ڈھاکا: بنگلہ دیشی کر کٹ بورڑ نے ورلڈ ٹی ٹوئنٹی کے دوران غیر ملکی ٹیموں کے جھنڈے لہرانے کی اجازت دے دی ۔ بنگلہ دیش کرکٹ بورڑ نے آئی سی سی کے دباﺅ پر شائقین کو غیر ملکی ٹیموں کے جھنڈے اسٹیڈیم میں لانے کی پابندی ہٹا دی اور اپنے پرانے سے موقف سے پیچھے ہٹ گیا۔ بنگلہ دیش کرکٹ بورڑ نے واضح کر دیاہے کہ کسی بھی آفیشل نے شائقین پر جھنڈے لانے کی پابندی نہیں لگائی ہے، بورڑنے اپنا موقف دیتے ہوئے کہاہے کہ شائقین کو ہدایت کی گئی تھی کہ اسٹیڈیم میں بڑے سائز کے جھنڈے نہ لہرائیں ، مخالف ٹیم کے خلا ف نعرے بازی اور نازیبا الفاظ استعمال نہ کریںلیکن ہمارے اس موقف کو غلط انداز میں پیش کر دیا گیا جس سے پوری دنیا میں ہماری جگ ہنسائی ہوئی۔

نئی دہلی: بھارتی سپریم کورٹ نے آئی پی ایل کی دو فرنچائزوں چنائی سپر کنگ اور راجستھان رائلز پر پابندی عائد کرنے کی تجویزدی جبکہ بی سی سی آئی کے صدر سری نواسن نے عدالت کو عہدہ چھوڑنے کی پیش کش کر دی ۔ بھارتی سپریم کورٹ نے سری نواسن کو معطل کرکے سنیل گواسکر کو عبوری صدر بنانے اور دو فرنچائزوں راجستھان رائلز اور چنائی سپر کنگز کو معطل کرنے کی تجویز دی اور کہاہے کہ دونوں فرنچائزوں کو رواں لیگ میں حصہ لینے نہ دیا جائے۔عدالت کی اس تجویز کے بعد آئی پی ایل کے رواںایڈیشن کا انعقاد کھٹائی میں پڑ گیا ہے ،جبکہ آئی پی ایل کے سابق سربراہ للیت مودی نے مطالبہ کیاہے کہ آئی پی ایل کے رواں سیزن کو معطل کر دیاجائے ۔دوسری جانب سری نواسن نے عدالت کے سامنے ہتھیار ڈالتے ہوئے پیش کش کی ہے کہ وہ عہدے سے مستعفی ہو نے کو تیار ہیں، سری نواسن نے فکسنگ معاملے کا فیصلہ آنے تک عہدے سے مستعفی ہونے کی پیش کش کر دی ہے ۔ عدالت کا کہنا ہے کہ سسری نواسن کی جگہ سنیل گواسکر یا کسی سابق کرکٹر کو بورڑ کا قائم مقام صدر بنایا جائے، سپریم کورٹ نے تمام تجاویز کے جواب کے ساتھ بی سی سی آئی کو کل طلب کرلیا ہے ، بھارتی سپریم کورٹ کل عبوری حکم جاری کرے گا، جبکہ سماعت 16اپریل تک ملتوی کر دی گئی۔

حیدرآباد: طالب علم کسی بھی قوم کے بہتر مستقبل کاقیمتی سرمایہ ہوتے ہیں اور طلبہ ہی اپنے ملک و قوم کی خوشحالی وترقی میں مددگار ثابت ہوتے ہیں ۔ان خیالات کا اظہار ایم کیوایم حیدرآباد زون کے جوائنٹ زونل انچارج راشد ممتازنے گورنمنٹ ڈگری کالج لطیف آباد میں یوم پاکستان کے حوالے سے منعقد تقریب سے خطاب کرتے ہوئے کیا۔تقریب میں کالج کے پرنسپل ،استاتذہ و طلبہ نے بڑی تعداد میں شرکت کی ۔انھوں نے مزید کہاکہ علم کی دولت سے مالا مال افراد ہی اپنے وطن کو ترقی کی راہ پر گامزن کرسکتے ہیں اور علم سے دوری ملک و اقوام کو اندھیروں کی جانب دھکیل دیتی ہے ۔انھوں نے کہاکہ ہمیں اپنے ملک سے انتہا پسندی اور فرقہ واریت کے خاتمے کے لیے ملک کے کونے کونے میں علم کی شمع روشن کرنی ہوگی تاکہ ہمارے ملک سے دہشت گردی کا خاتمہ ہوسکے ۔بعدازیں انھوں نے یوم پاکستان کے حوالے سے منعقد ہونے والے مختلف مقابلوں میں کامیاب ہونے والے طلبہ میں انعامات بھی تقسیم کئے ۔

حیدرآباد: محکمہ کھیل و امور نوجوانان کی جانب سے کتھڑ تعلقہ حیدرآباد میں ملاکھڑا منعقد کیا گیا ،جس میں 50 کے قریب پہلوانوں نے حصہ لیا ۔ پہلے جوڑ میں ٹنڈو محمد خان کے پہلوان غلام مصطفی نارو نے حیدرآباد کے پہلوان فدا حسین ملاح کو شکست دے کر مقابلہ جیتا ۔ دوسرے جوڑ میںحیدرآباد کے پہلوان گلاب شاہ نے ٹنڈوالہیار کے پہلوان عبدالرحمن پنھور کو شکست دے کر مقابلہ جیتا ۔ تیسرے جوڑ میںحیدرآباد کے پہلوان بختیارعلی شاہ نے ٹنڈوالہیارکے پہلوان عبدلجبار پنہیار کو شکست دے دی۔ اس ملاکھڑے کے مہمان خاص رئیس وفادار چھلگری اور بیر برفت نے جیتنے والے پہلوانوں میں نقد رقم انعام میں تقسیم کیا، اس موقع پر گاﺅں کے معتبرین اور خاصی تعداد میں تماشائی موجود تھے۔