ریاض (پی پی آئی) پاک بحریہ کے سربراہ ایڈمرل نوید اشرف نے دورہ سعودی عرب کے دوران اعلیٰ عسکری قیادت سے ملاقاتیں کی ہیں۔پی پی آئی کے مطابق نیول چیف ایڈمرل نوید اشرف کی سعودی چیف آف جنرل سٹاف جنرل فیاض بن حامد الرویلی سے ملاقات ہوئی جس کے دوران پیشہ ورانہ امور اور باہمی دلچسپی کے امور پر گفتگو ہوئی۔ سربراہ پاک بحریہ کی کمانڈر رائل سعودی نیول فورسز وائس ایڈمرل فہد بن عبداللہ الغفیلی سے بھی ملاقات ہوئی جس کے دوران دفاعی شعبوں میں تعاون کے پہلوؤں، مشترکہ مفادات سمیت دیگر امور پر تبادلہ خیال کیا گیا۔ترجمان کا کہنا تھا کہ نیول چیف ایڈمرل نوید اشرف کے دورے سے پاک سعودی تعلقات میں مزید وسعت آئے گی۔
بی ارون رائل چیلنجرزبنگلورکے اسسٹنٹ کوچ مقرر
سندھ سوشل سیکورٹی میں حج قرعہ اندازی کے ذریعے 10خوش نصیبوں کا اعلان
کینیاکے اتھلیٹ سینتھیا لیمو بوسٹن میراتھون سے باہرہوگئے
میامی اوپن:سریناولیمزکی کیرئرمیں7سوویں ،اینڈی مرے کی 5سوویں فتح
الفنسو تھامس دہلی ڈئرڈیولز کے بولنگ کوچ مقرر
ڈینیل ویٹوری بگ بیش ٹیم برسبین ہیٹ کے کوچ مقرر
تازہ ترین خبریں
- April 23, 2026
اشتہار
تازہ ترین
خراب موسم کے باعث نگران وزیراعظم کا 2روزہ دورہ گلگت بلتستان منسوخ
گلگت،بلتستان/ اسلام آباد (پی پی آئی(نگران وزیراعظم انوارا الحق کاکڑ کا 2روزہ دورہ گلگت بلتستان منسوخ ہو گیا۔پی پی آئی کے مطابق نگران وزیراعظم نے گلگت بلتستان کے جشن آزادی کی تقریبات میں شرکت کیلئے گلگت آناتھا لیکن خراب موسم کے باعث فلائٹ منسوخ کر دی گئی۔
نوابشاہ میں ایگریکلچر یونیورسٹی اور پولیس یونیورسٹی کے قیام کا اعلان
نواب شاہ (پی پی آئی) پیپلز پارٹی نے نوابشاہ میں ایگریکلچر یونیورسٹی اور پولیس یونیورسٹی کے قیام کا اعلان کیا ہے۔ پی پی آئی کے مطابق شہریوں کے وفد سے ملاقات میں سابق صدر مملکت اور پی پی کے شریک چیئرمین آصف علی زرداری نے مزید کہا کہ نواب شاہ شہر کی آبادی میں اضافہ ہورہا ہے اس لئے شہر کو وسعت دی جائے گی۔
تلاش کریں
خبریں
بی ارون رائل چیلنجرزبنگلورکے اسسٹنٹ کوچ مقرر
(April 2, 2015)
بنگلور:انڈین پریمئرلیگ کی ٹیم رائل چیلنجرزبنگلور نے بھارتی ٹیم کے سابق فاسٹ بولربی ارون کو اسسٹنٹ کوچ مقررکردیا۔ ارون بھارتی ٹیم کے بولنگ کوچ کی حیثیت سے کام کررہے ہیں تاہم رائل چیلنجرزبنگلور میں نیوزی لینڈ کے ڈینیل ویٹوری کے اسسٹنٹ کے طورپر کام کریں گے۔ ارون بھارتی ٹیم کے بولنگ کوچ سے قبل بنگلورمیںنیشنل کرکٹ اکیڈمی کے سربراہ کے طورپر کام کررہے تھے جبکہ بھارتی انڈر19ٹیم کے ہیڈ کوچ کے طورپر بھی کام کرچکے ہیں۔بھارتی ٹیم کے بیٹسمین ویرات کوہلی رائل چیلنجرزبنگلورکے کپتان ہیں ،آئی پی ایل کاآغاز 8اپریل سے ہوگا۔
سندھ سوشل سیکورٹی میں حج قرعہ اندازی کے ذریعے 10خوش نصیبوں کا اعلان
(April 2, 2015)
کراچی:صوبائی مشیر محنت اصغر علی جونیجو نے سندھ سوشل سیکورٹی ہیڈ افس میں کمپیوٹر قرعہ اندازی کے ذریعے حج کی سعادت حاصل کرنے والے دس خوش نصیب ملازمین کے ناموں کا اعلان کیا ۔جو امسال ادارے کی طرف سے حج کی سعادت حاصل کریں گے۔اس موقع پر اصغرعلی جونیجو نے فریضہ حج کے لئے منتخب ہونے والے ملازمین کو مبارک باد دی اور امید ظاہرکی کہ وہ حجازمقدس میں اپنے ملک وقوم ،صوبے اور ادارے کی ترقی اور مزید بہترخدمات کی انجام دہی کے لئے دعا کریں گے۔اس موقع پر کمشنر سیسی محمد فاروق لغاری اور دیگر افسران بھی موجود تھے۔آخر میں سیسی ایمپلائز یونین (سی بی اے) کے جنرل سیکریٹری ظفر عباس نے صوبائی وزیر کا شکریہ ادا کیا اور ان دس خوش نصیب ملازمین کو مبارک باد دی جو بذریعہ قرعہ اندازی کامیاب ہوئے ۔واضح رہے کہ حج قرعہ اندازی کا ڈیٹا شعبہ تربیت و تحقیق کے اسٹیٹسٹیکل آفیسر عاصم ایاز نے کیا۔ قرعہ اندازی کے مطابق محفوظ جان (ڈرائیور، حیدراباد ہسپتال ) ،محمد علی(چوکیدارسٹی سرکل)، محمدادریس(نائب قاصد،لانڈی سرکل)،سلمان عزیز(اکاﺅنٹ اسسٹنٹ،کورنگی سرکل) ، محمداسلم(نائب قاصد،سکھر سرکل)، ندیم حسین(ڈسپنسری، کورنگی سرکل) وقار عالم (ڈسپنسر ، کورنگی سرکل) محمد علی شیخ(نرس ایڈ ،لانڈھی سرکل) ، یاسر عباس زیدی(نرس ایڈ ، سٹی سرکل)، نسیم فاطمہ(ایا،سٹی سرکل)قرعہ اندازی کے مطابق متبادل امیدواروںمیں محمد رضا (ڈرائیور،لانڈھی سرکل) مظفر میمن (اسسٹنٹ،کوٹری سرکل)، شمیم جوکھیو (چوکیدار، لانڈھی سرکل) ،عبدالستار(اسسٹنٹ،ایڈمن سرکل)، علی اکبر سومرو( نائب قاصد،حیدرابادہسپتال) شامل ہیں۔
کینیاکے اتھلیٹ سینتھیا لیمو بوسٹن میراتھون سے باہرہوگئے
(April 2, 2015)
نیروبی:کینیاکے مشہور میراتھون اتھلیٹ سینتھیا لیمو انجری کے باعث بوسٹن میراتھون سے باہر ہوگئے۔ لیمو ہاف میراتھوں میں ایک گھنٹہ ،سات منٹ اوردوسیکنڈکی بہترین کارکردگی دکھاچکے ہیں تاہم میراتھون کے صف اول مقابلوں بوسٹن میراتھون میں ڈیبونہیں کرسکیں گے، لیمو ٹریننگ کے دوران ریڑھ کی ہڈی میں دردکے شکار ہوئے اور ٹورنامنٹ سے دست بردارہونے کااعلان کردیا۔ لیمونے کہاکہ میرے لیے یہ افسوس ناک بات ہے لیکن امیدہے کہ میں واپس آﺅں گااور تمام مایوسیوں کو شکست دینے میں کامیاب ہوں گا۔
میامی اوپن:سریناولیمزکی کیرئرمیں7سوویں ،اینڈی مرے کی 5سوویں فتح
(April 2, 2015)
میامی:عالمی نمبرایک ٹینس اسٹارسریناویلمزنے کیرئرکی 700ویں جبکہ برطانوی اینڈی مرے نے 500ویں کامیابی حاصل کر کے میامی اوپن کے سیمی فائنل کے لیے کوالیفائی کرلیا۔سریناویلمزنے میامی اوپن میں جرمنی کی سبینا لیسکی کو 6-7،6-1اور3-6سے شکست دے کر کیرئرکی 700ویں فتح حاصل کی جبکہ سیمی فائنل میں اپنی جگہ پکی کرلی۔ سریناویلمزاس سے قبل انڈین ویلز کے سیمی فائنل سے انجری کے باعث دست بردارہوگئی تھیںلیکن یہ ان کی سال میں مسلسل 19ویں فتح بھی ہے۔ مردوں کے مقابلوں میں برطانیہ کے اینڈی مرے نے آسٹریاکے ڈومینیک تھیئم کو 6-3،4-6اور1-6سے شکست دے کر سیمی فائنل کے لیے کوالیفائی کرلیاجبکہ یہ ان کی کیرئرکی 500ویں فتح تھی ،اینڈی مرے ٹینس کی تاریخ میں 500فتوحات سیمٹنے والے 9ویں کھلاڑی ہیں۔
الفنسو تھامس دہلی ڈئرڈیولز کے بولنگ کوچ مقرر
(April 2, 2015)
نئی دہلی:اندین پریمیرلیگ ٹیم دہلی ڈئرڈیولز نے جنوبی افریقاکے سابق فاسٹ بولر الفنسو تھامس کو اگلے سیزن ک لیے ٹیم کا بولنگ کوچ مقررکردیا۔ 38سالہ تھامس نے جنوبی افریقاکی جانب سے واحدٹی ٹوئنٹی میچ پاکستان کے خلاف کھیلا جبکہ آئی پی ایل ،بگ بیش،انگلش ٹی ٹوئنٹی لیگ،بنگلہ دیش پریمئرلیگ اورڈومیسٹک ٹی ٹوئنٹی ٹورنامنٹ میں حصہ لے چکے ہیں ،مجموعی طورپر214ٹی ٹوئنٹی میچوں میں 248وکٹیں حاصل کرچکے ہیں۔جنوبی افریقاکے سابق بیٹسمین گیرکرسٹن دہلی ڈئرڈیولزکے ہیڈ کوچ ہیں ۔ آئی پی ایل کے نئے سیزن کاآغاز8اپریل سے ہوگا۔
ڈینیل ویٹوری بگ بیش ٹیم برسبین ہیٹ کے کوچ مقرر
(April 2, 2015)
آکلینڈ:نیوزی لینڈکرکٹ ٹیم کے سابق کپتان ڈینئیل ویٹوری کوبگ بیش لیگ ٹیم برسبین ہیٹ کے نئے کوچ مقررکردیاگیا۔ ڈینیل ویٹوری نے ورلڈکپ کے فوری بعد کرکٹ سے ریٹائرمنٹ کا اعلان کردیاتھا تاہم ایک ہفتے کے اندراندرانھیں برسبین ہیٹ نے اسٹورٹ لاکی جگہ انھیں اگلے تین سیزنوں کے لیے ٹیم کاکوچ مقررکردیا۔ ڈینیل ویٹوری نے کہاکہ یہ بہت بڑی ذمہ داری ہے اور میں اس کے حوالے سے پرجوش ہوں،انھوں نے کہاکہ میں ابتدائی طورپرآئی پی ایل کی ٹیم رائل چیلنجرزبنگلور کی کوچنگ کرچکاہوں اوردوبارہ یہی ذمہ داری نبھانے کے لیے بھارت جاﺅں گا،آئی پی ایل کاآغاز8اپریل سے ہوگا۔ڈینیل ویٹوری کو بین الاقوامی کرکٹ میں 705وکٹیں لینے اورسات ہزار سے زائد رنزبنانے کااعزازحاصل ہے۔کوئنزلینڈکرکٹ کے منیجر بریٹ جونزنے کہاکہ ویٹوری کی تقرری سے ہمیں بہت خوشی ہے اوروہ اگلے تین سیزنوں میں کھلاڑیوں کی تربیت اورمنصوبہ بندی میں ہماری مددکریں گے۔