مظفر آباد/آزاد کشمیر(پی پی آئی) محکمہ صحت نے آزاد کشمیر میں ملیریا،ڈینگی اور ٹی بی کے خلاف آگاہی مہم شروع کر دی ہے اس سلسلے میں  ریاست بھر کے اسکولوں میں طلبہ، طالبات کو ملیریا،ڈینگی فیور،ٹی بی/ لپروسی اور دیگر متعدی امراض سے بچاوکے طریقوں سے آگاہ کیا گیا۔پی پی آئی کے مطابق      لیڈی ہیلتھ ورکرز نے  بھی مہم میں بھرپور حصہ لیا۔

 کراچی (پی پی آئی)عالمی شہرت یافتہ گلوکار وموسیقار استاد نصرت فتح علی خان کی 75ویں سالگرہ جمعہ13اکتوبر کو منائی گئی۔فن موسیقی کی یہ عظیم ہستی 13اکتوبر 1948 کو فیصل آباد میں پیدا ہوئی۔ پی پی آئی کے مطابق  عالمی سطح پر جتنی شہرت انہیں ملی وہ شاید کسی اور موسیقار یا گلوکار نصیب نہیں ہوئی۔ بحیثیت قوال 125آڈیو البم ریلیز ہوئے جو ایک ورلڈ ریکارڈ ہے۔ان البمز میں دم مست قلندر مست، علی مولا علی، یہ جو ہلکا ہلکا سرور ہے، میرا پیاگھر آیا، اللہ ہو اللہ ہو، کینا سوہنا تینوں رب نے بنایا سمیت کئی یادگار قوالیاں اور گیت شامل ہیں۔نصرت فتح علی خاں نے بالی ووڈ کی کئی فلموں کی موسیقی ترتیب دینے کے ساتھ آواز کا جادو بھی جگایا،  جس میں اور پیار ہوگیا، کچے دھاگے اور کارتوس شامل ہیں۔ نصرت فتح علی خاں کے فن کی تعریف ملکہ ترنم نورجہاں، شنہشاہِ غزل مہدی حسن اور لتا منگیشکر جیسے لیجنڈزنے بھی کی تھی۔

کراچی (پی پی آئی)ماسٹر چنگان موٹرز لمیٹڈ پاکستان میں تیار کردہ 14 اوشان ایکس 7 ایس یو ویز برآمد کرنے والی پہلی کمپنی بن گئی ہے، یہ گاڑیاں کینیا اور تنزانیہ کی مارکیٹ میں فروخت کی جائیں گی۔ پی پی آئی کے مطابق گزشتہ برس پہلا ماڈل یونٹ اوقیانوسیہ خطے کے ایک ملک کو بھی برآمد کیا گیا تھا، چنگان آٹو موبائل چائنا کے ترجمان نے بتایا کہ حکومت کو ایسی پالیسیاں بنانے کی ضرورت ہے جو مقامی طور پر حجم میں اضافہ کریں، جس کے نتیجے میں پیدوار میں اضافہ ہوگا قبل ازیں، پاک سوزوکی موٹر کمپنی لمیٹڈ نے کہا تھا کہ وہ اپنی کاروں کی برآمدات پر بھی کام کر رہی ہے، جنہیں کئی ڈبلیو پی-29 معیارات پر اپ گریڈ کیا گیا ہے، اس کے علاوہ ہائبرڈ ماڈلز پر بھی کام جاری ہے۔۔