لاہور(پی پی آئی)دورہ بنگلہ دیش کیلئے پاکستان ویمن کرکٹ ٹیم کا اعلان کردیا گیا۔ پی پی آئی کے مطابق نداڈارکوقومی ویمن کرکٹ ٹیم کی کپتان برقراررکھا گیا ہے، 15رکنی ٹیم رواں ماہ بنگلہ دیش جائے گی،شوال ذوالفقار اور سیدہ عروب شاہ ڈراپ، فاطمہ ثنا فٹنس مسائل کی وجہ سے باہر ہو گئیں۔ٹیم کے 15کھلاڑیوں میں کپتان ندا ڈار، عالیہ ریاض، بسمیٰ معروف شامل ہیں،ڈیانا بیگ، غلام فاطمہ، ارم جاوید، منیبہ علی، نجیہہ علوی بھی ویمن ٹیم کا حصہ ہیں،ان کے علاوہ نشریٰ سندھو، نتالیہ پرویز، صدف شمس، سعد یہ اقبال، سدرہ امین، ام ہانی، وحیدہ اختر بھی شامل ہیں،نان ٹریولینگ ریزر میں امبرکائنات، عمیمہ سہیل اور سدرہ نواز شامل ہیں۔
چار ماہ تک پی سی بی کا چیئرمین رہوں گا :نجم سیٹھی
مچل جانسن کو ٹیسٹ کیرئیر کی 250وکٹوں کی تکمیل کیلئے ایک وکٹ درکار
نجیب عامر ٹی ٹوئنٹی ورلڈکپ کےلئے ہانگ کانگ اسکواڈ میں شامل
ٹی ٹوئنٹی ورلڈ کپ کیلئے 14رکنی سری لنکن ویمن اسکواڈ کا اعلان
ثقلین مشتاق ویسٹ انڈیز ٹیم کے بولنگ کو چ مقرر کردیے گئے
پہلی آل پاکستان جمناسٹ چیمپئن شپ کا 22فروری سے کراچی میں آغاز
تازہ ترین خبریں
- April 25, 2026
- April 23, 2026
- April 22, 2026
اشتہار
تازہ ترین
جیل میں مقید عمران خان سے وکلا اور ذاتی معالج کی ملاقات
راولپنڈی (پی پی آئی) جیل میں قید چیئرمین تحریک انصاف عمران خان سے وکلا اور ذاتی معالج نے ملاقات کی جس کے دوران ان کی صحت کا جائزہ لیا۔ پی پی آئی کے مطابق راولپنڈی کی اڈیالہ جیل میں عمران خان سے ملاقات میں وکلا نے مختلف کیسز سے متعلق بریف کیا اور مشاورت بھی کی۔ قانونی ٹیم میں بیرسٹر علی ظفر، گوہر خان، عمیر نیازی اور محمود خان شامل ہیں۔ملاقات کرنے والوں میں عمران خان کے معالج (فزیو تھراپسٹ) ڈاکٹر عاصم یونس بھی موجود تھے جنہوں نے چیئرمین پی ٹی آئی کا طبی معائنہ کیا۔ جیل انتظامیہ نے بھی تصدیق کی کہ فزیو تھراپسٹ نے عمران خان کی صحت کا جائزہ لیا اور انہیں ضروری ہدایات دیں۔
آتش گیر مواد سے لدا ٹینکر کلر کہار کے قریب موٹروے پر الٹنے سے ٹریفک معطل
کلر کہار (پی پی آئی)آتش گیر مواد سے بھرا ٹینکر کلر کہار کے قریب موٹروے پر الٹ گیا۔پی پی آئی کے مطابق ترجمان موٹروے نے بتایا کہ ٹینکر میتھینول سے بھرا ہوا تھا، جو دوران سفر حادثے کا شکار ہو گیا۔پی پی آئی کے مطابق آتش گیر مواد سے لدا ٹینکر کلر کہار کے قریب موٹروے پر الٹنے سے ٹریفک معطل ہو گئی تاہم موٹروے پولیس نے فوری طور پر فائربریگیڈ اور ایمبولینس کو طلب کر کے صورت حال کو کنٹرول کر لیا۔حادثے میں کسی قسم کی ہلاکت کی اطلاع نہیں ملی۔
شہباز شریف کی گاڑی روک کر احتجاج کرنیوالوں کیخلاف مقدمہ درج
لاہور(پی پی آئی)پاکستان مسلم لیگ ن کے صدر اور سابق وزیراعظم شہباز شریف کی گاڑی روک کر احتجاج کرنے والے افراد کے خلاف مقدمہ درج کرلیا گیا۔پی پی آئی کے مطابق کچھ روز پہلے شہباز شریف نے اپنے حلقے کاہنے کا دورہ کیا تھا۔ جب وہ پانڈو نامی گاوں میں عوامی اجتماع سے خطاب کرکے پرانا کاہنہ پہنچے تو روہی نالہ بحالی تحریک کے عہدے داران نے انہیں روک لیا۔شہباز شریف کی گاڑی روکنے والوں میں اہل علاقہ بھی شامل تھے جنہوں نے فیروز پور روڈ کو بلاک کرکے سابق وزیراعظم کی گاڑی کو روکا۔ ذرائع کے مطابق احتجاج کرنے والے 4 نامزد اور 90 معلوم افراد کے خلاف اب مقدمہ درج کرلیا گیا ہے۔
تلاش کریں
خبریں
چار ماہ تک پی سی بی کا چیئرمین رہوں گا :نجم سیٹھی
(February 15, 2014)
لاہور: چیئرمین پی سی بی نجم سیٹھی نے کہا ہے کہ وہ چار ماہ تک اپنے عہدے کو سنبھالیں گے ۔ ایک خصوصی انٹرویو میں نجم سیٹھی کا کہنا تھا کہ سابق چیئرمین ذکاءاشرف نے رات کے اندھیرے میں اپنی مرضی کا آئین بنایا لیکن ہمارا آئین سپریم کورٹ کے تین ججز بنائیں گے ۔اپنے اوپر تنقید کے حوالے سے ان کاکہنا تھا کہ جو لوگ ان کے خلاف الزامات لگارہے ہیں ان کو وہ لیگل نوٹس بھجوانے کے لئے اپنے وکیل سے مشاورت کررہے ہیں ۔35پنکچر کے معاملے پر ان کا کہنا تھا کہ اگر عمران خان وہ ٹیپ منظر عام پر لے آئیں تو وہ خودکشی کرلیں گے ورنہ عمران خان خود کشی کرلیں اور اگر یہ نہ کرسکیں تو معافی مانگ لیں ۔
مچل جانسن کو ٹیسٹ کیرئیر کی 250وکٹوں کی تکمیل کیلئے ایک وکٹ درکار
(February 15, 2014)
سینچورین: آسٹریلوی فاسٹ بولر مچل جانسن کو ٹیسٹ کیرئیر میں 250وکٹیں حاصل کرنے کے لئے صر ف ایک وکٹ کی ضرورت ہے ۔جانسن یہ اعزاز حاصل کرنے والے ساتویں آسٹریلوی بولر بن جائیں گے ۔مچل جانسن نے 2007میں اپنے ٹیسٹ کیرئیر کا آغاز کیا تھا ۔
نجیب عامر ٹی ٹوئنٹی ورلڈکپ کےلئے ہانگ کانگ اسکواڈ میں شامل
(February 15, 2014)
ہانگ کانگ: کرکٹر نجیب عامر کو آئی سی سی ٹی ٹوئنٹی ورلڈکپ کے لئے دوبارہ ہانگ کانگ کی ٹیم میں طلب کرلیا گیا ۔ نوجوان فاسٹ بولر احسن نواز بھی 15رکنی اسکواڈ میں جگہ بنانے میںکامیاب ہوگئے ۔ نجیب نے 2004میں ہانگ کانگ کی طرف سے ڈیبیو کیا تھا۔میگا ایونٹ میں شرکت کی تیاری کے حوالے سے ہانگ کانگ کی ٹیم سری لنکا میں تربیت حاصل کرے گی ۔
ٹی ٹوئنٹی ورلڈ کپ کیلئے 14رکنی سری لنکن ویمن اسکواڈ کا اعلان
(February 15, 2014)
کولمبو: سری لنکن کرکٹ ٹیم کی سلیکشن کمیٹی نے آئی سی سی ویمن ٹی ٹوئنٹی ورلڈ کپ کے لئے 14رکنی اسکواڈ کا اعلان کردیا ۔سشیکا لاسروردھنے ٹیم کی قیادت کریں گی جبکہ چماری اتاپتو نائب کپتا ن ہوں گی ۔ سری لنکن ٹیم کو گروپ بی میں انگلینڈ ،ویسٹ انڈیز اور بھارت کے ساتھ رکھا گیا ہے اور وہ 24مارچ کو بھارت کے خلاف میچ سے اپنی مہم کا آغاز کریں گی ۔
ثقلین مشتاق ویسٹ انڈیز ٹیم کے بولنگ کو چ مقرر کردیے گئے
(February 15, 2014)
بارباڈوس: ویسٹ انڈیز کرکٹ بورڈ نے سابق پاکستانی آف اسپنر ثقلین مشتاق کو ویسٹ انڈین کرکٹ ٹیم کا بولنگ کوچ مقرر کردیا ۔ ویسٹ انڈین کرکٹ بورڈ کے اعلامیے کے مطابق بورڈ نے ثقلین مشتاق سے معاہد ہ کرلیا ہے اور اس کا آغاز یکم فروری سے ہوگیا ہے۔بورڈ نے ثقلین کو آئی سی سی ورلڈ ٹی ٹوئنٹی تک بولنگ کوچ مقرر کیا ہے تاہم اس ایونٹ کے بعد ان کے معاہدے میں توسیع کی جائے گی۔ ثقلین مشتاق پاکستان 15لاکھ روپے ماہانہ تنخواہ اور دیگر مراعات کے عوض ویسٹ انڈیز کے بولنگ کوچ مقرر ہوئے ہیں ۔
پہلی آل پاکستان جمناسٹ چیمپئن شپ کا 22فروری سے کراچی میں آغاز
(February 15, 2014)
کراچی: سندھ جمناسٹک ایسوسی ایشن کے زیر اہتمام فرسٹ آل پاکستان جمناسٹک چیمپئن شپ 22فروری سے کراچی میں شروع ہوگی ۔ دو روزہ چیمپئن شپ پاکستان اسپورٹس بورڈ نیشنل کوچنگ سینٹر کراچی میں کھیلی جائے گی ۔سندھ جمناسٹک ایسوسی ایشن کے ایسوسی ایٹ سیکریٹری امداد حسین اور سیکریٹری سرفراز عابد آرگنائزنگ سیکریٹر ی ہیں ۔