خیرپور (پی پی آئی) پیپلز پارٹی کے سینئر رہنما اور سابق صوبائی وزیر منظور وسان نے کہا ہے کہ احتساب، اسٹیبلشمنٹ اور جوڈیشری کا بھی ہونا چاہیے۔پی پی آئی کے مطابق میڈیا سے گفتگو کرتے ہوئے رہنما پیپلز پارٹی منظور وسان نے کہا کہ میں نے پہلے کہا تھا الیکشن جنوری کے آخر یا فروری میں ہوں گے، الیکشن کمیشن نے اعلان کیا ہے کہ الیکشن جنوری میں ہوں گے، پی ٹی آئی کا کوئی مستقبل نہیں، اگلے انتخابات میں ن لیگ اور پیپلزپارٹی کے درمیان مقابلہ ہوگا، سندھ میں پیپلز پارٹی اکثریت سے جیتے گی، مختلف جماعتیں جی ڈی اے میں شامل ہوں گی لیکن پیپلز پارٹی کا مقابلہ نہیں کر سکتیں۔ منظور وسان نے کہا کہ میرا خیال ہے نواز شریف واپس آئیں گے، عوام انہیں چاہتے ہیں جو عوام کو ریلیف دے، نگران حکومت کا کام الیکشن کروانا ہے، مہنگائی سے غریب عوام متاثر ہوتے ہیں، کرپشن کرنے والوں کا احتساب ہونا چاہیے، احتساب کے نام پر سیاسی انتقام نہ لیا جائے۔
برازیلی بچوںمیں معاشرتی اقدار کی آگہی کیلئے فیفا کی کوششیںجاری
برازیل: فٹبال میچ کے دوران ہنگامہ، 4 افراد زخمیبرازیل: فٹبال میچ کے دوران ہنگامہ، 4 افراد زخمی
عالمی اسنوکر چیمپئن شپ کا فائنل چین کے ژویولانگ نے جیت لیا
ماریہ شراپووا نمائشی میچ میں سربیا کی اینا ایوانووچ سے ہار گئیں
چٹاگانگ دھماکے : ویسٹ انڈیز انڈر19کرکٹ ٹیم کا دورہ منسوخ
نیدرلینڈز نے آسٹریلیا کو ہراکر ویمنز ورلڈ ہاکی لیگ کا ٹائٹل جیت لیا
تازہ ترین خبریں
اشتہار
تازہ ترین
جرمنی میں مقیم پاکستانیوں کی وطن عزیز بھیجی گئی رقوم میں 5.03فیصداضافہ ریکارڈ
کراچی (پی پی آئی)جرمنی میں مقیم پاکستانیوں کی وطن عزیز بھیجی گئی رقوم میں رواں مالی سال کے پہلے 2 ماہ یعنی جولائی اور اگست میں سالانہ بنیادوں پر5.03فیصداضافہ ریکارڈ کیا گیا۔اسٹیٹ بینک کے جاری اعدادوشمار میں بتایا گیا ہے کہ جولائی اور اگست میں جرمنی سے ترسیلات زرکاحجم 88.5 ملین ڈالرریکارڈ کیا گیا جوگزشتہ مالی سال کی اسی مدت کے 84.1 ملین ڈالر کے مقابلہ میں 5.3 فیصدزیادہ ہے۔پی پی آئی کے مطابق اگست میں جرمنی سے ترسیلات زرکاحجم 44.3 ملین ڈالرریکارڈ کیا گیا جوجولائی میں 44.2 ملین ڈالراورگزشتہ سال اگست میں 40.5 ملین ڈالرتھا۔واضح رہے کہ رواں مالی سال کے پہلے 2 ماہ میں سمندرپارپاکستانیوں کی ترسیلات زرکاحجم 4.12 ارب ڈالرریکارڈکیاگیا جوگزشتہ مالی سال کی اسی مدت میں 5.25 ارب ڈالرتھا۔
ن لیگ کے بیانیہ اور منشور کیلئے کمیٹی قائم، سی ای سی ممبران سے تجاویز بھی طلب
لندن (پی پی آئی)لندن میں مقیم مسلم لیگ(ن)کے قائد نواز شریف نے ن لیگ کے بیانیہ اور منشور کیلئے کمیٹی قائم کرتے ہوئے سی ای سی ممبران سے تجاویز تجاویز طلب کرلی ہیں، کہا گیا ہے کہ 7 روزکے اندر اندر تحریری طور پرتجاویز نوازشریف کو بھیجی جائیں۔ دیگر معاملات کے بجائے صرف معاشی اہداف پر توجہ مرکوز رکھی جائے گی۔پی پی آئی کے مطابق سابق وزیراعظم نوازشریف پارٹی رہنماوں کے تحفظات کے پیش نظر تمام معاملات براہ راست خود دیکھ رہے ہیں۔ دوسری جانب اس موقع پر شہباز شریف نے کہا کہ نوازشریف ن لیگ کی جانب سے وزیراعظم کے متفقہ امیدوار ہیں، نواز شریف کی سربراہی پر کسی بھی سینئر ممبر کو اعتراض نہیں ہو گا۔
اینٹی کرپشن حکام کے احاطہ عدالت اور وکلا دفاتر میں داخلے پر پابندی
لاہور(پی پی آئی)لاہور بار ایسو سی ایشن نے اینٹی کرپشن حکام کے احاطہ عدالت اور وکلاکے اینٹی کرپشن کے دفاتر میں داخلے پر پابندی لگا دی۔لاہور بار ایسو سی ایشن کے ایوان عدل کمیٹی روم میں ہونے والے اجلاس کا اعلامیہ جاری کر دیا گیاہے،جس میں کہا گیا ہے کہ اجلاس میں محکمہ اینٹی کرپشن کی طرف سے وکلا کے ساتھ ہونے والی زیادتی کو زیر بحث لایا گیا۔پی پی آئی کے مطابق اینٹی کرپشن دفاتر میں وکلا کے داخلے پر پابندی لگا دی گئی ہے۔ اعلامیے کے مطابق وکلا کو ٹارگٹ کر کے ان کے خلاف بلا جواز انتقامی کارروائیاں کی جارہی ہیں، پیر سے احاطہ عدالت میں اینٹی کرپشن حکام کے داخلے پر مکمل پابندی عائد کر دی گئی، اینٹی کرپشن کے کسی بھی ملازم یا افسر کو احاطہ عدالت میں داخل نہیں ہونے دیا جائے گا۔
تلاش کریں
خبریں
برازیلی بچوںمیں معاشرتی اقدار کی آگہی کیلئے فیفا کی کوششیںجاری
سلواڈور: بچوں میں معاشرتی اقدار کو اجاگر کرنے کے لیے فیفا نے فٹ بال کا سہارا لے لیا،برازیل میں بچوں کو غیر ضروری سرگرمیوں سے ہٹا کر فٹ بال کی طرف راغب کیا گیا۔برازیل کے شہر سلواڈور میں فیفا کی جانب سے ایک فلاحی ادارے کی ٹیم پہنچی۔ہوپ فور فٹبال نامی تنظیم کے زیر اہتمام بچوں میں فٹ بال کے ذریعے معاشرتی اقدار کا شعور پیدا کرنے کے لیے خصوصی لیکچرز دیئے گئے۔حصہ لینے والے بچوں کا تعلق برازیل کے متوسط خاندانوں سے تھا۔لیکچرز کے بعد بچوں نے دلچسپی سے فٹ بال کے کھیل میں حصہ لیا۔اس موقع پر آرگنائزر کا کہنا تھا کہ بچوں میں فٹ بال کے کھیل کو متعارف کرانے کا مقصد انہیں صحت مند زندگی کی طرف لانا ہے۔
برازیل: فٹبال میچ کے دوران ہنگامہ، 4 افراد زخمیبرازیل: فٹبال میچ کے دوران ہنگامہ، 4 افراد زخمی
جوائن ویلی: برازیل میں فٹ بال میچ کے دوران تماشائیوں نے گراونڈ کو اکھاڑہ بنا دیا، ایک دوسرے پر حملوں میں خواتین سمیت چار افراد زخمی ہوگئے۔ برازیل کے شہر جوائن ویلی میں دو شہروں کی ٹیموں کے درمیان فٹ بال میچ جاری تھا کہ تماشائی آپس میں گتھم گتھا ہوگئے۔ اس دوران میچ ڈیڑھ گھنٹے تک روکنا پڑا جس کے بعد پولیس نے آکر حالات کو قابو کیا۔ تصادم میں تین خواتین سمیت چار افراد زخمی ہوئے۔ ایک شخص کی حالت نازک ہونے پر اسے ہیلی کاپٹر کے ذریعے اسپتال منتقل کیا گیا۔
عالمی اسنوکر چیمپئن شپ کا فائنل چین کے ژویولانگ نے جیت لیا
لٹویا: ورلڈ اسنوکر چیمپئن شپ کے فائنل میں چین کے ژویو لانگ نے ہم وطن ژاو زینگٹون کو بیسٹ آف پندرہ فریم کے فائنل میں چار کے مقابلے آٹھ فریمز سے شکست دے کر ٹائٹل اپنے نام کر لیا۔چین کے ژویو لانگ نے سیمی فائنل میں سکٹ مقابلے کے بعد پاکستان کے محمد سجاد کو شکست دے کر ایونٹ سے باہر کیا تھا، فائنل میں دونوں کیوئسٹ کی جانب سے سکٹ مقابلہ دیکھنے کو ملا لیکن ژویو لانگ نے روایتی کھیل دکھاتے ہوئے باآسانی حریف کیوئسٹ کو قابو کیا۔ایونٹ میں دفاعی چیمپئن پاکستان کے محمد آصف، شاہد آفتاب ، عمران شہزاد اور محمد سجاد نے ٹورنامنٹ میں پاکستان کی نمائندگی کی، لیکن کوئی بھی پاکستان کو ایونٹ جتوانے میں کامیاب نہ ہوسکا۔
ماریہ شراپووا نمائشی میچ میں سربیا کی اینا ایوانووچ سے ہار گئیں
بگوٹا: روس کی ٹینس اسٹار ماریہ شرا پووا انجری سے واپسی کے بعد پہلے ہی نمائشی میچ میں اینا ایوانو وچ کے ہاتھوں شکست کھا گئیں۔ کولمبیا میں روس کی شرپوا اور سربیا کی اینا ایوانو وچ نے پہلے تو ٹینس ورک شاپ میں نوجوانوں کو کچھ گر سکھائے پھر دونوں نے اپنے چاہنے والوں کے ساتھ تصاویر بنوائیں۔ آٹوگراف دیئے، آخر میں شراپوا اور اینا کے درمیان نمائشی میچ ہوا، پانچ ماہ انجری کے باعث کورٹ سے دور رہنے والی شرپوا نے اینا کے خلاف ایک سیٹ تو جیتا لیکن میچ نہ جیت پائیں۔
چٹاگانگ دھماکے : ویسٹ انڈیز انڈر19کرکٹ ٹیم کا دورہ منسوخ
چٹاگانگ: چٹاگانگ میں ہونے والے بم دھماکوں اور پرتشدد مظاہروں کے باعث ویسٹ انڈین کرکٹ بورڈ نے انڈر19 کرکٹ ٹیم کا دورہ بنگلہ دیش ختم کردیا۔ ہفتے کوچٹاگانگ میں ویسٹ انڈین ٹیم کے ہوٹل کے قریب دھماکہ ہوا تھا۔ دھماکے کے بعد اتوار کو بنگلہ دیش اور ویسٹ انڈیزکی ٹیموں کے درمیان کھیلا جانے والا میچ بھی ملتوی کردیا گیا تھا۔ ویسٹ انڈین کرکٹ بورڈ نے سیکیورٹی خدشات کے پیش نظر انڈر نائنٹین ٹیم کوبنگلہ دیش کے دورے سے دستبردارکرالیا ہے۔ بورڈ کے ترجمان کے مطابق ٹیم کو چٹاگانگ سے جلد از جلد نکالنے کے انتظامات کئے جارہے ہیں۔ ترجمان کا کہنا ہے کہ چٹاگانگ میں72 گھنٹے سے جاری ہڑتال اور پرتشدد مظاہروں کے باعث ماحول کرکٹ کھیلنے کیلئے کسی طور بھی سازگار نہیں ہے۔
نیدرلینڈز نے آسٹریلیا کو ہراکر ویمنز ورلڈ ہاکی لیگ کا ٹائٹل جیت لیا
سان میگوئیل: نیدرلینڈز نے آسٹریلیا کوپانچ ایک سے شکست دے کر ویمنز ورلڈ ہاکی لیگ کا ٹائٹل جیت لیا۔ سان میگوئیل میں کھیلے گئے فائنل میں اولمپک چیمپئن نے ایک گول کے خسارے میں جانے کے باوجود ہاکی رووز کو زیر کیا۔ انگلینڈ نے میزبان ارجنٹائن کو شکست دے کربرونزمیڈل جیتا۔