مقبوضہ کشمیر میں سرینگر جموں ہائی وے اور مغلیہ روڈ برفباری کی وجہ سے بند

سری نگر/مقبوضہ کشمیر(پی پی آئی)مقبوضہ کشمیر میں وادی کو بیرون دنیا سے ملانے والاواحد زمینی راستہ سرینگر جموں ہائی وے متعدد مقامات پر تودے گرنے کی وجہ سے آمد و رفت کے قابل نہیں رہی۔پی پی آئی کے مطابق ہائی وے میہد، رام بن اور کشتواڑی پاتھر اور بانہال میں تودے گرنے کی وجہ سے  بند ہے۔قبل  ازیں ہائی وے کو جزوی طور پر ٹریفک کو بحال کیا گیا تھا۔ تاہم میہد، رام بن، کشتواڑی پاتھر اور بانہال میں دوبارہ تودے گرنے سے ہائی وے کو ایک بار پھر ٹریفک کیلئے بند کرنا پڑا۔پی پی آئی کے مطابق ضلع شوپیاں کو راجوری اور پونچھ  اضلاع سے ملانے والی مغلیہ روڈ بھی برفباری کی وجہ سے بند ہے۔