لاہور(پی پی آ ئی) مسلم لیگ ن کے صدر اور سابق وزیراعظم شہباز شریف نے کہا ہے کہ اسرائیل پر حماس کے حملے مسجد اقصیٰ اور مقدس مقامات پر اسرائیلی کارروائیوں کا ردعمل ہے۔انہوں نے کہا کہ خطے میں امن کیلئے اسرائیل کے غیر قانونی قبضے، یہودی آباد کاری اور فلسطینیوں پر مظالم کا خاتمہ ضروری ہے، اسرائیل فلسطینیوں کو حق خود ارادیت سے محروم کر رہا ہے، معصوم فلسطینیوں پر ظلم بند ہونا چاہیے، مسئلہ فلسطین کو فوری حل کرنا ہوگا۔علاوہ ازیں پی پی پی قیادت نے بھی فلسطینی عوام سے مکمل اظہار یکجہتی کا اعلان کیا ہے۔سابق صدر آصف زرداری نے کہا کہ طویل عرصے سے فلسطینی عوام مظالم کا سامنا کر رہے ہیں، عالمی منصف فلسطینی عوام کی حمایت میں آواز بلند کریں۔انہوں نے کہا کہ پاکستانی عوام کی ہمدردیاں اور دعائیں فلسطینی عوام کے ساتھ ہیں۔
ملک میں بہت جلد انقلاب آئے گا: ایم کیو ایم زونل انچارج میر پورخاص
تھر پار کر کے قحط متاثرین کی ہلاکت تشویش ناک ہے : رکن سندھ اسمبلی ڈاکٹر ظفر کمالی
ریجنل وومن کر کٹ ٹورنامنٹ میں خیر پور کی ٹیم کی جامشورو کو 20رنز سے شکست
ٹی ٹوئنٹی ورلڈ کپ : انگلینڈ کو سلو اووریٹ پر جر مانہ عائد
برازیل میں فٹ بال ورلڈ کپ کے خلاف لوگوں کا احتجاج
افغانستان نے اسپورٹس کا آسکرز لورئس اسپرٹ آف اسپورٹس ایوارڑ جیت لیا
تازہ ترین خبریں
اشتہار
تازہ ترین
بالاکوٹ اور گردونواح میں زلزلے کے شدید جھٹکے، لوگوں میں خوف و ہراس
ابالاکوٹ(پی پی آ ئی) بالاکوٹ اور گردونواح میں زلزلے کے شدید جھٹکے محسوس کیے گئے ہیں جس میں تاحال کسی جانی نقصان کی اطلاعات موصول نہیں ہوئیں۔ذرائع کے مطابق زلزلے سے درودیوار ہل گئے جس سے عوام میں خوف وہراس پھیل گیا، لوگ کلمہ طیبہ کا ورد کرتے ہوئے گھروں سے باہر نکل آئے۔دوسری جانب 8 اکتوبر کے قیامت خیز زلزلہ کی 18ویں برسی آج منائی جائے گی، 8 اکتوبر 2005ء کے قیامت خیز زلزلہ سے مظفرآباد، باغ راولا کوٹ، نیلم اور جہلم ویلی میں تباہی آئی تھی۔8 اکتوبر 2005ء کا زلزلہ 7.6 ریکٹر سکیل کی شدت کا تھا جس سے 46 ہزار سے زائد افراد لقمہ اجل بنے، 33 ہزار افراد زخمی ہوئے اور 3 لاکھ نجی املاک تباہ ہوئیں۔
صدر مملکت کا فلسطین اور اسرائیل میں بڑھتے تشدد پر اظہار تشویش
اسلام آباد(پی پی آ ئی)صدر مملکت ڈاکٹر عارف علوی نے کہا ہے کہ مجھے فلسطین اور اسرائیل میں بڑھتے تشدد پر سخت تشویش ہے۔اپنے ایک بیان میں صدر مملکت کا کہنا تھا کہ مزید خونریزی اور انسانی جانوں کے ضیاع کو روکنے کیلئے زیادہ سے زیادہ تحمل کا مظاہرہ کیا جانا چاہیے، صورتحال فوری جنگ بندی کا تقاضا کرتی ہے کیونکہ فلسطین اور اسرائیل کے درمیان تشدد اور تصادم سے عوام کی مشکلات میں مزید اضافہ ہوگا۔انہوں نے کہا کہ بین الاقوامی برادری پر زور دیتا ہوں کہ وہ فریقین کو لڑائی مزید بڑھانے سے روکنے کیلئے اپنا فعال کردار ادا کرے اور اقوام متحدہ کی متعلقہ قراردادوں اور بین الاقوامی قانون کے مطابق دیرینہ تنازعہ کے پرامن حل کیلئے کام کرے۔
گاڑیوں کے مختلف ماڈلز کی قیمتوں میں ایک سے 5 لاکھ روپے تک کی کمی
کراچی (پی پی آئی)کِیا گاڑیوں کے اسمبلر لکی موٹر کارپوریشن نے ڈالر کے مقابلے میں روپے کی قدر میں اضافے کا حوالے دے کر گاڑیوں کے مختلف ماڈلز کی قیمتوں میں ایک سے 5 لاکھ روپے تک کی کمی کردی۔ پیکانٹو اے ٹی، اسپورٹیج ایف ڈبلیو ڈی، اے ڈبلیو ڈی اور بلیک لمیٹڈ ایڈیشن اب بالترتیب 38 لاکھ 50 ہزار روپے، 80 لاکھ 40 ہزار روپے، 87 لاکھ 70 ہزار روپے اور 93 لاکھ روپے میں دستیاب ہوں گی، یہ قیمتوں میں ایک لاکھ روپے سے 3 لاکھ 50 ہزار روپے تک کمی کو ظاہر کرتی ہے۔ پی پی آئی کے مطابق اسی طرح سورینٹو 2.4 ایل ایف ڈبلیو ڈی، 2.4 ایل اے ڈبلیو ڈی اور 3.5 ایل ایف ڈبلیو ڈی کی نئی قیمتیں ایک کروڑ 3 لاکھ، ایک کروڑ 12 لاکھ اور ایک کروڑ 12 لاکھ 90 ہزار روپے ہوں گی، ہر گاڑی کی قیمت میں 5 لاکھ روپے کی کمی کی گئی ہے۔ ڈالر کے غیر قانونی اخراج کے خلاف کریک ڈاؤن کے سبب گزشتہ کئی ہفتوں سے روپے کی قدر میں بہتری کا سلسلہ جاری ہے، جس کے نتیجے میں ڈالر کی قدر ستمبر کے اوائل میں 307 روپے سے کم ہو کر گزشتہ روز 283 روپے 60 پیسے تک آگئی۔واضح رہے کہ لکی موٹر کارپوریشن لمیٹڈ نے 6 ستمبر کو متعدد ماڈلز کی قیمتوں میں 3 لاکھ 50 ہزار روپے تک اضافہ کیا تھا، تاہم اس کی کوئی وجوہات نہیں بتائی تھیں۔پیکانٹو آٹومیٹک، اسٹانک ای ایکس پلس، اسپورٹیج اے ڈبلیو ڈی اور اسپورٹیج بلاک (لمیٹڈ ایڈیشن) کی نئی قیمتیں بالترتیب 39 لاکھ 50 ہزار روپے، 62 لاکھ 80 ہزار روپے، 89 لاکھ 20 ہزار روپے اور 96 لاکھ 50 ہزار روپے کردی گئی تھیں۔
تلاش کریں
خبریں
ملک میں بہت جلد انقلاب آئے گا: ایم کیو ایم زونل انچارج میر پورخاص
(March 28, 2014)
میرپورخاص: ایم کیو ایم میرپورخاص زون کے زونل انچارج مجیب الحق و اراکین زونل کمیٹی نے اپنے ایک بیان میں کہا ہے کہ غریبوں کی حکمرانی مقدر بن چکی ہے،بہت جلد انقلاب آئے گا۔قائد تحریک الطاف حسین ملک کو استحصالی عناصر کے خونی پنجوں سے نجات دلائیں گے۔ انھوں نے کہا کہ ایم کیو ایم ملک کی واحد جماعت ہے جس نے غریب و متوسط طبقے سے جنم لیا اور قائد تحریک الطاف حسین نے ہمیشہ استحکام پاکستان کے لئے مذہبی رواداری ، فرقہ وارانہ ہم آہنگی اور بھائی چارے کے فروغ کا درس دیا اور عملی جدوجہد کی۔کرپٹ سیاسی نظام کے خاتمے تک ملک کے حالات اور عوام کی قسمت نہیں بدل سکتی۔عوام لسانی و علاقائی فرق بالائے طاق رکھ کر استحصالی عناصر کے خلاف متحد ہوجائیں۔پاکستان کو تباہی سے بچانے اورملک کے نظام کو صحیح خطوط پر ڈالنے کے لئے انقلاب وقت کی ضرورت ہے۔وہ دن دور نہیں جب پاکستان میں تبدیلی کا سورج طلوع ہوگا اور انصاف کا نظام قائم ہوگا۔
تھر پار کر کے قحط متاثرین کی ہلاکت تشویش ناک ہے : رکن سندھ اسمبلی ڈاکٹر ظفر کمالی
(March 28, 2014)
میرپورخاص: ایم کیوا یم کے رکن سندھ اسمبلی ڈاکٹر ظفر کمالی نے تھر پارکر کے قحط متاثرین کی ہلاکتوں میں اضافے پر تشویش کا اظہار کرتے ہوئے کہاہے کہ صحرائے تھر میں قحط سالی سے مزید ہلاکتیں تشویشناک ہیں۔عمر کوٹ میں 11افراد کی ہلاکتوں کا نوٹس لیا جائے۔متاثرین کے علاج اورغذائی قلت سے نمٹنے کے لئے حکومت ٹھوس اقدامات کرے۔انھوں نے کہا کہ تھر کے عوام کی مدد کے لئے تمام سیاسی و مذہبی جماعتوں کو اپنا کردار ادا کرنا ہوگا۔تھر جیسے واقعات سے نمٹنے کے لئے واضح پالیسی وضع کرنے کی اشد ضرورت ہے۔ تھری عوام سہولیات تو کجا بنیادی ضروریات سے بھی محروم ہیں۔قائد تحریک الطاف حسین کی خصوصی ہدایت پر حق پرست عوامی نمائندے تھری عوام کی بحالی کے کاموں میں مصروف عمل ہیں۔ انھوں نے مزید کہا کہ ملک کو مختلف سنگین چیلنجوں کا سامنا ہونے کے باوجود کافی عرصہ سے خوراک کے معاملے میں خود کفیل ہے ایسی صورتحال میں صحرائے تھر کے معصوم بچوں سمیت قیمتی انسانی جانوں کا ضیاع المیہ ہے۔وقت کا تقاضا ہے کہ بلا تاخیر اس معاملے کو ترجیحی اہمیت دی جائے تاکہ تھر کا کوئی بچہ بھوک اور علاج معالجے کی سہولیات کی عدم فراہمی کی وجہ سے موت کا شکار نہ ہو۔
ریجنل وومن کر کٹ ٹورنامنٹ میں خیر پور کی ٹیم کی جامشورو کو 20رنز سے شکست
(March 28, 2014)
میرپورخاص: پی سی بی وو من ونگ کے زیر اہتمام کھیلے جانے والے ریجنل انٹر ڈسٹر کٹ سینئروومن کر کٹ ٹورنامنٹ کے میچ میں خیر پور کی ٹیم نے جامشورو کی ٹیم کو 20رنز سے ہرادیا۔ پی سی بی گراﺅنڈ میں کھیلے گئے میچ کا ٹاس جامشورو کی ٹیم نے جیت کر پہلے خیر پور کی ٹیم کو بیٹنگ کرنے کی دعوت دی، خیر پور کی ٹیم نے ذکیہ گل کی شاندار بیٹنگ کی بدولت 195رنز بنائے، ذکیہ گل نے 12چوکوں اور ایک چھکے کی مدد سے 83رنز کی خوبصورت اننگزکھیلی، جبکہ کلثوم نے 39رنز کا اضافہ کیا ۔جامشورو کی جانب سے عروج کنول نے دوسرے میچ میں بھی چار کھلاڑیوں کو آﺅٹ کیا ، رقیہ غیور اور حصال مریم نے دو،دو وکٹیں حاصل کیں ۔جوابی بیٹنگ کرتے ہوئے جامشورو کی ٹیم 175رنز بناکر آﺅٹ ہوگئی، حصال مریم نے 67رنز کی اننگز کھیلی لیکن وہ اپنی ٹیم کو کامیابی نہ دلا سکیں، خیرپور کی جانب سے ماریہ حسن نے چار جبکہ کشمالا بتول اور ذکیہ گل نے دو ،دو کھلاڑیوں کو آﺅٹ کیا ۔بعد ازاں میچ کے مہمان خصوصی کیمسٹ اینڈ ڈرگسٹ ایسو سی ایشن کے صدر چوہدی رفیق عامر کا تعارف دونوں ٹیموں کی کھلاڑیوں سے کرایا گیا اس موقع پر عاصم آفریدی ،مرزا عمران ،مس روزینہ مہر ، واحد حسین پہلوانی بھی موجود تھے۔میچ میں اکبر خان اور عزیز الرحمن نے امپائرنگ کے فرائض انجام دیئے، آفیشل اسکورر عاطف بلوچ تھے ۔
ٹی ٹوئنٹی ورلڈ کپ : انگلینڈ کو سلو اووریٹ پر جر مانہ عائد
(March 28, 2014)
چٹاگانگ: انگلینڈ کو ٹی ٹوئنٹی ورلڈ کپ میں سری لنکا کے خلاف سست اوو رریٹ پر جر مانہ عائد کر دیا گیا۔ چٹا گانگ کے چوہدری ظہور احمد اسٹیڈیم میں کھیلے گئے میچ میں انگلینڈ نے سری لنکا کے خلاف شاندار فتح تو حاصل کر لی مگر سلو اوور ریٹ کی بنا پر انھیں جر مانے کی سزا دی گئی ۔ میچ ریفری ڈیوڈ بون نے انگلش کرکٹ ٹیم کے کپتان اسٹورٹ براڈ اور اس کی ٹیم پر مقرر وقت تک دو اوور کم کرنے کی پاداش میں کھلاڑیوں پر میچ فیس کا دس فی صد جبکہ کپتاناسٹورٹ براڈ پر چالیس فیصد جر مانہ عائد کر دیا ۔ آئی سی سی کو ڈ آف کنڈکٹ کے مطابق کپتان براڈ اگلے ایک سال کے اندر دوبارہ اس غلطی کے مرتکب ہوئے تو انھیں ایک میچ کی پابندی کا سامنا کر نا پڑے گا۔ جرمانہ آئی سی سی کے کوڈ آف کنڈکٹ سلو اوور ریٹ کے آرٹیکل 2.5.1کے مطابق عائد کیا گیا ہے۔
برازیل میں فٹ بال ورلڈ کپ کے خلاف لوگوں کا احتجاج
(March 28, 2014)
ساﺅ پاﺅ لو: برازیل میں رواں سال جون میں شروع ہونیوالے عالمی کپ فٹبال کے انعقاد کے خلاف احتجاجی مظاہرے جاری ہیں۔ برازیلین حکومت عالمی کپ اور ریواولمپک 2016 کے پرامن انعقاد اور دنیا کے سامنے ملک کا امیج بحال رکھنے کیلئے ہرممکن کوشش کر رہی ہے۔ساوپاولو میں ایسے ہی احتجاجی مظاہرے کو کنٹرول کرنے کے لیے کثیر تعداد میں پولیس اہلکار تعینات کئے گئے۔ مظاہرین نے شہر کی سڑکوں پر گشت کرتے ہوئے ورلڈکپ کے خلاف اپنا احتجاج ریکارڈ کرایا۔ ان کا مطالبہ تھا کہ اسپورٹس میگا ایونٹس پر بھاری رقوم خرچ کرنے کے بجائے اسے تعلیم،صحت،ٹرانسپورٹ اور عوامی بہبود پر لگایاجائے۔ مظاہرے کے شرکاءنے مطالبات کے حق میں بینرز اوراٹھائے ہوئے تھے اور نعرے لگا رہے تھے تاہم وہ پرامن رہے۔ فٹبال ورلڈکپ 12 جون کو شروع ہوگا۔
افغانستان نے اسپورٹس کا آسکرز لورئس اسپرٹ آف اسپورٹس ایوارڑ جیت لیا
(March 27, 2014)
کولالمپور: افغانستان نے کرکٹ کے میدان میںتیزی سے ترقی کر نے اور پہلی بارایک روزہ کرکٹ ورلڈ کپ 2015ءکے لئے کوالیفائی کر نے پرلورئس اسپرٹ آف اسپورٹس” کا ایوارڈ جیت لیا۔ افغانستان کی ٹیم نے اس کے علاوہ دو ٹی ٹوئنٹی ورلڈ کپ کے لیے بھی کوالیفائی کرچکی ہے جبکہ اب ٹیسٹ نیشن سے باہر مضبوط ٹیموں میںان کا شمار ہوتاہے ۔ ملائیشیا کے دارالحکومت کوالالمپور میں منعقد ہ لورئس اسپورٹس ایوارڑ کی تقسیم کی تقریب میں کہا گیا کہ افغانستان نے کرکٹ کے میدان میں کامیابیوں کے حصول سے پوری کرکٹ کی دنیا میں اپنی پہچان بنا لی ہے ۔ تقریب میں افغان نوجوان کھلاڑیوں کا میدان میں جوش وخروش اور ناقابل تسخیر ٹیموں کے خلاف شاندار کار کردگی کی کہانی بار بارسنائی گئی ۔ ایوارڑکھلاڑیوں کی عدم موجودگی پر افغانستان کر کٹ بورڑ کے سر براہ نور محمد نے وصول کیا۔نورمحمد نے اس موقع پر کہا کہ ہمیں اسپرٹ آف اسپورٹس کا ایوارڑ حاصل کرنے پر فخر ہے، انھوں نے کہا کہ یہ ایوارڑ کھلاڑیوں ، انتظامیہ ، بورڑ کی جانب سے پچھلے ایک سال کے دوران ہمارے ملک میں کرکٹ کی ترقی کے لیے کی گئی محنت کا اعترافی ثبوت ہے۔ نورمحمد نے مزید کہا کہ کرکٹ ہمارے ملک کے لیے گیم سے بڑھ کر ہے ، کرکٹ ہمارے ملک میں امن ، بھائی چارہ اور ترقی کے لیے ایک کارآمد جز کی حیثیت رکھتی ہے اور مجھے پوری امید ہے کہ یہ ایوارڑ ہمیں اپنے ملک میں کرکٹ کی ترقی اور اس کے مثبت اثرات کے پھیلاﺅ کے لیے ایک تحریک کا باعث ہوگا۔ واضح رہے ہر سال منعقد ہونے والے لورئس ایوارڑ کو آسکر ز آف اسپورٹس بھی کہاجاتاہے ، جوکھیل کے میدان میں عظیم کارنامے انجام دینے والوں کے نام منعقدکیا جاتاہے، گذشتہ سال یہ ایوارڑ آسٹریلوی کرکٹ ٹیم کے سابق کپتان اسٹیووا کی ٹیم کو دیا گیا تھا جسے ٹیم آف 2002کا نام دیا گیا تھا۔