹاسک فورس میں شامل،عامر اعجاز خان، خالد محمود اور چیئرمین ایف بی آر امجد زبیر ٹونہ بھی ٹاسک فورس کا حصہ ہوں گے۔پی پی آئی کے مطابق ایف بی آر کے ارشد سلیم طارق ممبر ٹیکس اصلاحات ٹاسک فورس کے سیکرٹری مقرر کر دیئے گئے ہیں،ٹاسک فورس ٹیکس آمدن بڑھانے کیلئے تجاویز تیار کرے گی،ٹاسک فورس ٹیکس نظام کی خامیوں کو دور کرنے کئلئے تجاویز دیگی۔ ٹاسک فورس ٹیکس چوری کے خاتمے کیلئے اقدامات تجویز کرے گی، ٹاسک فورس اسمگلنگ کے خاتمے کیلئے حکمت عملی پیش کرے گی، ٹاسک فورس ٹیکس کی چھوٹ محدود کرنے کیلئے مختلف تجایوز پیش کرے گی۔ ٹاسک فورس جدید ٹیکنالوجی کے ذریعے شارٹ ٹرم اور لانگ ٹرم اور حکمت عملی سے ٹیکس آمدن بڑھانے کی تجویز دے گی۔
عمران سے غلطیاں سرزد ہوئیں، انہیں بھی احساس ہے:علی محمد خان
لاہور (پی پی آئی) تحریک انصاف کے رہنما علی محمد خان نے چیئرمین عمران خان سے غلطیاں سرزد ہونے کا اعتراف کر لیا تو اسٹیبلشمنٹ اور نگران وزیرعظم کو بھی مشورے دیئے۔ سابق وفاقی وزیر علی محمد خان کا کہنا ہے کہ پرویز خٹک کو کہنا چاہوں گا کہ جدائی میں بھی وقار ہونا چاہئے، خیبرپختونخوا کی لیڈر شپ سے پہلا اعتراض احتساب کمیشن کے بند ہو نے پر کیا تھا، تحریک انصاف کو آگے بڑھنا ہو گا، ہمیں انداز ہے ہم سے غلطیاں ہوئی ہیں۔انہوں نے اسٹیبلشمنٹ کو مشورہ دیا کہ وہ اور سیاسی قیادت اگر مل کر بیٹھیں تو مسائل کا کچھ حل نکل آئے گا۔ انہوں نے کہا کہ جن لوگوں نے 9 مئی کیا، ان کی اکثریت تو جیل میں ہے۔ اسد عمر کے پارٹی عہدہ چھوڑنے کا دکھ ہوا تاہم وہ ابھی بھی ہماری پارٹی میں ہیں۔ ملک کو سیاسی انتقام کی بجائے سیاسی استحکام کی ضرورت ہے۔ چیئرمین پی ٹی آئی سے غلطیاں ہوئی ہیں جس کا انہیں احساس ہے۔علی محمد خان نے نگران وزیراعظم انوارالحق کاکڑ کو مشورہ دیا کہ انہیں متنازع بیانات سے دور رہنا چاہئے، نگران سیٹ اپ کا کام صاف و شفاف انتخابات کروانا ہے۔ کہا کہ مجھے 7 مرتبہ گرفتار کیا گیا جبکہ اڈیالہ میں مجھے ڈیتھ سیل میں رکھا گیا۔
تلاش کریں
خبریں
پی ٹی سی ایل کا زیر سمندر کیبل سسٹم کیلئے بین الاقوامی ٹیلی کام آپریٹرز کے سا تھ معا ہدہ
کراچی: پاکستان ٹیلی کمیونیکیشن کمپنی لمیٹڈ (پی ٹی سی ایل) نے دنیا کے 16 بین الاقوامی ٹیلی کام آپریٹرز کیساتھ مل کر سب سے بڑے انٹر نیشنل سب میرین کیبل کنسورشیم سسٹم کی تعمیر کے معا ہد ہ پر د ستخط کیے۔ ز یر سمندر کیبل سسٹم پر کروڑوں ڈالر سرمایہ کاری کی جائے گی اور اس سے پاکستان کی مستقبل میں انفارمیشن کمیونیکیشنز ضروریات پوری ہوں گی۔ سمجھوتے پر دستخط کی تقریب میں پی ٹی سی ایل کی نمائندگی ایگزیکٹو وائس پریذیڈنٹ انٹرنیشنل بزنس ریلیشنز سید محمد عمران اور عیساءخلفیہ السعا ودی ، پی ٹی سی ایل ایگزیکٹو وائس پریذیڈنٹ انٹرنیشنل ا نویسٹ منٹ اینڈ کیپسٹی سیلز نے کی ۔نیا کیبل سسٹم جسے ایشیائ‘ افریقہ‘ یورپ ون (AAE-1) کا نام دیا گیا ہے‘ کے ذریعے بحیرہ عرب کے مشرقی اور مغربی ا طر اف بین الاقوامی ڈھانچے کی بہتری کیساتھ ساتھ پی ٹی سی ایل کی بین الاقوامی صلاحیت میںٹیرابٹس بینڈوتھ شامل ہوں گے۔پی ٹی سی ایل کے صدر اور سی ای او ولید ارشید نے کہا کہ یہ عالمی اقدام پاکستان میںکنزیو مر اور کارپوریٹ دونوں شعبوں کی براڈ بینڈ اور ڈیٹا سروسز کی بڑھتی ہوئی ضروریات پوری کرنے کے لئے ہمارے ویژن کا عکاس ہے۔ولید ارشید نے مزید کہاکہ پی ٹی سی ایل کا زیر سمندر یہ چوتھا کیبل سسٹم ہے جس سے ملک میں نتہائی کم وقت میں رابطے کے حوالے سے نما یا ں ترقی ہو گی ۔کمپنی پہلے ہی تین بین الاقوامی کیبل کنسورشیم سسٹمز SMW3,SMW4 اور IMEWEمیں سرمایہ کاری کرچکی ہے۔جو پاکستان کو اطلاعات کے سپر ہائی وے پر رسا ئی کیلئے گیٹ وے کی حیثیت رکھتے ہیں۔ 100Gbps ٹیکنالوجی سے لیس یہ کیبل سسٹم کم ترین وقت میں رابطے اور 40 ٹیرابٹس سے زائد صلاحیت ر کھتا ہے۔25 ہزار کلومیٹر پر محیط AAE-1 سب میرین کیبل سسٹم کے زر یعے ہانگ کانگ‘ سنگاپور‘ مشرق وسطیٰ‘ افریقہ اور یورپ کو ملایا گیا ہے اور اس کے ذریعے پاکستان اور دنیا بھر کے درمیان کم ترین وقت کا متبادل روٹ فراہم کیا گیا ہے۔ منصوبہ کی باقاعدہ شرو عات کے معا ئد ہ پر چائنہ یونی کام ،چوان وی،جبوتی ٹیلی کام،اتصالات،موبی لی،اومان ٹیل،اوٹی گلوب،اوریڈو،پی سی سی ڈبلیو گلوبل،پاکستان ٹیلی کمیونیکیشن کمپنی لمیٹڈ(پی ٹی سی ایل)، مصرٹیلی کام ،ٹی او ٹی ،وائیٹل سمیت دیگر بڑی کمپنیوں نے کنسورشیم اور مینٹیننس ایگریمنٹ پر 27 جنوری کو ہانگ کانگ میں دستخط کئے۔ کیبل سسٹم کے زریعے ایشیاء(ہانگ کانگ اور سنگاپور) میں دو پوائنٹس آف پریزنس (PoP) اور بعد ازاں یورپ (براستہ فرانس‘ اٹلی اور یونان) کے زریعے تین قسم کے رابطے فراہم کئے جائیں گے جس سے ان علاقوں اور صارفین کو سہولت فراہم ہوگی۔AAE-1 کیبل کی تکمیل کیلئے 2016ءکا ہدف مقرر کیا گیا ہے اور تکمیل پر ہانگ کانگ‘ ویتنام‘ کمبوڈیا‘ ملائیشیائ‘ سنگاپور‘ تھائی لینڈ‘ بھارت‘ پاکستان‘ اومان‘ یو اے ای‘ قطر‘ یمن‘ جبوتی‘ سعودی عرب‘ مصر‘ یونان‘ اٹلی اور فرانس آپس میں مربوط ہوجائیں گے۔
بھارتی کرکٹ بورڈ نے آئی پی ایل سے پاکستانی کرکٹرز کو آﺅٹ کردیا
نئی دہلی: پاکستان کو نیوٹرل وینیو پر سیریز کھیلنے کی دعوت دینے والے بھارتی بورڈ کے میگا انٹرنیشنل ایونٹ آئی پی ایل کے ساتویں ایڈیشن میں پاکستانی کرکٹرز کو ایک بار پھر نظر انداز کر دیا گیا۔ انڈین پریمئیر لیگ کے ساتویں ایڈیشن کی بولی کے لیے 233 بھارتی اور انٹرنیشنل کرکٹرز کے ناموں کی فہرست جاری کر دی گئی ہے جس میں ایک بار پھر پاکستانیکھلاڑیوں کو اس میں شامل نہیں کیا گیا۔ پاکستانی کرکٹرز کو اس سے پہلے بھی آئی پی ایل میں شرکت کرنے سے محروم رکھا گیا تھا۔
نیوزی لینڈ نے بھارت کو چوتھے ون ڈے میں بھی شکست دے دی
ہملٹن: نیوزی لینڈ نے بھارت کو چوتھے ون ڈے میں بھی شکست دے دی۔ نیوزی لینڈ نے سات وکٹ سے کامیابی کے ساتھ پانچ ایک روزہ سیریز میں 0-3 کی فیصلہ کن برتری بھی حاصل کر لی۔ سیریز کے چوتھے ایک روزہ میچ میں بھارت نے پہلے بیٹنگ کرتے ہوئے 5 وکٹوں پر 278 رنز بنائے۔ روہت شرما اور کپتان دھونی نے 79، 79 رنز جوڑے۔ نیوزی لینڈ کے ٹم ساﺅتھی نے 2 کھلاڑیوں کو آوٹ کیا۔ میزبان کیویز نے مقررہ ہدف 48 اعشاریہ ایک اوورز میں تین وکٹوں کے نقصان پر حاصل کر لیا۔روس ٹیلر نے 112 رنز کی شاندار ناٹ آوٹ اننگز کھیلی کین ولیمسن نے ٹوٹل میں 60 رنز کا اضافہ کیا۔
سوچی اولمپکس کی مشعل کا داغستان میں روائتی انداز میں استقبال
میخاکیلا،داغستان: سوچی اولمپکس کی مشعل کا داغستان میں روائتی انداز میں استقبال کیا گیا۔ سوچی ونٹر اولمپکس کی مشعل کو اسٹیڈیم میں لاتے ہی شائقین نے انتہائی پر جوشی کے ساتھ اس کا اس کا استقبال کیا۔ مختلف رنگوں کے ملبوس فنکاروں نے رنگا رنگ پر فارمنسز دے کر مشعل کا خیر مقدم کیا۔ سوچی اولمپکس کی مشعل تقریبا 123 دنوں میں پینسٹھ ہزار کلومیٹر کا فاصلہ طے کر کے سوچی پہنچے گی۔ حکام کا کہنا ہے کہ مشعل کے سفر سے روس کی ثقافت کو اجاگر کرنے میں بھی مدد ملے گی۔ سوچی ونٹر اولمپکس 7 سے 23 فروری تک روس میں ہوں گے۔
فنڈزکی کمی کے باعث قومی ٹیم اذلان شاہ کپ میں شرکت نہیں کریگی : ہاکی فیڈریشن
لاہور: پاکستان ہاکی فیڈریشن کی نئی مینجمنٹ تاحال فنڈز کے حصول میں ناکام رہی ہے،فیڈریشن کے حکام کاکہنا ہے کہ حکومت کی جانب سے فنڈز نہ ملنے کی صورت میں قومی ٹیم اذلان شاہ کپ میں نہیں بھیجیں گے۔ تاریخ کا یہ پہلا موقع ہے کہ قومی ہاکی ٹیم کی اذلان شاہ کپ میں شرکت پر سوالیہ نشان لگ رہے ہیں،، ٹورنامنٹ کا13 مارچ سے ملائیشیا میں آغاز ہونا ہے اور ابھی تک تیاری کیلئے کھلاڑیوں کا تربیتی کیمپ تک شروع نہیں ہوا۔ پی ایچ ایف کے پیٹرن انچیف وزیراعظم نواز شریف ہیں اور ان کے اقتدار میں آنے سے اب تک فیڈریشن کو ایک روپیہ تک نہیں مل سکا۔ سابق اولمپئنز کے مطابق حکومت قومی کھیل کو سنجیدگی سے نہیں لے رہی۔ قومی ہاکی ٹیم نے نومبر2013 میں آخری بین الاقوامی ایونٹ کھیلا تھا اور اگر اذلان شاہ کپ میں حصہ نہیں لیتی تو پھر اولمپکس 2016 کے کوالیفائنگ راونڈ ایشین گیمز میں دس ماہ بعد ان ایکشن دکھائی دے گی۔
وفاقی دارالحکومت میں تین روزہ فٹ بال ٹورنامنٹ کا آغاز
اسلام آباد: نوجوانوں میں صحت مندانہ سرگرمیوں کے فروغ کیلئے وفاقی دارالحکومت میں تین روزہ فٹ بال ٹورنامنٹ کا آغاز ہو گیا،ٹورنامنٹ کے پہلے میچ میں نادرن ایگلز نے کامیابی سمیٹ لی۔ اسلام آباد سپورٹس کمپلیکس میں نجی سکول کی جانب سے جاری تین روزہ انٹر ریجنل فٹبال ٹورنامنٹ کے پہلے روزہ کھیل میں ناردرن ایگلز اورساوتھرن ڈولفنز کی ٹیموں کے درمیان کانٹے دارمقابلہ ہوا۔اس موقع پرنیشنل ریفری محمد ابراہیم خان کا کہنا تھا کہ یہ ایک صحت مندانہ سرگرمی ہے اوراس طرح کے کھیلوں کے انعقاد سے اچھے کھلاڑی سامنے آتے ہیں۔نادرن ایگلزنے ساﺅتھرن ڈولفنز کو دو کے مقابلے میں چار گولز سے شکست دے کرٹورنامنٹ کے اگلے مرحلے کے لیے کوالیفائی کر لیا۔