نیویارک(پی پی آئی) آئی ایم ایف کی مینجنگ ڈائریکٹر کرسٹالینا جارجیوا نے کہا ہے کہ پاکستان سے صرف یہ کہہ رہے ہیں کہ امیروں سے مزید ٹیکس لیے جائیں اور غریبوں کو تحفظ دیا جائے، یہی وہ بات ہے جو پاکستان کے عوام بھی چاہتے ہیں۔پی پی آئی کے مطابق ملاقات کے بعد ایم ڈی آئی ایم ایف نے بھی سماجی رابطوں کی ویب سائٹ ایکس پر پیغام جاری کرتے ہوئے کہا ہے کہ پاکستان کے وزیراعظم سے بہت اچھی ملاقات رہی۔انہوں نے کہا کہ آج ہم نے پاکستان کے معاشی استحکام کو یقینی بنانے، پائیدار اور جامع ترقی کو فروغ دینے کے حوالے سے گفتگو کی۔ان کا مزید کہنا تھا کہ ہم نے ملاقات میں محصولات کی وصولی کو ترجیح دینے اور پاکستان میں سب سے زیادہ کمزور لوگوں کے تحفظ کو یقینی بنانے کے لیے مضبوط پالیسیوں کی اہم ضرورت پر اتفاق کیا ہے۔علاوہ ازیں وزیراعظم آفس نے بھی عالمی مالیاتی فنڈ کی سربراہ کرسٹالینا جارجیوا سے ملاقات کی تفصیل جاری کی ہے، نیویارک میں ہونے والی ملاقات میں معاشی تعاون اور استحکام کے لیے کوششوں پر تبادلہ خیال کیا گیا۔دونوں رہنماؤں نے اقتصادی ترقی اور استحکام کے لیے اقدامات کے عزم کا اعادہ کیا۔ملاقات کے بعد ایک بیان میں نگران وزیراعظم انوار الحق کاکڑ نے کہا کہ سربراہ آئی ایم ایف کے ساتھ ملاقات تعمیری رہی۔
بورڈ کمپلیکس میں رہائش پذیر ملازمین کے پی ایس بی پر الزامات
دھونی 23میچوں میں ناقابل شکست رہ کر رانا ٹنگا کا ریکارڈ توڑدیا
عالمی کراٹے چیمپئن سعدی عباس حکومتی عدم دلچسپی سے نالاں ،ملک چھوڑنے پر غور
ارجنٹائن فٹبال لیگ : اولڈ بوائز اور آرسنل کے درمیان میچ برابر
جنوبی افریقا کیخلاف سیریز کے لئے 17 رکنی بھارتی اسکواڈ کا اعلان
جرمن اور یورپین فٹ بال لیگ میں سنسنی خیز مقابلے جاری
تازہ ترین خبریں
اشتہار
تازہ ترین
انوار الحق کاکڑ کی ازبکستان کے صدر اور بل گیٹس سے الگ الگ ملاقاتیں
نیویارک(پی پی آئی) نگران وزیر اعظم انوار الحق کاکڑ نے ازبکستان کے صدر اور مائیکروسافٹ کے بانی بل گیٹس سے الگ الگ ملاقاتیں کیں۔پی پی آئی کے مطابق انوار الحق کاکڑ نے مائیکروسافٹ کے بانی بل گیٹس سے ملاقات میں انسداد پولیو مہم پر بات چیت کی، دونوں رہنماؤں نے بچوں کی نشونما اور صنفی برابری سے متعلق امور پر تبادلہ خیال بھی کیا۔اس دوران گفتگو کرتے ہوئے انوار الحق کاکڑ نے کہا ہے کہ پولیو وائرس کی روک تھام کیلئے پر عزم ہیہیں، بل گیٹس نے کہا کہ پاکستان سے پولیو وائرس کا مکمل طور پر خاتمہ ہماری پہلی ترجیح ہے۔
کرپشن کیخلاف نیب کی کارروائیوں میں حساس اداروں کی خدمات لینے کا فیصلہ
اسلام آباد (پی پی آئی) اربوں روپے مالیت کے کرپشن ریفرنسز دوبارہ کھولنے کے بعد نیب نے مزید اہم فیصلے کر لیے ہیں۔پی پی آئی کے مطابق چیئرمین نیب نے کرپشن کے خلاف کارروائیوں کے لیے حساس اداروں کے افسران کی خدمات لینے کا فیصلہ کیا ہے، نیب نے اہم عہدوں پر تقرریوں کے لیے ڈیپوٹیشن پر حساس اداروں سے افسران مانگ لیے ہیں۔حساس اداروں کے افسران آئندہ چند روز میں نیب میں کام شروع کردیں گے، چیئرمین نیب لیفٹیننٹ جنرل ریٹائرڈ نذیر احمد کی منظوری سے حساس اداروں کے افسران کی خدمات کے لیے خط لکھ دیا گیا۔نیب حکام نے کہا ہے کہ نیب میں تمام خالی آسامیوں پر بھی فوری طور پر تقرریاں کردی جائیں گی، ڈپٹی چیئرمین نیب اور پراسیکیوٹر جنرل کے عہدوں پر بھی مستقل افسران کا تقرر کردیا جائے گا۔
پرویز الٰہی کو کسی بھی مقدمہ میں گرفتارنہ کرنے کے حکم پر عملدرآمد کیس کی سماعت ملتوی
لاہور(پی پی آئی)لاہور ہائیکورٹ نے پرویز الٰہی کو کسی بھی مقدمہ میں گرفتارنہ کرنے کے حکم پر عملدرآمد کیس کی سماعت 4اکتوبر تک ملتوی کردی۔پی پی آئی کے مطابق لاہور ہائیکورٹ میں پرویز الٰہی کو کسی بھی مقدمہ میں گرفتار نہ کرنے کے حکم پر عملدرآمد کیس کی سماعت ہوئی،عدالت نے کہاکہ اس درخواست میں تو نیب کو بھی فریق بنایا گیا ہے،سنگل بنچ نیب کیس کی کیسے سماعت کر سکتا ہے، نیب پراسیکیوٹر نے کہاکہ سنگل بنچ نیب کیس سماعت نہیں کر سکتا،لاہور ہائیکورٹ نے کہاکہ فریقین کو سن کر آئین اور قانون کے مطابق فیصلہ کریں گے،وکیل پرویز الٰہی نے استدعا کی کہ عدالت پرویز الٰہی کو کسی بھی کیس گرفتار نہ کرنے کے حکم پر عملدرآمد کرائے،عدالت نے درخواست پر سماعت 4اکتوبر تک ملتوی کردی۔
تلاش کریں
خبریں
بورڈ کمپلیکس میں رہائش پذیر ملازمین کے پی ایس بی پر الزامات
اسلام آباد: پاکستان اسپورٹس بورڈ میں مالی بے قاعدگیوں پر ملازمین نے حکومت سے نوٹس لینے کا مطالبہ کردیا ۔اسپورٹس بورڈ کے افسران نے اسپورٹس بورڈ کمپلیکس میں رہائش پذیر ملازمین کو کمرے خالی کرنے کا حکم دیا ہے جس پر ملازمین نے احتجاج کرتے ہوئے وزیر اعظم اور وفاقی وزیر ریاض حسین پیرزادہ سے نوٹس لینے کا مطالبہ کیا ہے ۔ ملازمین کا موقف ہے کہ کمپلیکس میں رہائش کے بدلے ان کی تنخواہوں باقاعدہ کٹوتی کی جاتی اس کے باوجود کمرے خالی کرنے کا حکم ادارے میں مالی بے قاعدگی کو ظاہر کرتا ہے۔
دھونی 23میچوں میں ناقابل شکست رہ کر رانا ٹنگا کا ریکارڈ توڑدیا
ممبئی: بھارتی کرکٹ ٹیم کے کپتان مہندرا سنگھ دھونی نے ایک روزہ کرکٹ میں بطور کپتان سب سے زیادہ مرتبہ ناقابل شکست رہنے کا عالمی ریکارڈ قائم کردیا ۔ویسٹ انڈیز کے خلاف ون ڈے سیریز کے دوسرے میچ میں دھونی نے 60رنز کی ناقابل شکست اننگز کھیلی ،جس کے بعد وہ ایک روزہ کرکٹ میں 23مرتبہ بطور کپتان ناٹ آﺅٹ رہنے والے کھلاڑی بن گئے ۔ دھونی نے سابق سری لنکن کپتان ارجنا رانا ٹنگا کا 22مرتبہ ناٹ آﺅٹ رہنے کا ریکارڈ توڑدیا ۔سابق آسٹریلوی کپتان رکی پونٹنگ 16،بھارت کے اظہر الدین 15، اسٹیفن فلیمنگ اور ایلن بارڈر 14،14اور مرتبہ بطور کپتان ون کرکٹ میں ناقابل شکست رہنے کا ریکارڈ قائم کرچکے ہیں ۔
عالمی کراٹے چیمپئن سعدی عباس حکومتی عدم دلچسپی سے نالاں ،ملک چھوڑنے پر غور
لاہور: دولت مشترکہ کراٹے چیمپئن شپ جیت کر پوری دنیا میں پاکستان کا نام روشن کرنے والے ایتھلیٹ سعدی عباس نے حکومتی عدم دلچسپی کے باعث ملک چھوڑنے پر غور شروع کردیا ۔سعدی عباس نے حال ہی میں کینیڈا کے شہرمانٹریال میں 67کلو گرام مقابلے میں طلائی کا تمغہ جیتا تھا جبکہ وہ دولت مشترکہ کے مقابلوں میں مارشل آرٹس میں یہ کارنامہ سرانجام دینے والے پہلے جنوبی ایشیائی کھلاڑی ہیں ۔سعدی عباس کو آئندہ ماہ دبئی میں ہونے والے ایشیائی کراٹے چیمپئن چپ میں اعزاز کا دفاع کرنا ہے لیکن ملک میں اسپورٹس منتظمین کی عدم دلچسپی نے ان کے جذبات کو سرد کردیا ہے ۔ سعدی عباس نے پہلی مرتبہ دوحہ ایشین گیمز 2006میں پاکستان کی نمائندگی کی تھی جبکہ وہ عالمی مقابلوں میں درجن کے قریب طلائی تمغے جیت چکے ہیں ۔
ارجنٹائن فٹبال لیگ : اولڈ بوائز اور آرسنل کے درمیان میچ برابر
روساریو: ارجنٹائن فٹ بال چیمپئن شپ میں نیو ویلز اولڈ بوائز اور آرسنل کے درمیان میچ سنسنی خیز مقابلے کے بعد ایک ایک گول سے برابر ہو گیا۔ارجنٹائن کے شہر روساریو میں ہونیوالے فٹ بال میچ میں دونوں ٹیموں کے درمیان دلچسپ مقابلہ ہوا،کھیل کے پینتیسویں منٹ میں اولڈ بوائز کی جانب سے لوکاس نے گول سکور کر کے ٹیم کو ایک صفر کی برتری دلائی۔ دوسرے ہاف میں آرسنل کے سٹرائیکر نیکولس نے شاندار کک لگا کر گیند جال میں پھینکی اور حساب برابر کیا جو میچ کے آخر تک برقرار رہا۔میچ برابر ہونے کے بعد پوائنٹس ٹیبل پر اولڈ بوائز کی ٹیم ٹاپ سے دوسرے نمبر پر پہنچ گئی،سان لورینزو نے ایک پوائنٹ کی برتری کے ساتھ پہلی پوزیشن پر قبضہ جما لیا۔
جنوبی افریقا کیخلاف سیریز کے لئے 17 رکنی بھارتی اسکواڈ کا اعلان
ممبئی: جنوبی افریقہ کے خلاف ٹیسٹ اور ون ڈے سیریز کے لیے بھارتی ٹیم کا اعلان کر دیا گیا۔ بی سی سی آئی کی جانب سے جنوبی افریقہ کے خلاف سیریز کے لیے 17 رکنی بھارتی اسکواڈ کا اعلان کر دیا گیا ہے۔ٹیسٹ اور ون ڈے سیریز کے لیے ٹیم کی قیادت مہندرا سنگھ دھونی کو سونپی گئی ہے۔فاسٹ باولر ظہیر خان کو ٹیم میں شامل کر لیا گیا۔جنوبی افریقہ کے خلاف ڈیبیو کریں گے جبکہ سینئر بیٹسمین گوتھم گھمبیر کو سکواڈ سے ڈراپ کر دیا گیا ہے۔ بھارت اور جنوبی افریقہ کے درمیان تین ایک روزہ اور 2 ٹیسٹ میچ شیڈول ہیں،سیریز کا افتتاحی میچ 5 دسمبر کو جوہانسبرگ میں کھیلا جائے گا۔
جرمن اور یورپین فٹ بال لیگ میں سنسنی خیز مقابلے جاری
ہیمبرگ: جرمن فٹ بال لیگ میں بائرن میونخ کی ٹیم نے بروشیا ڈورٹمنڈ کو تین صفر سے ٹھکانے لگا کر اپنی ٹاپ پوزیشن مستحکم بنا لی۔لیور کیوسن کی ٹیم نے ہرتھا برلن کو صفر کے مقابلے میں ایک گول سے زیر کیا،دوسری جانب ڈچ فٹ بال چیمپئن شپ میں آئی ایکس کی ٹیم نے بھی ہیراکلس کو تین صفر سے آوٹ کلاس کر کے اپنی ٹاپ پوزیشن بچا لی۔ادھر یورپین فٹ بال کلبوں نے آٹھ سال کے کلو ڈیو کو سٹار فٹ بالر بنانے پر نظریں جما لیں،ارجنٹائن کے کلب نے کم سن سٹار فٹ بالر سنو میسی کے نام سے مقبول کلاڈیو کے ساتھ معاہدہ کر لیا۔