کراچی (پی پی آئی)کراچی کی انسداد دہشت گردی عدالت کے احاطے میں سابق اپوزیشن لیڈرحلیم عادل شیخ اور اسپیکر سندھ اسمبلی آغا سراج درانی کے درمیان ملاقات ہوئی۔اس موقع پر گفتگو کرتے ہوئے آغا سراج درانی نے کہا کہ آپ ویسے ہی سندھی ٹوپی پہنتے تھے آج یہ کیپ پہنی ہے، جس پر حلیم عادل شیخ نے جواب دیا کہ سر غلطی ہو گئی۔پی پی آئی کے مطابق حلیم عادل شیخ نے مزید کہا کہ آغا صاحب آپ کے مہمان ہیں اس لیے اس ٹوپی میں ہیں، گھر سے آتا تو سندھی ٹوپی میں آتا۔آغا سراج درانی نے کہا کہ آپ اسمبلی میں ہوتے تو میرے مہمان ہوتے، یہاں نہیں۔حلیم عادل شیخ نے آغا سراج درانی سے سوال کیا کہ آپ خیریت سے ہیں، جس پر انہوں نے جواب دیا کہ مجھے کیا ہو گا، میں بالکل خیریت سے ہوں۔واضح رہے کہ انسدادِ دہشت گردی عدالت نے حلیم عادل شیخ کو 3 روز کے جسمانی ریمانڈ پر پولیس کے حوالے کر دیا ہے۔
نوکوٹ : صرافہ مارکیٹ میں مسلح افراد نے کروڑو ں مالیت کے زیورات لو ٹ لیے
پی سی بی نے عبدالقادر اور جاوید میانداد کو ڈسپلنری نوٹسز جاری کردیئے
پاکستانی کرکٹ میں نیا ٹیلنٹ سامنے نہیں آرہا ہے : توصیف احمد
بیٹسمینوں نے ایک بار پھر غیر ذمہ داری کا مظاہر ہ کیا : مصباح الحق
کولکتہ ٹیسٹ:بھارت کو ویسٹ انڈیز کیخلاف 120 رنز کی برتری
چوتھے ون ڈے میں آج پاکستان اپنی بقا کی جنگ لڑے گا
تازہ ترین خبریں
وفاقی وزیرِ داخلہ محسن نقوی کا نیشنل پولیس اکیڈمی کا دورہ
(June 11, 2026)
پاکستان کے پہلے رومانوی ہیرو سنتوش کمار کی میراث کا جشن
(June 11, 2026)
پاسپورٹ کی گھر کی دہلیز تک فراہمی کے منصوبے پر نمایاں پیش رفت
(June 10, 2026)
- April 25, 2026
- April 23, 2026
- April 22, 2026
- April 07, 2026
اشتہار
تازہ ترین
آئندہ عام انتخابات جنوری 2024 کے آخری ہفتے میں کرانے کا فیصلہ
اسلام آباد (پی پی آئی)الیکشن کمیشن نے آئندہ عام انتخابات جنوری 2024 کے آخری ہفتے میں کرانے کا فیصلہ کیا ہے۔ پی پی آئی کے مطابق ذرائع نے بتایا ہے کہالیکشن کمیشن نے 27 سے 30 جنوری 2024 کی تاریخیں پول ڈے کیلئے تجویز کردی ہیں۔ذرائع نے یہ بھی بتایا ہے کہ عام انتخابات 28 جنوری 2024 کو کرائے جانے کا امکان ہے۔ الیکشن کمیشن کی منظوری کے بعد عام انتخابات کا شیڈول جاری ہوگا۔
وفاقی پولیس کا دائرہ کار ملک بھر میں بڑھانے پر غور
اسلام آباد (پی پی آئی)وفاقی پولیس کا دائرہ کار ملک بھر میں بڑھانے کیلئے مشاورت جاری ہے تاکہ اہم کیسز اور گرفتاریوں میں مدد مل سکے ذرائع کے مطابق وفاقی تحقیقاتی ایجنسی (ایف آئی اے) کی طرح وفاقی پولیس کے دفاتر بھی تمام صوبوں میں ہوں گے، وفاقی پولیس اپنے کیسز دوسرے صوبوں میں بھی ڈیل کر سکے گی۔پی پی آئی کے مطابق اس سے قبل رواں سال جون میں وفاقی پولیس نے اسلام آباد انٹرنیشنل ایئرپورٹ اور ملحقہ علاقوں کو وفاقی دارالحکومت میں شامل کرنے کی تجویز بھی دیدی ہے۔ ایئرپورٹ سے ملحقہ موٹروے ایم ون اور ایم ٹو بھی اسلام آباد کا حصہ بنانے کی تجویز دی گئی ہے۔وفاقی پولیس نے وزارت داخلہ کو لکھ گئے خط میں کہا ہے کہ وی وی آئی پی موؤمنٹس اور اکثر احتجاج انہی شاہراہوں پر ہوتے ہیں مگر یہ علاقے اسلام آباد کی حدود میں نہ آنے سے وفاقی پولیس کارروائی نہیں کرپاتی۔
افغان شہری پاکستان نہ جائیں:طالبان حکومت کا مشورہ
کابل (پی پی آئی)طالبان حکومت نے افغان شہریوں کو پاکستان میں جاری سیاسی عدم استحکام کے باعث سفر نہ کرنے کا مشورہ دیاہے۔تفصیلات کے مطابق افغان دفتر خارجہ کی جانب سے ایڈوائزری جاری کی گئی ہے۔پی پی آئی کے مطابق جس میں افغان شہریوں کو کہا گیا ہے کہ پاکستان میں جاری سیاسی عدم استحکام، احتجاج اور پر تشدد واقعات کی وجہ سے پاکستان کا سفر کرنے میں احتیاط برتیں۔
تلاش کریں
خبریں

نوکوٹ : صرافہ مارکیٹ میں مسلح افراد نے کروڑو ں مالیت کے زیورات لو ٹ لیے
(November 7, 2013)
نوکوٹ: نوکوٹ کے صرافہ بازار میں نامعلوم مسلح افراد نے سوناروںکے دو کروڑ سے زائد مالیت کے زیورات نقدی اور تجوری لوٹ لی۔ تفصیلات کے مطابق جمعرات کی صبح پانچ مسلح افراد وین میںسوار ہو کر شہر کے مین صرافہ بازار کے دو کان دار مہیش کمار سونارو ، سوائی سونارو ، کیلاش سونارو کی دکانوں کے تالے توڑ کے دکان میں موجود زیورات نقدی اور تجوری لے اڑے جس کی مالیت دو کروڑسے زائد بتائی جاتی ہے،واقع کی اطلاع ملتے ہی بیوپاری ایسوسی ایشن نوکوٹ کے عہداروں سمیت شہر یوں کی بڑی تعداد جائے وقوع پر پہنچ گئی اور واقعے کے خلاف غیر معینہ مدت کے لئے شہر میں شٹر ڈاﺅن ہڑتال کا اعلان کر دیا،دوسری جانب ایس ایچ او نوکوٹ اللہ ورایو ھنگورجو نے پولیس نفری کے ساتھ موقع پر پہنچ کر جائے وقوع کا معائنہ کیا، اوربیوپاری ایسو سی ایشن کے عہداروں اور متاثرہ سونارو ں کو یقین دہانی کروائی کہ بہت جلد ملزمان کو گرفتار کر کے لُوٹا ہو اسامان واپس لیا جائے گا، پولیس نے فوری طور پر شہر کے تمام خارجی اور داخلی راستوں کی ناکہ بندی کر دی ہے جبکہ بیوپاری ایسوسی ایشن نوکوٹ ، شہری اتحاد نوکوٹ اور تمام سیاسی سماجی تنظیموں کے ہزاروں کارکنوں نے بیوپاری ایسوسی ایشن کے صدر آصف رضا قائم خانی کی قیادت میں نوکوٹ میرپورخاص روڈ پر بھٹی گوٹھ اور بائے پاس کے مقام پر دھرنادے کر سڑک بلاک کردی اور ٹائر نذر آتش کر کے احتجاج کیا، مظاہرین کا کہنا تھا کہ نوکوٹ پولیس جرائم کی روک تھام میں مکمل ناکام ہو گئی ہے اورعلاقے کے عوام عدم تحفظ کا شکار ہیں، متاثرہ سوناروں کیلاش ، مہیش کمار اور سوائی سونارو نے صحافیوں کو بتایا کہ ہم عدم تحفظ کا شکار ہیں اس سے قبل بھی ہماری چوریاں ہوئی ہیں مگر انتظامیہ کی جانب سے کوئی اقدام اٹھا یا نہیں کی گیا، انھوں نے کہا کہ اس بار ہماری دو کروڑ سے زائد کی مالیت کا سامان لوٹاگیاہے، جب تک ہماری دکانوں سے لوٹاگیا سامان نہیں مل جاتا اور ڈاکو گرفتار نہیں ہوتے ہمارا دھرنا اور ہڑتال جاری رہے گی ۔

پی سی بی نے عبدالقادر اور جاوید میانداد کو ڈسپلنری نوٹسز جاری کردیئے
(November 7, 2013)
لاہور: پاکستان کرکٹ بورڈ نے سابق ٹیسٹ کرکٹر عبدالقادر کو کلب کرکٹ کنسلٹنٹ کے عہدے سے فارغ کر دیا جبکہ چیئرمین پی سی بی کا انتخاب لڑنے کا اعلان کرنے پر عبدالقادر اور جاوید میانداد کو نوٹسز بھی جاری کردیئے۔پی سی بی ذرائع کے مطابق کرکٹ بورڈ نے سابق کرکٹرز عبدالقادر، احتشام الدین اور عظمت رانا سمیت متعدد ملازمین کے کنٹریکٹ میں توسیع سے انکار کردیا جس کی وجہ سے عبدالقادر کلب کرکٹ کنسلٹنٹ کے عہدے سے فارغ ہوگئے۔دوسری جانب چیئرمین پی سی بی کا انتخاب لڑنے کا اعلان کرنے پر عبدالقادر اور جاوید میانداد کو ڈسپلنری نوٹسز بھی جاری کردیئے گئے ہیں۔بورڈ ذرائع کے مطابق دونوں سابق کرکٹرز نے قواعد و ضوابط کی خلاف ورزی کی ہے، عبدالقادر نے بورڈ معاملات مکمل پیشہ ورانہ انداز میں چلانے کا عزم ظاہر کیا تھا جبکہ چیئرمین پی سی بی بننے کے بعد انہوں نے اپنے تعلقات استعمال کرکے ملک میں بین لااقوامی کرکٹ کی بحالی کا دعویٰ بھی کیا تھا۔

پاکستانی کرکٹ میں نیا ٹیلنٹ سامنے نہیں آرہا ہے : توصیف احمد
(November 7, 2013)
کراچی: سابق ٹیسٹ کرکٹرتوصیف احمد کا کہنا ہے کہ ٹی ٹوئنٹی اسکواڈ میں شعیب ملک اور عبدالرزاق کی واپسی سے ثابت ہوگیا کہ پاکستان میں نیا ٹیلنٹ سامنے نہیں آرہا۔ کراچی میںخصوصی گفتگو کرتے ہوئے توصیف احمد نے کہا کہ طویل عرصے سے باتیں ہورہی تھیں کہ نیا ٹیلنٹ بہت ہے لیکن بار بار دوبارہ سینئرز کھلاڑی گھوم پھر کر ٹیم میں منتخب ہورہے ہیں۔ انہوں نے کہا کہ ٹی ٹوئنٹی ورلڈ کپ کے لیے پاکستان کے پاس زیادہ وقت نہیں بہتر انداز میں تیاری شروع کردینی چاہیے۔ توصیف احمد نے ایک سوال پربتایا کہ آل راونڈرکوبیٹنگ اوربولنگ دونوں میں کارکردگی دکھانا ہوگی صرف ایک شعبے میں پرفارمنس نہیں۔توصیف احمد نے کہا کہ کسی بھی بڑے ایونٹ میں کامیابی کے لیے پاکستانی بیٹنگ لائن کو اپنی ذمے داری نبھانی ہوگی۔

بیٹسمینوں نے ایک بار پھر غیر ذمہ داری کا مظاہر ہ کیا : مصباح الحق
(November 7, 2013)
ابوظہبی: پاکستان کرکٹ ٹیم کے کپتان مصباح الحق کا کہنا ہے کہ ابوظہبی ون ڈے میچ میں اوپنرز نے اچھا آغاز فراہم کیا مگر اختتام اچھا ثابت نہ ہوسکا۔۔ بیٹسمین ایک مرتبہ پھر ناکام رہے۔ جنوبی افریقہ کیخلاف تیسرے ون ڈے میچ میں شکست کے بعد انٹرویو دیتے ہوئے پاکستان کرکٹ ٹیم کے کپتان مصباح الحق نے کہا کہ ایک مرتبہ پھر پاکستانی بیٹسمینوں نے غیر ذمہ داری کا مظاہرہ کیا۔مصباح الحق کا کہنا تھا کہ آٹھویں وکٹ کی شراکت میں وہاب ریاض اور سہیل تنویر نے اچھی پارٹنر شپ قائم کی۔ کپتان مصباح الحق کے مطابق جنوبی افریقا جیسی ٹیم کو ہرانے کیلئے دو سو پچاس کے قریب رنز بنانا ضروری ہے تبھی انھیں شکست دی جاسکتی تھی۔

کولکتہ ٹیسٹ:بھارت کو ویسٹ انڈیز کیخلاف 120 رنز کی برتری
(November 7, 2013)
کولکتہ: کولکتہ ٹیسٹ میں روہیت شرما اور ایشون کی شاندر بیٹنگ بھارت کو ویسٹ انڈیز پر ایک سو بیس رنز کی برتری دلادی۔ ٹنڈولکرصرف دس رنز پر پویلین لوٹے۔ کول کتہ کے ایڈن گارڈنز اسٹیڈیم میں بھارت نے کھیل کے دوسرے روزاپنی ادھوری اننگز سینتیس رنز بغیر کسی نقصان کے شروع کی۔ ایک سو چھپن پر چھ وکٹیں گرنے کے بعد روہیت شرما اور ایشون نے ساتویں وکٹ کے لیے ایک سواٹھانوے رنز کی شراکت قائم کی۔ شرما نے کریئر کے پہلے ٹیسٹ میں سینچری بنائی وہ ایک سوستائیس رنز بناکر ناٹ آوٹ ہیں جبکہ ایشون کو سینچری کے لیے تیسرے روز صرف آٹھ رنز درکار ہوں گے۔ اس سے پہلے ٹنڈولکر دس، شیکھر دھون تئیس، مرلی وجے چھبیس، چتیش ور پجارا سترہ، ویرات کوہلی تین اور کپتان مہیندر سنگھ دھونی بیالیس رنز بناکر آوٹ ہوئے۔ ویسٹ انڈیز کے اسپنرشین شیلنگ فورڈ نے ڈیبیو ٹیسٹ میں چار کھلاڑیوں کا شکار کیا۔ بھارت نے دوسرے روز کے اختتام پر چھ وکٹ پر تین سو چون رنزبنالیے ہیں۔ جبکہ ویسٹ اندیز کی ٹیم پہلی اننگز میں دوسو چونتیس رنز بناکر آوٹ ہوئی تھی۔

چوتھے ون ڈے میں آج پاکستان اپنی بقا کی جنگ لڑے گا
(November 7, 2013)
ابوظہبی: پاکستان اور جنوبی افریقہ کے درمیان چوتھا ون ڈے آج (جمعہ) ابو ظہبی میں کھیلا جائے گا ،سیریز میں بقاکے لیے پاکستان کو لازمی فتح درکار ہے۔ پانچ میچوں کی سیریز میں جنوبی افریقہ کو دو ایک سے برتری حاصل ہے۔ دبئی میں کھیلے گئے پہلے میچ میں جنوبی افریقہ فاتح بنا تھا جبکہ دوسرا ون ڈے پاکستان نے جیت کر سیریز ایک ایک سے برابر کردیا لیکن ابوظہبی میں کھیلے گئے تیسرے ون ڈے میں پروٹیز نے پاکستان کو شکست دے کر سیریز میں ایک بار پھر سبقت لے لی ہے۔ سیریزمیں اب تک تمام میچوں میں کامیابی پہلی بیٹنگ کرنے والی ٹیم کے نام ہی رہی ہے۔ پاکستانی کپتان مصباح الحق کا کہنا ہے کہ کھلاڑیوں کو سیریز میں واپسی کے لیے اپنی ذمے داری نبھانی ہوگی۔ انہوں نے کہا کہ انہیں امید ہے کہ گرین شرٹس ضرور فائیٹ بیک کرے گی۔
