ہدف سے کم ٹیکس کی ایک وجہ سینئر ٹیکس افسران کی اہم عہدوں سے برطرفی

 اسلام آباد(پی پی آئی)فیڈرل بورڈ آف ریونیو (ایف بی آر) اپریل میں ہدف سے کم ٹیکس اکٹھا کر پایا ہے کم محصولات اکٹھا ہونے کی ایک اور اہم وجہ سینئر ٹیکس افسران کو اہم عہدوں سے برطرف کرنے کی وجہ سے پیدا ہونے والی افراتفری رہی۔پی پی آئی کے مطابق  اپریل میں کمی کی ایک وجہ اہم عہدوں سے سینئر افسران کی برطرفی کے بعد پیدا ہونے والے بڑے خدشات ہوسکتے ہیں، ذرائع نے بتایا کہ آنے والے دنوں میں ٹیکس افسران کے خلاف مزید رپورٹس سامنے آئیں گی۔حکومت نے مالی سال 2024 کے لیے محصولات جمع کرنے کا ہدف 94 کھرب 15 ارب روپے رکھا ہے، یہ مالی سال 2023 کے 72 کھرب روپے کے مقابلے میں 30 فیصد یا 22 کھرب 19 ارب روپے زیادہ ہے۔