چیچنیا: سوچی سرمائی اولمپکسکیمشعل منزل کی طرف رواں دواں ہے۔ اولمپک مشعل چیچنیا کے شہر گروزنی پہنچی تو اس کا شاندار استقبال کیا گیا۔ پرتپاک تقریب میں چیچنیا کے صدر رمضان کیدروف بھی شریک ہوئے۔ دلچسپ ایونٹ میں چیچن صدر رمضان نے عظیم مشعل کو اسٹیڈیم تک پہنچایا۔ مشعل کو اسٹیڈیم میں لاتے ہی ہزاروں کی تعداد میں موجود شائقین نے اس کا پر جوش استقبال کیا۔ مختلف رنگوں میں ملبوس فنکاروں نے رنگا رنگ پر فارمنسز دکھا کر تقریب کو مزید دلچسپ بنا دیا۔ سوچی اولمپکس کی مشعل تقریبا 123 دنوں میں 65 ہزار کلومیٹر کا فاصلہ طے کر کے روس کے شہر سوچی میں پہنچے گی۔ جہاں سات فروری کو اولمپک گیمز کا گرینڈ میلہ سجے گا۔

چیچنیا: قومی کرکٹ ٹیم کے سابق کپتان عمران خان نے انٹرنیشنل کرکٹ کونسل پر قبضے کی بھارتی کوششوں کو مسترد کردیا۔ورلڈ کپ کے فاتح پاکستانی قائد عمران خان نے اپنے ٹوئیٹ میں کہا ہے کہ آئی سی سی میں بگ تھری کے آئیڈیا سے کرکٹ کی دنیا میں بٹوارہ ہوجائے گا۔انہوں نے مزید کہا کہ انٹرنیشنل کرکٹ کونسل پر قبضے کیلئے بھارت اپنی موثر لابنگ کو استعمال کرنا چاہتا ہے۔واضح رہے کہ بھارت، آسٹریلیا اور انگلینڈ نے آئی سی سی پر کنٹرول کیلئے نئی تجاویز پیش کی ہیں جنہیں پاکستانی، جنوبی افریقا، سری لنکا اور بنگلہ دیش نے مسترد کردیا ہے۔

دبئی: ٹرانسپرنسی انٹرنیشنل نے بھی آئی سی سی میں بگ تھری مسودے پرکڑی تنقید کردی ۔ان کا کہنا ہے کہ ایسے اقدام سے کرکٹ میں کرپشن بڑھے گی۔ ایک بیان میں ٹرانسپرنسی انٹرنیشنل کے ترجمان کا کہنا تھا کہ انٹرنیشنل کرکٹ کونسل میں بگ تھری کی تجاویز سے کرکٹ میں کرپشن بڑھے گی۔ نئی تجاویز گڈ گورننس کے اصولوں کی خلاف ورزی بھی ہے۔ ان کا کہنا تھا کہ تنظیم میں کسی کو بڑے یا چھوٹے کی حیثیت حاصل نہیں ہوسکتی۔ سب کو برابری کا حق حاصل ہوتا ہے۔ادھر جنوبی افریقہ کرکٹ بورڈ نے بھی آئی سی سی بیان کی وضاحت کرتے ہوئے کہا ہے کہ پوزیشن پیپر کی حمایت کا حتمی فیصلہ بورڈ اجلاس میں کریں گے۔ مجوزہ ترامیم بورڈ ممبران کی منظوری سے ہی ہوگا۔دوسری جانب بھارتی میڈیا کا کہنا ہے کہ آئی سی سی اجلاس میں پاکستان اور سری لنکا کی مخالفت سے آئی سی سی میں ایشیائی یکجہتی کو نقصان پہنچا ہے۔

بگوٹا:  فیفا ورلڈ کپ 2014کی ٹرافی کولمبیا کے دارلحکومت بگوٹا پہنچ گئی۔ رواں سال برازیل میں ہونے والے فٹبال ورلڈ کپ سے قبل ایونٹ کی ٹرافی کولمبیا پہنچ گئی۔ بوگوٹا میں کولمبیا کے صدریوآن مینیول نے لوکل فٹبال ہیروز کے ساتھ ٹرافی کا استقبال کیا۔ ورلڈ کپ کے حوالے سے جنوبی امریکہ میں خاصا جوش وخروش پایا جاتا ہے۔ فیفا ٹرافی کوال کیمپن اسٹیڈیم میں نمائش کیلئے رکھا جائے گا جہاں ہزاروں شائقین اس کا دیدارکریں گے۔