بارش کے موسم میں شہرقائدمیں جابجاکھلے مین ہولزسے حادثات کا خدشہ

کراچی(پی پی آئی)بارش کے موسم میں شہرقائدمیں جابجاکھلے مین ہولزسے حادثات کا خدشہ ہے،درجنوں سائیکل و موٹرسائیکل سواریومیہ زخمی بھی ہوتے ہیں تفصیلات کے مطابق کراچی کی متعدد شاہراہوں سڑکوں کے د  رمیان و اطراف میں اکثر مین ہولز کے ڈھکن نہیں ہیں جسکی وجہ سے حادثات بڑھ گئے ہیں.پی پی آئی کے مطابق گزشتہ پندرہ دن میں پونے چار سو سے زائد کیس نجی و سرکاری اسپتالوں میں لائے گئے جو متعلقہ اداروں کی کارکردگی پر دھبہ ہیں۔عوامی و سماجی حلقوں کا کہنا ہے کہ شہر کے اکثر وسطی و نواحی علاقوں کے مین روڈ ز گلیوں سڑکوں میں مین ہولز کے ڈھکن نہ ہونے کی وجہ سے ٹریفک حادثات نئی بات نہیں رہے رات کے وقت اسٹریٹ لائٹ نہ ہونے کی وجہ سے بھی اکثرسائیکل و موٹرسائیکل سوار اور پیدل چلنے والے مین ہولز کی زد میں آکر ہلاک و زخمی ہوتے رہتے ہیں۔