کراچی (پی پی آئی) پاکستان پیپلزپارٹی کی سابق ایم پی اے سعدیہ جاوید کے گھر میں ڈکیتی کے دوران ڈاکوؤں نے گھر کا صفایا کر دیا۔ پولیس کے مطابق کراچی میں رہائشی سابق رکن اسمبلی سعدیہ جاوید کے گھر واردات ہوئی، ملزمان مبینہ طورپر لاکھوں روپے مالیت کے طلائی زیورات اور کیش لوٹ کر فرار ہوگئے۔ پی پی آئی کے مطابق چوری کے واقعے کا مقدمہ درخشاں تھانے میں درج کرایا گیا ہے۔
ڈائریکٹر پاکستان اسپورٹس بورڈامیر حمزہ گیلانی انتقال کرگئے
آئی پی ایل نیلامی میں یووراج سنگھ 14جبکہ کیون پیٹرسن 9کروڑ میں فروخت
مولاناسمیع الحق نے تمام مسالک کے علماکااجلاس15فروری کوبلالیا
سوچی اولمپکس: بلیدیو 2 گولڈ میڈل جیتنے والے پہلے اسکیئر بن گئے
بریڈ ہیڈن نجی مصروفیا ت کے باعث آئی پی ایل سے دستبردار ہوگئے
ٹی 20ورلڈ کپ کیلئے آسٹریلیا کے 15رکنی اسکواڈ کا اعلان
تازہ ترین خبریں
- April 25, 2026
- April 23, 2026
- April 22, 2026
اشتہار
تازہ ترین
ڈی آئی خان میں سیکیورٹی فورسز کے آپریشن، 2 دہشتگرد ہلاک
ڈیرہ اسماعیل خان (پی پی آئی)کلاچی میں سیکیورٹی فورسز نے خفیہ اطلاع پر آپریشن کرتے ہوئے پولیس اسٹیشن اور چیک پوسٹ پر حملوں میں ملوث دہشتگرد کو ہلاک کردیا۔پاک فوج کے شعبہ تعلقات عامہ کے مطابق آپریشن کے دوران شدید فائرنگ کے تبادلے میں دہشتگرد اکرام ہلاک ہوگیا، ہلاک دہشتگرد سیکیورٹی فورسز کے خلاف متعدد کارروائیوں میں ملوث تھا۔پی پی آئی کے مطابق دہشتگرد نے پولیس اسٹیشن ہتھالا اور روڑی پولیس چیک پوسٹ پر حملے کیے تھے۔آئی ایس پی آر کے مطابق سیکیورٹی فورسز نے 9 اور 10 اکتوبر کی درمیانی رات دو آپریشن کیے، دو مختلف آپریشنز میں دو دہشتگرد ہلاک ہوئے۔شمالی وزیرستان کے علاقے میرانشاہ میں دوسری کارروائی کے دوران ایک دہشتگرد مارا گیا، ہلاک دہشت گرد سے اسلحہ اور گولہ بارود برآمد کیا گیا۔آئی ایس پی آر کا کہنا ہے کہ علاقہ مکینوں نے دہشتگردوں کے خلاف آپریشن کو سراہا اور دہشتگردی کے خاتمے کیلئے مکمل تعاون کا اظہار کیا۔
ایف بی آر کا مزید 10 لاکھ افراد کو ٹیکس نیٹ میں لانے کا فیصلہ
اسلام آباد (پی پی آئی)فیڈرل بورڈ آف ریونیو (ایف بی آر) نے مزید 10 لاکھ افراد ٹیکس نیٹ میں لانے کا فیصلہ کرلیا۔ذرائع کے مطابق ایف بی آر کی جانب سے مزید 10 لاکھ افراد کو ٹیکس نیٹ میں لانے کے لیے منصوبہ بندی بھی مکمل کرلی گئی۔پی پی آئی کے مطابق ایف بی آر نے نان فائلرز کو فائلربنانے کے لیے تمام ریجنل ٹیکس دفاترز کو ٹاسک سونپ دیا گیا۔ہدف کے حصول کے لیے آر ٹی اوز کے سو افسران کو ذمہ داریاں سونپے جانے کا امکان ہے۔ منتخب کیے گئے افسران کی ذمہ داریاں دو حصوں میں تقسیم کی جائیں گی۔ ہدف کے حصول کیلئیآرٹی اوز کے 100 افسران کو ذمہ داریاں سونپے جانیکا امکان ہے۔بعض افسران کو صرف زیرالتوا کیسز نمٹا کر ٹیکس گزار بنانے کا ہدف دیا جائے گا۔ بعض افسران کو صرف نئے کیسز نمٹا کر ٹیکس نیٹ بڑھانے کی ذمہ داریاں ملنے کا امکان ہے۔
سونے کے ریٹ انٹر بینک کے ساتھ منسلک کرنے کا اعلان
کراچی (پی پی آئی)صرافہ ایسوسی ایشن نے سونے کی قیمتوں کے تعین کے حوالے سے اہم فیصلہ کرلیا۔میڈیا رپورٹ کے مطابق کراچی کے صرافہ بازار میں سونے کی قیمتوں کے حوالے سے ہنگامی اجلاس ہوا۔ پی پی آئی کے مطابق اجلاس میں سونے کی قیمتوں کے تعین کے حوالے سے اہم فیصلے کیے گئے۔ایسوسی ایشن نے اہم اعلان کرتے ہوئے کہا کہ کل سے انٹر بینک کے ساتھ منسلک کرکے ریٹ جاری کریں گے، صرافہ ایسوسی ایشن کے مطابق اسرائیل فلسطین جنگ کے باعثعالمی طور پر سونے کی قیمتوں میں اضافہ ہوا۔ ترجمان کا کہنا تھا کہ جنگ کے باعث مقامی طور پر صرافہ بازار میں سونا دستیاب نہیں تھا۔سونے کی قیمت کے حوالے سے ترجمان نے بتایا کہ مقامی صرافہ بازار میں فی تولہ سونا 1 لاکھ 95 ہزار 5 سو روپے کا ہوگیا۔ ترجمان کے مطابق مارکیٹ میں سونا گزشتہ ہفتے کم ہو کر ایک لاکھ 88 ہزار کا ہوگیا تھا۔واضح رہے کہ پاکستان میں 24 قیراط سونے کی قیمت 2 لاکھ دو ہزار روپے فی تولہ ہو گئی ہے، جبکہ 22 قیراط سونے کی قیمت 185,167 روپے فی تولہ ہے۔24 قیراط قیراط سونے کے 10 گرام کی قیمت 173،182 روپے ہے،اور 10 گرام 22 قیراط سونے کی قیمت 158،751 روپے ہے۔
تلاش کریں
خبریں
ڈائریکٹر پاکستان اسپورٹس بورڈامیر حمزہ گیلانی انتقال کرگئے
(February 12, 2014)
لاہور: پاکستان اسپورٹس بورڈ کے ڈائریکٹر جنرل امیر حمزہ گیلانی انتقال کر گئے۔ خاندانی ذرائع کے مطابق ڈی جی پاکستان سپورٹس بورڈ گذشتہ آٹھ روز سے اسلام آباد کے نجی ہسپتال میں زیر علاج تھے جہاں وہ بدھ کی صبح خالق حقیقی سے جاملے۔ ان کی نماز جنازہ لاہور کینٹ میں ادا کی گئی جس کے بعد انہیں سپرد خاک کر دیا گیا۔
آئی پی ایل نیلامی میں یووراج سنگھ 14جبکہ کیون پیٹرسن 9کروڑ میں فروخت
(February 12, 2014)
ممبئی: انڈین پریمئر لیگ کی نیلامی میں بھارت کے مایہ ناز کرکٹر یوراج سنگھ کو رائل چیلنجرز نے سب سے زیادہ بولی دیکر خرید لیا۔ تفصیلات کے مطابق انڈین پریمئر لیگ کی نیلامی میں یورواج سنگھ کو14 کروڑ دیکر رائل چیلنجرز نے خرید لیا ہے۔ بولی میں وریندر سہواگ کو کنگز الیون نے تین کروڑ بیس لاکھ جبکہ انگلینڈ کے بلے باز کیون پیٹرسن کو دہلی ڈیرڈیولز نے 9 کروڑ میں خریدا۔
مولاناسمیع الحق نے تمام مسالک کے علماکااجلاس15فروری کوبلالیا
(February 12, 2014)
اسلام آباد: کالعدم تحریک طالبان پاکستان کی مذاکراتی کمیٹی کے سربراہ مولانا سمیع الحق نے 15 فروری کو تمام مسالک کے علماءاور مشائخ کا مشاورتی اجلاس لاہور میں طلب کرلیا۔ذرائع کے مطابق مولانا سمیع الحق کی جانب سے بلائے گئے اجلاس میں مختلف مسالک کے 200 سے زائد علماءاور مشائخ شریک ہوں گے۔ مولانا سمیع الحق طالبان کے ساتھ ہونے والے مذاکرات پر علماءاور مشائخ کو اعتماد میں لیں گے اور حکومتی کمیٹی کا موقف بھی علماءکے سامنے رکھا جائے گا۔مولانا سمیع الحق کا کہنا ہے کہ پشاور میں ہونے والے حالیہ بم دھماکے طالبان نے نہیں کرائے، بلکہ ملک دشمن قوتیں مذاکرات سبوتاڑ کرانا چاہتی ہیں۔ آرمی چیف اور ڈی جی آئی ایس آئی سے ملاقات کیلئے باضابطہ درخواست کر دی ہے، حکومت سے جواب ملنے کے بعد دوبارہ وزیرستان جائیں گے۔ پاکستان علماءکونسل کے چیئرمین مولانا طاہر اشرفی کا اجلاس طلب کرنے پر کہنا ہے کہ وہ طالبان اور حکومتی مذاکراتی کمیٹی کو ہر قسم کا تعاون فراہم کرتے رہیں گے، انہوں نے کہا کہ پاکستان علماءکونسل مولانا سمیع الحق کی کوششوں کی مکمل تائید کرتی ہے۔
سوچی اولمپکس: بلیدیو 2 گولڈ میڈل جیتنے والے پہلے اسکیئر بن گئے
(February 12, 2014)
سوچی: کینیڈا کے ایلیکس بلیدیوسرمائی اولمپکس میں دوگولڈ میڈل جیتنے والے پہلے فری اسٹائل اسکیئربن گئے۔ سوچی ونٹر اولمپکس کے میڈلز ٹیبل پر کینیڈا چار طلائی تمغوں کے ساتھ پہلے نمبر پر آگیا۔ سوچی میں جاری ونٹر اولمپکس کے مینز فری اسٹائل اسکینگ موگلز فائنل میں کینیڈا کے ایلیکس بلیدیو نے چھبیس اعشاریہ تین ایک کے اسکور کے ساتھ گولڈ میڈل اپنے نام کیا۔ بلیدیو ونٹر اولمپکس میں دوگولڈ میڈلز جیتنے والے پہلے فری اسٹائل اسکئیر بن گئے۔ ویمنز آئس ہاکی میں کینیڈا نے فن لینڈ کو تین صفر سے شکست دے کرمسلسل چوتھی مرتبہ گولڈ میڈل جیتنے کی امیدوں کو زندہ رکھا۔ خواتین کے تین ہزار میٹر ریلے اسپیڈ اسکیٹنگ ایونٹ میں اٹلی، چین، جنوبی کوریا اور کینیڈا نے فائنل کیلئے کوالیفائی کرلیا۔ مردوں کے پانچ ہزار میٹر اسپیڈ اسکیٹنگ فائنل میں نیدرلینڈزکے مچل ملڈر نے انتہائی سخت مقابلے کے بعد بازی مارلی۔ جین اسمیکنز نے چاندی کا تمغہ جیتا۔ مردوں کے ساڑھے بارہ کلومیٹر بائتھلون ایونٹ کا طلائی تمغہ فرانس کے مارٹن فورکیڈ نے جیتا۔
بریڈ ہیڈن نجی مصروفیا ت کے باعث آئی پی ایل سے دستبردار ہوگئے
(February 12, 2014)
میلبورن: آسٹریلوی کرکٹ ٹیم کے وکٹ کیپر بلے باز اور نائب کپتان بریڈ ہیڈن نجی مصروفیا ت کے باعث رواں برس شیڈول آئی پی ایل کے ساتویں سیزن سے دستبردار ہوگئے ۔ ہیڈن نے انگلینڈ کے خلاف کھیلی گئی ایشز سیریز میں غیرمعمولی کارکردگی کا مظاہرہ کرتے ہوئے ٹیم کو ایشز سیریز میں تاریخی فتح دلانے میں اہم کردار ادا کیا تھا ۔ ہیڈن کا شمار دنیائے کرکٹ کے مایہ ناز وکٹ کیپر بلے بازوں میں ہوتا ہے ۔
ٹی 20ورلڈ کپ کیلئے آسٹریلیا کے 15رکنی اسکواڈ کا اعلان
(February 11, 2014)
سڈنی: ورلڈ کپ ٹی ٹوئنٹی کے لیے آسٹریلیا کے 15 رکنی اسکواڈ کا اعلان کر دیا گیا۔آسٹریلین کرکٹ بورڈکی جانب سے مختصر فارمیٹ کے عالمی کرکٹ کپ کے لیے ا سکواڈ کے پندرہ کھلاڑیوں کا اعلان کیا گیا ہے۔ٹی 20 ورلڈ کپ کے لیے آسٹریلوی ٹیم کی قیادت جارج بیلی کو سونپی گئی ہے۔اسکواڈ میں آل راونڈر بریڈ ہوج کو بھی شامل کیا گیا ہے۔43 سالہ بریڈ ہوج اسکواڈ میں عمر رسیدہ کھلاڑی ہیں ، ٹورنامنٹ میں آسٹریلیا کا پہلا میچ پاکستان کے خلاف 23 مارچ کو ہو گا۔ورلڈ ٹی ٹوئنٹی کا میلہ 16مارچ سے بنگلہ دیش میں شروع ہوگا جس میں دنیا بھر کی 16ٹیمیں شرکت کریں گی ۔