اسلام آباد (پی پی آئی)چیف جسٹس پاکستان عمر عطابندیال نے کہا ہے کہ شکر گزار ہوں اللہ نے مجھ سے ملک اور انصاف کی خدمت لی۔پی پی آئی کے مطابق چیف جسٹس عمر عطا بندیال نے آخری کیس میں وکلا سے گفتگو کرتے ہوئے کہا کہ “گڈ ٹوسی یو آل مائی فرینڈز”۔چیف جسٹس نے کہا کہ کالا کوٹ پہن کر ہم خود کو بار کا حصہ سمجھتے ہیں، جسٹس ساحر علی کہا کرتے تھے کہ بار تو ہماری ماں ہے، ان شااللّٰہ بار روم میں ملیں گے۔انہوں نے کہا کہ میڈیا کے ساتھیوں کا بھی شکریہ جنہوں نے مجھے مستعد رکھا، میڈیا کی تنقید کو ویلکم کرتے ہیں، میڈیا فیصلوں پر تنقید ضرور کرے لیکن ججز پر نہ کرے۔چیف جسٹس پاکستان نے کہا کہ تنقید کے جواب میں ججز اپنا دفاع نہیں کر سکتے، جج پر تنقید سے پہلے یہ ضرور دیکھیں کہ سچ پر مبنی ہے یا قیاس آرائیوں پر، ججز پر تنقید جھوٹ کی بنیاد پر نہیں ہونی چاہیے۔چیف جسٹس عمر عطا بندیال کا یہ بھی کہنا تھا کہ اللّٰہ تعالیٰ کا شکر گزار ہوں جس نے مجھ سے ملک اور انصاف کی خدمت لی، اللّٰہ کے لیے اپنا فریضہ ادا کیا۔
صنعت کاروں کی آلائش ٹھکانے لگائے جانے کے باوجودچونے کا اسپرے نہ ہونے پر تشویش
مہران یونیورسٹی آف انجینئرنگ اینڈ ٹیکنالوجی جام شورو کا داخلہ ٹیسٹ 27اکتوبر کو ہو گا
آسٹریلیا کیخلاف ون ڈے سیریزکےلئے بھارتی کرکٹ ٹیم کا اعلان
دبئی میںشاہینوںکا بھرپور پریکٹس سیشن، کپتان اور کوچ فتح کیلئے پرعزم
چین :1118اونٹ سواروں نے ریس میں شرکت کرکے عالمی ریکارڈ بنادیا
یوایس انڈی کا ر ریس : نیوزی لینڈ کے سکاٹ ڈکسن نے ٹائٹل اپنے نام کرلیا
تازہ ترین خبریں
- April 25, 2026
- April 22, 2026
اشتہار
تازہ ترین
سابق صدر اور 6 سابق وزرائے اعظم کے نیب کیسز دوبارہ بحال
اسلام آباد(پی پی آئی) سپریم کورٹ کی جانب سے نیب ترامیم کو کالعدم قرار دیے جانے کے بعد عوامی عہدے رکھنے والی بہت سی شخصیات کے کیسز بحال ہوگئے ہیں، ان میں سابق صدر آصف علی زرداری، سابق وزیراعظم نواز شریف اور سابق وزیراعظم یوسف رضا گیلانی کے خلاف تمام ریفرنسز بھی شامل ہیں۔پی پی آئی کے مطابق سپریم کورٹ کی جانب سے نیب ترامیم کالعدم ہونے کے بعد سابق وزیراعظم نواز شریف، شہبازشریف، آصف زرداری اور یوسف رضا گیلانی کا توشہ خانہ کیس جبکہ آصف زرداری کیخلاف پنک ریزیڈنسی ریفرنس بھی بحال ہوگیا ہے۔سابق وزیراعظم شاہد خاقان عباسی کا ایل این جی کیس سپیشل جج سینٹرل سے احتساب عدالت کو واپس منتقل ہوگا۔اسی طرح سابق وزیراعظم شوکت عزیز، سابق وزیرخزانہ شوکت ترین کیخلاف مقدمات بھی دوبارہ کھل جائینگے۔سلیم مانڈوی والا کے خلاف کڈنی ہل ریفرنس اور سابق وزیرخزانہ اسحاق ڈار کے خلاف آمدن سے زائد اثاثہ جات ریفرنس بھی واپس احتساب عدالت کو منتقل ہوگا۔مراد علی شاہ کے خلاف نیب ریفرنس بھی واپس احتساب عدالت کو منتقل ہوگا۔سابق وزیراعظم راجہ پرویز اشرف کے خلاف رینٹل پاور کیسز بھی بحال ہوں گے۔لاہور کی احتساب عدالتوں میں متعدد کیسزبھی بحال ہوگئے ہیں، جن میں شہباز شریف اور حمزہ شہباز کے خلاف رمضان شوگر ملز ریفرنس، خواجہ سعد رفیق اور خواجہ سلمان رفیق کے خلاف پیرا گون ہاؤسنگ ریفرنس بھی بحال ہوگیا۔واضح رہے کہ چیف جسٹس پاکستان عمر عطا بندیال کی سربراہی میں 3 رکنی بنچ نے چیئرمین پاکستان تحریک انصاف کی نیب ترامیم کے خلاف درخواست منظور کرتے ہوئے نیب ترامیم کی 10 میں سے 9 شقوں کو کالعدم قرار دے دیا سپریم کورٹ نے اپنے فیصلے میں عوامی عہدوں پر موجود شخصیات کے خلاف کیسز بحال کر دیئے جبکہ نیب کو 50 کروڑ روپے سے کم مالیت کے کرپشن کیسز کی تحقیقات کی اجازت دے دی گئی ہے۔
سپریم کورٹ، پریکٹس اینڈ پروسیجر ایکٹ سماعت کیلئے مقرر
اسلام آباد (پی پی آئی)نامزد چیف جسٹس قاضی فائز عیسیٰ نے پہلا بڑا فیصلہ کرلیا،سپریم کورٹ، پریکٹس اینڈ پروسیجر ایکٹ سماعت کیلئے مقرر کردیا۔پی پی آئی کے مطابق سپریم کورٹ کا لارجر بنچ 18ستمبر کو کیس کی سماعت کرے گا،سپریم کورٹ کی جانب سے تمام فریقین کو نوٹسز جاری کردیئے گئے،رجسٹرار آفس کی جانب سے وفاقی حکومت، وزارت قانون،سیکرٹری قومی اسمبلی سمیت تمام فریقین کو نوٹسز جاری کئے گئے ہیں،نوٹسز میں کہا گیا ہے کہ سپریم کورٹ 18ستمبر کو سپریم کورٹ پریکٹس اینڈ پروسیجر ایکٹ کیخلاف ا?ئینی درخواستوں پر سماعت کرے گا۔واضح رہے کہ چیف جسٹس عمر عطا بندیال کی سربراہی میں 8رکنی لارجر بنچ نے حکم امتناع دیا تھا،جسٹس قاضی فائز عیسیٰ حلف اٹھانے کے بعد بنچ تشکیل دیں گے،پی پی آئی کے مطابق نامزد چیف جسٹس قاضی فائز عیسیٰ 17ستمبر کو عہدے کا حلف اٹھائیں گے،پریکٹس اینڈ پروسیجرل ایکٹ پر فل کورٹ بنانے کا بھی امکان ہے۔
سندھ کے آبادگاروں کو نہری پانی کی قلت، یوریا کھاد کی بلیک مارکیٹنگ اور نقلی ادویات کا سامنا
ٹنڈو محمد خان (پی پی آئی)سندھ آبادگار اتحاد نے پالیسی ساز اداروں پر واضح کیا ہے کہ اس وقت سندھ کے آبادگاروں کو نہری پانی کی قلت،بجلی اور پٹرولیم مصنوعات کی ہوشرباقیمتوں. یوریا کھاد کی بلیک مارکیٹنگ اور نقلی ادویات سمیت متعدد مسائل کا سامنا ہے. پھر یہ بھی کہ آبادگاروں کو ان کی تیارفصلوں کی مناسب قیمت نہیں دی جا رہی ہے جس کے باعث لاگتی اخراجات بھی بمشکل پورے ہو رہے ہیں۔سندھ آبادگار اتحاد کے سالانہ کنونشن میں جوٹنڈو سائنداد میں منعقد ہوا سندھ بھر کے آبادگاروں نے بڑی تعداد میں شرکت کی. آبادگار کنونشن سے زبیر تالپور،محمد انور کمبوہ،پیر اشفاق جان سرہندی،شریف نظامانی، محب خان مری، و دیگر نے خطاب کیا اور بتایا کہ سندھ میں چاول کی فصل پر ناجائز کٹوتی اور گنے کا مناسب ریٹ نہ دے کر آبادگاروں کا معاشی استحصال کیا جار ہا ہے۔کنونشن میں سندھ آباد گار اتحاد کے لئے پیر آغا عبدالرحمن جان سر ہندی کو سندھ کا نائب صدر،پیر ثاقب جان سرہندی کو سینٹرل ایگزیکٹو کمیٹی کا ممبر، نوید تالپور کو تحصیل ٹنڈو محمد خان کا صدر،اکبر قریشی کو جنرل سیکرٹری مقرر کیا گیا
تلاش کریں
خبریں
صنعت کاروں کی آلائش ٹھکانے لگائے جانے کے باوجودچونے کا اسپرے نہ ہونے پر تشویش
کراچی: کراچی کے صنعت کا روں آلائشیں ٹھکانے لگانے کے بعد اسپرے نہ ہونے پر تشویش کا اظہار کیا ہے ۔کورنگی ایسوسی ایشن آف ٹریڈاینڈ انڈسٹری کی لاءاینڈآرڈر سب کمیٹی کے چیئرمین ندیم خان نے شہر بھر میں عید قرباں پر کئے جانے والے جانوروں کی آلائشیں ٹھکانے لگائے جانے کے باوجودچونے کا اسپرے نہ ہونے پر تشویش کا اظہار کرتے ہوئے کہا کہ بلدیاتی اداروں نے اگر شہر بھر میں بہترین کارکردگی ضرور دکھائی ہے لیکن سڑکوں،فٹ پاتھوں اور چوراہوں پر کھالیں اور آلائشیں خریدنے والوں نے بہت سی آلائشوں کو وہیں چھوڑ دیا جنھیںاٹھانے کے بعد وہاں چونے کا چھڑکاﺅنہیں کیا گیا ہے اور اس بناءپر شہر میں بیماریاں پھیلنے کا خدشہ لاحق ہوگیا ہے۔انھوں نے کہا کہ عیدالاضحیٰ کے موقع پر کراچی میں امن وامان کی صورت حال بہتر رکھنے کے لیے رینجر اور پولیس کی بہترین کارکردگی پر اطمینان کا اظہارکیا ،انھوں نے کہا کہ صوبائی حکومت اور شہری وبلدیاتی انتظامیہ شہر بھر میں بدبو دور کرنے اور جراثیم کش اسپرے کرائے تاکہ شہری بیماریوں کی زد میں آنے سے بچ سکیں۔
مہران یونیورسٹی آف انجینئرنگ اینڈ ٹیکنالوجی جام شورو کا داخلہ ٹیسٹ 27اکتوبر کو ہو گا
جام شورو: مہران یونیورسٹی آف انجینئر نگ اینڈ ٹیکنالوجی جامشورو کے ڈائریکٹر ایڈمیشن نے اپنے ایک اعلامیہ میں تاکید کرتے ہوئے کہا ہے کہ مہران یونیورسٹی جامشورو شہید ذوالفقار علی بھٹو خیرپور میرس کیمپس میں داخلے کے لئے جن امیدواروں نے فارم جمع کرائے تھے ان امیدواروں کوپری انٹری ٹیسٹ کی ایڈمٹ سلپ ان کے دیئے گئے ایڈریس پر بھیج دی گئی ہیں جن امیدواروں کو کسی وجہ سے ایڈمٹ سلپ نہ مل سکی ہو تو وہ بروز جمعہ 25اکتوبر2013 تک ڈائریکٹر ایڈمیشن کے دفتر سے دفتری اوقات کار میں ایڈمٹ سلپ حاصل کریں۔ ایڈمٹ سلپ کے بغیر کسی بھی طالب علم کو ٹیسٹ میں شریک نہیں کیاجائے گا۔پری انٹری ٹیسٹ 27اکتوبر2013 بروز اتوار کو مہران یونیورسٹی جامشورو میں ہو گا۔
آسٹریلیا کیخلاف ون ڈے سیریزکےلئے بھارتی کرکٹ ٹیم کا اعلان
نئی دہلی: آسٹریلیا کے خلاف چار ون ڈے میچوںکے لئے بھارت کے 15 رکنی اسکواڈ کا اعلان کر دیا، آسٹریلیا کے ہاتھوں درگت بننے والے فاسٹ باﺅلر ایشانت شرما بھی ٹیم میں شامل ہیں۔بھارت کرکٹ بورڈ کی جانب سے ٹوئٹر پر آئندہ چار ایک روزہ میچوں کے لیے ابتدائی تین میچز کے اسکواڈ کو برقرار رکھنے کا اعلان کیا گیا ہے۔ آسٹریلیا کے ہاتھوں درگت بننے والے فاسٹ بولر ایشانت شرما بھی ٹیم میں شامل ہیں۔ آسٹریلیا نے بھارت کو تیسرے ون ڈے میں سنسنی خیز مقابلے کے بعد شکست دیکر سیریز میں دو ایک کی برتری حاصل کی تھی۔ دونوں ٹیموں کے درمیان چوتھا ون ڈے 23 اکتوبر کو رانچی میں کھیلا جائے گا۔
دبئی میںشاہینوںکا بھرپور پریکٹس سیشن، کپتان اور کوچ فتح کیلئے پرعزم
دبئی: ٹیسٹ کرکٹ نمبر ون ٹیم کو شکست دینے کے بعد قومی شاہینوں نے دوسرے میچ میں بھی تیاریوں کے لیے کمر کس لی۔ دبئی میں بھرپور پریکٹس سیشن کے بعد قومی ٹیم کے کپتان اور کوچ نے فتح کے عزم کا اظہار کیا۔دبئی میں قومی کرکٹرز نے ہیڈ کوچ ڈیو واٹمور کے زیر نگرانی چار گھنٹے کا طویل ٹریننگ سیشن کیا جس میں بیٹنگ بولنگ اور خاص کر فیلڈنگ کی بھرپور ٹریننگ کی۔ قومی کپتان مصباح الحق کا کہنا ہے کہ کھلاڑی پرجوش اور جیت کے لیے پرعزم ہیں۔ انہوں نے اس امید کا اظہار بھی کیا کہ کھلاڑی دوسرے ٹیسٹ میں مہمان ٹیم کو شکست دے کر پہلی بار جنوبی افریقہ کو کلین سویپ شکست دیں گے۔ دوسری جانب ہیڈ کوچ ڈیو واٹمور بھی سیریز جیتنے کے لیے پرامید ہیں۔ کوچ نے پریس کانفرنس میں کہا کہ ٹیسٹ نمبر ون ٹیم کم بیک کر سکتی ہے لیکن ان کی کوشش ہو گی کہ اچھا کھیل کر سیریز اپنے نام کریں۔ انہوں نے کہا کہ دوسرے ٹیسٹ میچ میں کنڈیشنز دیکھ کر ٹیم میں تبدیلی کا فیصلہ ہو گا۔ دونوں ٹیمیں 23 اکتوبر کو سیریز کے دوسرے اور آخری ٹیسٹ میچ میں دبئی کے میدان میں اتریں گی۔
چین :1118اونٹ سواروں نے ریس میں شرکت کرکے عالمی ریکارڈ بنادیا
شنگھائی: شمال مغربی چین میں1118اونٹ سواروں نے ریس میں ایک ساتھ شرکت کرکے عالمی ریکارڈ قائم کر دیا۔ چین میں دنیا کا سب سے بڑا اونٹوں کا ریس مقابلہ ہوا جس میں ایک ہزار ایک سو اٹھارہ اونٹوں نے پانچ ہزار میٹر رقبے پر مشتمل ریس میں حصہ لیا۔ صحرائی جہازوں کی اس شاندار ریس کو دیکھنے کے لیے ہزاروں سیاح بھی یہاں پہنچے۔ شنگھائی میں گنیز بک آف ورلڈ ریکارڈ کے ہیڈ کواٹرز کے ڈائریکٹر نے ریس کی انتظامیہ کو سند سے نوازا۔
یوایس انڈی کا ر ریس : نیوزی لینڈ کے سکاٹ ڈکسن نے ٹائٹل اپنے نام کرلیا
کیلیفورنیا: امریکہ کی ریاست کیلیفورنیا میں یو ایس انڈی کار ریس میں ڈرائیورز کی شاندار پرفارمنسسز،آسٹریلیا کے ول پاور نے فائیو ہنڈرڈ ریس جیتی تو نیوزی لینڈ کے ڈرائیور سکاٹ ڈکسن نے چیمپئن شپ ٹائٹل اپنے نام کیا۔کیلیفورنیا میں سیزن کی انڈی کار ریس میں ڈرائیورز کی شاندار اور جارحانہ ڈرائیونگ کے مظاہرے دیکھنے کو ملے،برق رفتاری کے ساتھ سفر طے کرتے ہوئے کئی ڈرائیورز کی گاڑیوں کو حادثوں کا سامنا کرنا پڑا۔دو ڈرائیورز تو دیوار سے ٹکرانے کے بعد معمولی زخمی بھی ہوئے،ایونٹ میں شامل آسٹریلین ڈرائیور ول پاورکی عمدہ اور شاندار ڈرائیونگ کے باعث وہ پہلی پوزیشن پر قبضہ جمانے میں کامیاب ہوئے لیکن کار ریس چیمپئن شپ میں مجموعی طور پر پچیس پوائنٹس کی نمایاں برتری کے ساتھ کیوی ڈرائیور سکاٹ ڈکسن نے ٹائٹل اپنے نام کیا،نیوزی لینڈ کی ٹیم کو سیریز کے تیسرے ٹائٹل کا اعزاز حاصل ہوا۔