سنگا پور: کرکٹ لیجنڈ سچن ٹنڈولکر نے کہا ہے کہ حالیہ کرکٹ کرپشن کی تفتیش بہت خطر نا ک ہے ،مداح صاف شفاف مقابلے دیکھنا چاہتے ہیں۔سچن ٹنڈولکر پروموشنل دورے پر سنگا پور میں موجود ہیں ان کا کہنا ہے کہ کرپشن پر کی جانے والی تفتیش کھیل کے لیے خطرناک ہے۔ انھوں نے کہا کہ میرے خیال میں متعلقہ افراد اس معاملے پر اپنی ذمہ داری بھر پور نبھا رہے ہیں۔ٹنڈولکر پروموشنل دورے پر سنگا پور میں موجود ہیں اور ریٹائر منٹ کے بعد پہلی دفعہ کرکٹ بیٹ خریدنے پر بہت پر جوش بھی تھے ، ٹنڈولکر سابق ویسٹ انڈین اسٹا ر برائن لارا کے ساتھ رواں برس 5جولائی کو میلبورن کرکٹ کلب کی200ویں تقریب پر نمائشی میچ میں حصہ لیں گے۔

لندن: جنوبی افریقی کرکٹ ٹیم کے بیٹسمین ہاشم آملہ انگلش کاﺅنٹی سرے میں گراہم اسمتھ کی جگہ لیں گے۔سابق پروٹیز کپتان اور سرے کے کھلاڑی گراہم اسمتھ زخمی ہوکر کاﺅنٹی کے باقی میچوں سے باہر ہوگئے تھے جس کے بعدان کے ہم وطن کھلاڑی ہاشم آملہ کو ان کی جگہ ٹیم میں شامل کیا گیا ہے۔ اسمتھ 2012سے انجریز سے چھٹکارا پانے میں ناکام ہیں جس کے با عث وہ بین الاقوامی کرکٹ سے بھی ریٹائر ہوگئے تھے۔سرے کاﺅنٹی کے کرکٹ ڈائرکٹر ایلک اسٹورٹ کا کہنا ہے کہ ہم نے اسمتھ کو کسی صورت ٹیم میں رکھنے کی کوشش کی لیکن انجری اتنی شدید ہے کہ ہمیں مایوسی ہوئی جس کے بعد ہمیں فوری طور پر ہاشم آملہ کو بلا نا پڑا اور کرکٹ جنوبی افریقا نے اس معاملے میں بہترین تعاون کیا۔اسٹورٹ کا کہنا تھا کہ آملہ جون میں ہونے والے تمام میچوں میں شرکت کریں گے اس کے بعد وقت کے مطابق دیکھا جائے گا۔

ٹیکساس: امریکی نیشنل باسکٹ بال ایسو سی ایشن میں سین انٹونیو سپرزکی ٹیم نے اوکلا ہامہ تھنڈر کو ہرا کر سیریز میں دو صفر کی برتری حاصل کر لی۔امریکی ریاست ٹیکساس میں بیسٹ آف سیون باسکٹ بال سیریز کا اہم میچ کھیلا گیا۔ میزبان ٹیم سین انٹونیو سپرز نے دلچسپ اور سنسنی خیز مقابلے کے بعد مہمان ٹیم اوکلا ہامہ کو شکست دی۔سپرز نے حریف ٹیم کے خلاف 77 کے مقابلے 112 پوائنٹس سے فتح سمیٹی۔ فاتح ٹیم کی جانب سے ٹم ڈنکن نے 14 اور مانو جنبولی نے 11 پوائنٹس سکور کر کے ٹیم کی جیت میں اہم کردار ادا کیا۔ اس کامیابی کے ساتھ سین انٹونیو سپرز کو حریف ٹیم کے خلاف سیریز میں دو صفر کی برتری بھی حاصل ہو گئی ہے۔

لاہور: قومی کرکٹ ٹیم کے سابق کپتان شاہد آفریدی نے کہا ہے کہ کبھی بھی قیادت کے لیے لالچ نہیں کی۔ انھوں نے امید ظاہر کی کہ بورڈ میں تبدیلیوں سے کرکٹ اور کرکٹرز کو نقصان نہیں ہونا چاہیے۔ قذافی اسٹیڈیم لاہور میںجاری قومی ٹیم کے سمر کیمپ کے بعد پریس کانفرنس کر تے ہوئے شاہد آفریدی نے کہا کہ انھیں کرکٹ کھیلتے ہوئے 18 سال کا عرصہ گزر گیا لیکن وہ کبھی بھی کپتانی کے لالچ میںکسی کے پیچھے نہیں بھاگے۔ بوم بوم آفریدی پاکستان کرکٹ بورڈ کی چیئرمین شپ میں روز روز کی تبدیلیوں کے حوالے سے آفریدی نے کہا کہ انتظامیہ کے بدلنے سے کرکٹ اور کھلاڑیوں کو کوئی نقصان نہیں پہنچنا چاہیے۔