اسلام آباد (پی پی آئی)تحریک انصاف کے وائس چیئرمین شاہ محمود قریشی کا کہنا ہے کہ مجھے سیاسی انتقام کا نشانہ بنایا جارہا ہے،یہ قانون کی ناانصافی اور حق تلفی کررہے ہیں،اللہ کا انصاف میرے ساتھ، اپنی جگہ قائم ہوں۔پی پی آئی کے مطابق سائفر کیس میں پیشی کے موقع پر عدالت میں صحافیوں سے غیر رسمی گفتگو کرتے ہوئے شاہ محمود قریشی نے کہاکہ ایف آئی اے کے پاس مزید ریمانڈ لینے کا کوئی جواز نہیں،میں مکمل تعاون کررہا ہوں یہ کوئی ثبوت پیش نہیں کر سکے،پی پی آئی کے مطابق ان کا کہنا تھا کہ مجھے سیاسی انتقام کا نشانہ بنایا جارہا ہے،یہ قانون کی ناانصافی اور حق تلفی کررہیہیں،اللہ کا انصاف میرے ساتھ، اپنی جگہ قائم ہوں۔

 اسلام آباد (پی پی آئی)تحریک انصاف کے وائس چیئرمین شاہ محمود قریشی کاسائفر کیس میں مزید دو روزہ جسمانی ریمانڈ منظور کرلیا گیا۔پی پی آئی کے مطابقسیکریٹ ایکٹ عدالت نے سائفر کیس میں تحریک انصاف کے رہنما شاہ محمود قریشی کو مزید دو روزہ ریمانڈ پر ایف آئی اے کے حوالے کر دیا ہے۔سیکریٹ ایکٹ عدالت کے جج ابوالحسنات ذوالقرنین نے سائفر کیس کی سماعت کی جس دوران شاہ محمود قریشی کو عدالت میں پیش کیا گیا، ایف آئی اے کی جانب سے مزید جسمانی ریمانڈ کی استدعا کی گئی عدالت نے وکیل صفائی بابراعوان کے دلائل سننے کے بعد فیصلہ محفوظ کیا جو کہ کچھ ہی دیر کے بعد سنا دیا گیا، عدالت نے شاہ محمود قریشی کو مزید دو روزہ جسمانی ریمانڈ پر ایف آئی اے کے حوالے کر دیا۔دوران سماعت وکیل صفائی بابراعوان نے ایف آئی اے کے جسمانی ریمانڈ کی مخالفت کی،وکیل صفائی بابراعوان نے سیکریٹ ایکٹ عدالت میں دلائل دیتے ہوئے مختلف اعلیٰ عدلیہ کے فیصلوں کا حوالہ دیا اور کہا کہ شاہ محمود قریشی کا سائفر کیس سے کوئی تعلق نہیں ہے،آرٹیکل 90،91 کے تحت شاہ محمود قریشی کا سائفر سے کوئی لینا دینا نہیں۔ وکیل صفائی بابراعوان نے آئین کے آرٹیکل 90 اور 91 کو سیکریٹ ایکٹ عدالت میں پڑھا،انہوں نے کہا کہ 9 دنوں سے شاہ محمود قریشی جسمانی ریمانڈ پر ہیں،وکیل صفائی بابراعوان نے کہا شاہ محمود قریشی کا پہلے ہی کافی ریمانڈ دیا جا چکا ہے۔اسپیشل پراسیکیوٹر نے شاہ محمود قریشی کا موبائل برآمد کرنے کیلئے مزید جسمانی ریمانڈ کی استدعا  کی تھی۔

کراچی (پی پی آئی)بجلی کے بلوں میں ہوشربا اضافہ کیخلاف ملک بھر میں احتجاج کا سلسلہ جاری ہے،کراچی میں بھی بجلی کے نرخوں اور ٹیکسز میں اضافے کیخلاف سرکاری ملازمین نے پریس کلب پراحتجاج کیا، مظاہرین نے  بلوں میں اضافے کے خلاف شدید نعرے بازی کی۔پی پی آئی کے مطابق مظاہرین کاکہناتھا کہ بجلی کے اضافی بلوں  کی وجہ گھروں میں چولہے بجھ چکے ہیں،بچوں کی ا سکولوں کی فیس ادانہیں کر پا رہے،مہنگائی نے غریب کا جینا محال کردیا،ان کا کہنا تھا کہ بجلی بہت مہنگی ہو چکی ہے،یومیہ اجرت پیشہ ہی نہیں تنخواہ دار طبقے کے  کا جینا بھی مشکل ہو چکا ہے۔

لاہور(پی پی آئی)افغان کرکٹ ٹیم ایشیا کپ کیلئے کولمبو سے لاہور پہنچ گئی۔پی پی آئی کے مطابق افغانستان اور بنگلہ دیش کے درمیان لاہور میں 3ستمبر کو مقابلہ ہوگا،افغانستان کی ٹیم ایئرپورٹ سے ہوٹل پہنچ گئی،سی ٹی او لاہور نے کیول کیڈ کو لیڈ کرتے ٹیم کو ہوٹل پہنچایا،سی ٹی او نے کہاکہ تمام روڈز اور ڈائیورشنز کو ٹریفک کیلئے کھول دیا گیا۔