انڈین ویلز: ثا نیہ مرزا کی جوڈی نے بی این پی پیریبس اوپن ٹینس کے سیمی فائنل کے لیے کوالیفائی کر لیا ۔کیلیفورنیا میں جا ری بی این پی پیریبس اوپن ٹینس کے ایک اہم میچ میں انڈیا کی ثانیہ مر زا اور ان ساتھی کھلاڑی زمبا بوین لارا بلیک نے روس کی جوڑی ایکاٹیرینا اور الینا وسیناکو شکست دے کر وومنز ڈبلز کے سیمی فائنل میں پہنچ گئیں۔ ثانیہ مر زاکی جوڈی نے اپنے مخالف روسی جوڈی کو 4-6 اور1-6سے شکست دے دی ، سیمی فائنل میں ان کا مقابلہ چین کی جی زنگ اور جمہوریہ چیک کی لیوسی راڈیکا کے خلاف ہوگا ، جنھوں نے کوارٹر فائنل میں سخت مقابلے کے بعد کویٹا پیسکے اور کیٹرینا سریبوٹنک کو 7-5,5-7اور10-3سے شکست دی تھی۔

برج ٹاﺅن: کرس گیل نے ٹی ٹوئنٹی کر کٹ میںچھکے لگانے کی دوڑ میں شین واٹسن سے آگے نکل گئے۔ گیل نے انگلینڈ کے خلاف جاری ٹی ٹوئنٹی سیر یز کے دوران میچ میں 4چھکے لگا کر یہ اعزاز حاصل کیا۔ ٹی ٹوئینٹی کرکٹ میں زیادہ چھکے لگا نے کا عالمی ریکارڑ نیوزی لینڈ کے برینڈن میک کو لم کے پاس ہے ، انھوں نے 64میچوں میں 80چھکے لگارکھے ہیں ، کرس گیل نے شین واٹسن کا 64چھکوں کا ریکارڈ توڑ دیا ، گیل نے 37ٹی ٹوئنٹی میچ کھیل کر 66چھکے لگا رکھے ہیں۔

کراچی: قومی کرکٹ ٹیم کے چیف کوچ معین خان کا کہنا ہے کہ ورلڈ کپ ٹی ٹوئنٹی دوبارہ جیتنے کے لیے پاکستان کو بڑے چیلنجز کا سامنا ہے۔ ایشیا کپ میں فاسٹ بولنگ کا شعبہ توقعات پر پورا نہیں اترسکا۔ کراچی میں میڈیا سے گفتگوکرتے ہوئے معین خان کا کہنا تھا کہ ورلڈ ٹی ٹوئنٹی کے سپر راونڈ میں بھارت، آسٹریلیا اور ویسٹ انڈیزکو ہرانے کے لیے غیر معمولی کھیل کا مظاہرہ کرنا ہوگا۔ انھوں نے کہا کہ سپر ٹین میں ہرٹیم اپنے مخالف کو ہرانے کی پوری صلاحیت رکھتی ہے۔ مختصر فارمیٹ کے سبب پیش گوئی کرنا مشکل ہے لیکن جو ٹیم میچ میں بدلتی صورت حال کے مطابق فائدہ اٹھائے تو وہ کامیاب ہوگی۔ معین خان کا کہنا تھا کہ ایشیا کپ میں فاسٹ بولرز کی کارکردگی توقعات کے برخلاف رہی۔ عمر گل عمدہ بولنگ کرنے میں ناکام رہے۔ ریورس سوئنگ اور یارکربھی نظر نہیں آئی۔

نیوروز: نیدرلینڈز کے ٹوم جیلٹے نے پیرس نیس سائیکل ریس کا چوتھا مرحلہ جیت لیا۔ گیرینٹ تھومس نے ریس میں مجموعی برتری حاصل کرلی۔ نیورزسے بیل ویل تک ریس کا چوتھا مرحلہ دوسو ایک اعشاریہ پانچ کلومیٹر پر محیط تھا۔ گارمین شارپ ٹیم کے ڈچ رائیڈر ٹوم جیلٹے نے مقررہ فاصلہ پانچ گھنٹے میں طے کرکے پہلی پوزیشن حاصل کرلی۔ برطانیہ کے گیرینٹ تھومس نے اتنے ہی وقت کے ساتھ دوسری پوزیشن حاصل کی اور ریس میں مجموعی برتری حاصل کرلی۔ اوراوورآل لیڈر جرمنی کے جان ڈیگن کولب اکتیسویں نمبر پر رہنے کے باعث مجموعی برتری گنوابیٹھے۔

نیودہلی: سابق انگلش کپتان مائیکل وان نے ٹی ٹوئنٹی ورلڈ کپ کے لیے انڈیا اور ویسٹ اندیز کو فیورٹ قرار دیا۔ مائیکل وان کا کہنا ہے کہ میرے خیا ل انڈ یا اور دفاعی چمپیئن ویسٹ انڈیز ورلڈ جیتنے کے لیے فیورٹ ہیں، دونوںکے پاس جیت کی صلاحیت اور دنیا کے بہترین اسپنرز مو جود ہیںلیکن ورلڈ کپ میںپاکستان کی موجودگی کو نظر انداز نہیں کیا جا سکتا ہے،مائیکل وان نے کہا ہے کہ آسٹریلیا ، انڈیا ، جنوبی افریقا ، ویسٹ انڈیز اورسری لنکا جیسی ٹیمیں ورلڈ کپ جیتنے کی صلاحیت رکھتی ہیں ، اور اگر پاکستا ن اور نیوزی لینڈ اچھی کارکردگی دکھانے میں کامیاب ہوتے ہیں تو ان کے لیے موقع ہے ۔

کوالالمپور: آئی سی سی ورلڈ کرکٹ لیگ ڈویژن 5کے فائنل میں جر سی نے ملا ئیشیا کو 71رنز سے شکست دے دی۔ ملائیشیا کے دارالحکومت کوالالمپور میں کھیلے گئے ورلڈ کرکٹ لیگ کے فائنل میں جر سی نے ویٹکنز کی شاندار سنچری کی بدولت ملائیشیا کو 71رنز سے شکست دے دی۔ ملائیشیا نے پہلے کھیلتے ہوئے مقررہ پچاس اوور میں 248رنز کا ہدف دیا ، جواب میں جرسی کی ٹیم نے شاندار کھیل کا مظاہرہ کرتے ہوئے ہدف باآسانی حاصل کیا ۔ آئی سی سی نے دونوں ٹیموں کو ڈویژن 4میں ترقی دی ہے۔