حیدرآباد: انقلابی جدوجہدکے ثمرات حاصل کرنا کوئی آسان کام نہیں ہے اور اس عظیم جدوجہد کا سپاہی ہر قربانی کے جذبے سے سرشار ہوتا ہے۔ان خیالات کا اظہار متحدہ قومی موومنٹ حیدرآباد کے زونل انچارج نوید شمسی و اراکین زونل کمیٹی نے اپنے مشترکہ بیان میں کیا ۔انھوں نے مذید کہاکہ ایم کیوایم ایک انقلاابی تحریک ہے جو ملک میں رائج فرسودہ نظام حکمرانی کے خاتمہ کی جدوجہد کررہی ہے اور اسکی انقلابی جدوجہد سے خائف قوتیں ایم کیوایم کی پرواز کو روکنا چاہتی ہیں۔انھوں نے کہاکہ قائد تحریک الطاف حسین کی تعلیمات اور نظریہ ہمیں قانون اور آئین کی پاسداری کا درس دیتاہے اور یہ ہی وجہ ہے کہ تمام تر جبر ومظالم کے باوجود ایم کیوایم کے کارکنان ملک کی بقاءو سلامتی کے لیے ہر قربانی کے لیے تیار ہیں ۔انھوں نے کہاکہ انقلابی جدوجہد کے مخالف ملک پر اپنے اقتدار کے تحفظ کے لیے ایم کیوایم کو دہشت گرد جماعت ثابت کرنے کی سازشیں کررہے ہیں اور ماضی میں بھی ان ا قتدار پرستوں نے آواز حق کو دبانے کےلئے ایم کیوایم پر شب خون مارا مگر ناکامی انکا مقدر بنی اور ایم کیوایم کی سچائی دنیا کے سامنے قدرت نے پیش کی ۔انھوں نے کہاکہ قائد تحریک اور ایم کیوایم ملک کی بقاءو سلامتی اور ترقی و خوشحالی کے لیے اپنا کردار اداکررہی ہے اور قائدتحریک اور ایم کیوایم کے خلاف سازشیں کرنے والے ماضی کی طرح نا کام ہونگے اور انقلابی جدوجہد ایک دن ضرور کامیابی سے ہمکنار ہوگی ۔

حیدرآباد: جمعیت علماءپاکستان کے صدروملی یکجہتی کونسل کے سربراہ ڈاکٹر صاحبزادہ ابوالخیر محمد زبیر ،سیکریٹری جنرل پیر سید محفوظ مشہدی اور مرکزی جماعت اہلسنت پاکستان کے مرکزی ناظم اعلیٰ علامہ سیدعرفان شاہ مشہدی نے بھکی شریف میں جامعہ محمدیہ رضویہ نوریہ کے جلسہ ختم بخاری شریف کی تقریب سے خطاب کے بعد مشترکہ پریس کانفرنس سے خطاب کرتے ہوئے کہا کہ جمعیت علماءپاکستان اس ملک میں نظام مصطفی ﷺ کے نفاذ کے لیے جدوجہد کررہی ہے امور خیر کے کاموںمیں اور نفاذنظام مصطفی ﷺکے لیے مرکزی جماعت اہلسنت JUPکے ساتھ بھرپور تعاون کرے گی ۔جمعیت علماءپاکستان کے صدرڈاکٹر صاحبزادہ ابوالخیر محمد زبیر اورسیکریٹری جنرل پیر محفوظ مشہدی نے کہا کہ اس ملک میں کرپشن ،بدامنی ،لاقانونیت ،بھتہ خوری اور ظلم کے نظام سے نجات کا واحد طریقہ یہ ہے کہ اس ملک میں نظام مصطفی ﷺ کا نفاذکیا جائے اور اس عظیم مقصد کو حاصل کرنے کے لیے اہلسنت کو متحدو منظم ہونا پڑے گانظام مصطفی ﷺ کے نفاذ کی منزل قریب ہے پاکستان میں نظام مصطفی ﷺ کا نفاذکر کے اس ملک کو بام عروج پر پہنچائیں گے ۔

حیدرآباد:عوامی خدمت ہی ایم کیوایم کی سیاست ہے اور حق پرست قیادت دن رات عوامی خدمت میں کوشاں ہے ۔ان خیالات کا اظہارحق پرست رکن صوبائی اسمبلی انجینئر صابر حسین قائم خانی نے کوہسار ڈسٹرکٹ ہسپتال کے دورہ کرتے ہوئے محکمہ صحت افسران سے گفتگو کرتے ہوئے کیا ۔اس موقع پر ڈسٹر کٹ ہیلتھ آفیسر ڈاکٹر غلام مصطفی عباسی بھی انکے ہمراہ تھے ۔انہوں نے کہاکہ قائدتحریک الطاف حسین کی سیاسست صرف اور صرف عوامی خدمت پرمبنی ہے اور حق پرست قیادت قائد تحریک الطاف حسین کی تعلیمات اور نظریہ کی روشنی میں عوام کو بہتر سے بہتر سہولیات فراہم کرنے میں کوشاں ہے ۔انہوں نے کہا کہ ہم قائد تحریک لطاف حسین کے وژن کے مطابق اپنے شہریوں کو زندگی کے تمام شعبوں کی طرح صحت کے حوالے سے ہسپتالوں اور صحت کے دیگر مراکز میں زیادہ سے زیادہ سہولتیں فراہم کررہے ہیں۔انہوں نے کہاکہ ایم کیوایم عوام کے درمیان رکھنے والی سیاسی جماعت ہے اور وہ اپنی عوام کو ہر مسائل سے نجات دلوانا چاہتی ہے ۔بعد ازاں حق پرست رکن ِصو با ئی اسمبلی انجینئر صا بر حسین قا ئم خا نی نے کو ہسا ر ڈسٹرکٹ ہسپتا ل میں پو لیو ،خسرہ مہم کے حوا لے سے قائم کردہ سینٹر کا افتتاح بھی کیا ۔

لندن: انگلینڈ کرکٹ ٹیم کے تجربہ کار بیٹسمین ای ین بیل نے کھلاڑیوں کے بک میکر سے براہ راست رابطوں کے انکشافات پر تشویش کا اظہار کرتے ہوئے انگلینڈ اینڈ ویلز کرکٹ بورڑ کو میچ فکسنگ کے خاتمے کے لیے مزید سخت اقدامات اٹھانے پر زور دیا ہے۔نیوزی لینڈ کے سابق بیٹسمین لوونسنٹ نے انکشاف کیا تھا کہ دنیاکے پانچ بڑے ڈومیسٹک ٹورنامنٹ جس میں انھوں نے شرکت کی ان میں بڑے پیمانے پر فکسنگ ہوتی ہے جبکہ کاﺅنٹی کرکٹ کو سب سے ذیادہ فکسنگ کے خلاف کام کرنے کی ضرورت ہے ۔بیل نے کہا کہ بین الاقوامی اور ڈومیسٹک سطح پر فکسنگ کے کینسر کے خلاف کئے جانے والے اقدامات میں بڑا خلاہے جس کے خاتمے کے لیے دونوں سطحوں پرہنگامی بنیادوں پر کام کرنے کی اشد ضرورت ہے اور کاﺅنٹی سطح پر کھلاڑیوں کو پابند کیا جائے کہ میچ سے ایک دن قبل موبائل فون انتظامیہ کے حوالے کر دیں۔ تاہم ای سی بی نے اپناموقف واضح کیا کہ ہم فکسنگ کے خلاف سرگرم ہیںاور موبائل فون اورلیپ ٹاپ سے کھلاڑیوں کو باز رکھنے فکسنگ پر کوئی اثر پڑے گا۔