کراچی (پی پی آئی)مسلم لیگ ن سمیت دیگر سیاسی جماعتوں نے12اکتوبر کو یوم سیا ہ منا یا۔پی پی آئی کے مطابق12اکتوبر1999کو جنرل (ر)پرویز مشرف کی جانب سے منتخب وزیراعظم میاں نواز شریف کی حکومت کا تختہ الٹ کر اقتدار پر قبضہ کرنے کے واقعہ کے خلاف مسلم لیگ (ن) اوردیگر سیاسی جماعتوں نے یوم سیاہ منایا۔ اس حوالے سے سمیت ملک بھر میں تقریبات منعقد ہوئیں، پارٹی دفاتر پر سیاہ جھنڈے لہرائے گئے اورسیاسی کارکنوں نے بازوؤں پر سیاہ پٹیاں باندھ کر ریلیوں اور مظاہروں اور احتجاج میں شریک ہوئے۔
خواتین یونیورسٹی میں سالانہ رنگا رنگ اسپورٹس فیسٹول
آئی سی سی نے بنگلہ دیش کے تعصب کی تحقیقات شروع
پاکستان فٹ بال فیڈریشن کے زیر اہتمام پانچواںویمن فٹ بال ٹورنامنٹ
میامی ٹینس : سرینا ولیمز اور ماریا شراپواسیمی فائنل میں پہنچ گئیں
شماریات کو ملک میںتحقیقی سرگرمیوں کے لیے استعمال کیا جا سکتا ہے: بین الاقوامی شماریاتی کانفرنس
گیری کرسٹن کاانگلینڈ کر کٹ ٹیم کی کوچنگ سے انکار
تازہ ترین خبریں
- April 23, 2026
- April 22, 2026
اشتہار
تازہ ترین
مودی حکومت کی زیادتیوں کیخلاف اتوار کوبھارتی ہائی کمیشن لندن مظاہرہ کیاجائیگا
لندن (پی پی آئی) مقبوضہ کشمیر میں مودی حکومت کی زیادتیوں، انسانی حقوق کی خلاف ورزیوں،ہزاروں سیاسی کارکنوں کو جیلوں میں قید رکھنے، سکھوں، عیسائیوں اور مسلمانوں پر مظالم کے خلاف 15اکتوبر کو دن کے ایک بجے بھرپور پرامن احتجاجی مظاہرہ انڈین ہائی کمیشن کے سامنے کیا جائے گا،پی پی آئی کے مطابق مظاہرہ کے بعد انڈین ہائی کمیشن کو یادداشت بھی پیش کی جائے گی۔
قائمہ کمیٹی موسمیاتی تبدیلی سینیٹ کی کراچی آمد، تمر کے جنگلات کے تحفظ کی کوششوں کا معائنہ
کراچی (پی پی آئی)سینیٹ کی قائمہ کمیٹی برائے موسمیاتی تبدیلی نے کراچی میں ڈبلیو ڈبلیو ایف پاکستان کے ویٹ لینڈ سینٹر کا دورہ کیا، جہاں انہیں تمر کے جنگلات کے تحفظ سے متعلق بریفنگ دی گئی۔ ڈبلیو ڈبلیو ایف اور سندھ کے محکمہ جنگلات نے پاکستان میں تمر کے جنگلات میں نمایاں اضافہ کیا ہے۔تمر کے جنگلات قدرتی کاربن ڈوب کے طور پر کام کرتے ہیں اور سیلاب اور سمندری طوفان کے خلاف ساحلوں کے تحفظ میں دفاع کی پہلی لائن ہیں۔پی پی آئی کے مطابق ڈبلیو ڈبلیو ایف پاکستان کا مشن تمر کے جنگلات کے تحفظ، مقامی کمیونٹیز کو آمدنی کے متبادل ذرائع فراہمی، ماہی گیری کو تقویت، اور ایندھن کی لکڑی کے لیے مینگرووز پر انحصار کو کم کرنا ہے۔ محکمہ جنگلات سندھ کے نمائندوں میں ریاض واگن نے مینگروو پلانٹیشن اور کنزرویشن کی کوششوں پر حقائق اور اعداد و شمار اور تجزیہ پیش کیا۔۔ سینیٹر سیمی ایزدی، سینیٹر عابدہ عظیم، سینیٹر ڈاکٹر محمد ہمایوں مہمند، سینیٹر خالدہ اطیب، سینیٹر کیشو بائی، محترمہ وجیہہ ریاض اور آصف صاحبزادہ ڈی جی موسمیاتی تبدیلی، صدر ڈبلیو ڈبلیو ایف پاکستان ندیم خالد بھی گفتگو میں شریک تھے۔ بورڈ ممبر سارہ طاہر خان اور ڈبلیو ڈبلیو ایف پاکستان کے ڈائریکٹر جنرل حماد نقی خان نے میڈیا سے بات کرتے ہوئے، سینیٹ کی کمیٹی برائے موسمیاتی تبدیلی نے مینگرووز کے تحفظ کی کوششوں اور ایسے اقدامات کی حوصلہ افزائی کو سراہا۔
اداکارہ ریما کے گھر پر قبضہ کرنے والے 7افراد گرفتار
لاہور(پی پی آئی) اداکارہ ریما اور پروڈیوسر سخی سرور کے گھروں پر قبضہ کرنے کے الزام میں 7افراد کو گرفتار کر لیا گیا۔پی پی آئی کے مطابق گرفتار افراد میں 2خواتین بھی شامل ہیں جنہیں ڈی آئی جی آپریشنز اور ایس پی اقبال ٹا?ن کے حکم پر اقبال ٹا?ن پولیس کی طرف سے حراست میں لیا گیا ہے۔ رپورٹ کے مطابق ملزمان میں سے6 کی شناخت ارم، عبدالرحمن، مظہر، حسین، فہد اور مدثر کے ناموں سے ہوئی ہے۔ ایک خاتون کا نام سامنے نہیں آ سکا۔ گرفتار ملزمان مبینہ طور پر ڈکیتی، قتل، زمینوں پر قبضے اور ہوائی فائرنگ جیسی وارداتوں میں ملوث ہیں۔ان کے خلاف کئی پولیس تھانوں میں مقدمات درج ہیں۔ ملزمان کے قبضے سے اسلحہ بھی برآمد کیا گیا ہے۔
تلاش کریں
خبریں
خواتین یونیورسٹی میں سالانہ رنگا رنگ اسپورٹس فیسٹول
(March 27, 2014)
کراچی: کراچی میں نجی خواتین یونیورسٹی کے سالانہ رنگا رنگ اسپورٹس فیسٹول کا اختتام ہوگیا۔پانچ روزہ اسپورٹس فیسٹول کے اختتامی روز یونیورسٹی کی آرٹس اورڈی فارمیسی کی ٹیموں کے درمیان کرکٹ میچ کا فائنل کھیلا گیا، آرٹس نے جارحانہ بیٹنگ کرتے ہو ئے۔چھ اوورز میں نوے رنزبنائے۔ جواب میں فارمیسی کی ٹیم صرف پینسٹھ رنز بنا سکی۔ طالبات کا کہنا تھا کہ انھوں نے اسپورٹس فیسٹیول کے دوران خوب محظوظ ہوئیں۔ ایسے ایونٹ کا انعقاد ہوتے رہنا چاہیئے۔ تقریب کے اختتام پر فیسٹیول میں شریک ٹیموں نے مارچ پاسٹ کیا۔مہمان خصوصی سینیٹر نسرین جلیل نے فاتح ٹیموں میں میڈلزاور انعامات تقسیم کئے۔
آئی سی سی نے بنگلہ دیش کے تعصب کی تحقیقات شروع
(March 26, 2014)
دبئی: آئی سی سی نے ٹی ٹوئنٹی ورلڈ کپ کے دوران بنگلا دیش کی جانب سے دیگر ملکوں کے جھنڈے لہرانے پر پابندی کی تحقیقات شروع کر دی ہیں۔ٹی ٹوئنٹی ورلڈکپ کے میزبان ملک بنگلہ دیش کی طرف سے مہمان کھلاڑیوں کو سپورٹ سے روکنے کا سخت ردعمل سامنے آیا۔ انٹرنیشنل کرکٹ کونسل نے بھی معاملے کی تحقیقات شروع کر دی ہیں۔ آئی سی سی حکام کا کہنا ہے کہ کوئی بھی میزبان ملک کرکٹ شائقین کو اپنی رائے کے اظہار سے نہیں روک سکتا ، جنٹل مین کھیل کو سیاست کی نظر کرنے والوں کے خلاف سخت ایکشن لیا جائے گا۔
پاکستان فٹ بال فیڈریشن کے زیر اہتمام پانچواںویمن فٹ بال ٹورنامنٹ
(March 26, 2014)
کوئٹہ: کوئٹہ میں پاکستان فٹ بال فیڈریشن کے زیر اہتمام پانچواں ویمن فٹ بال ٹورنامنٹ کا آغاز ہو گیا ۔ ٹورنامنٹ کے راونڈ میچ میں بلوچستان یونائیٹڈ اور روشنی کلب کے درمیان مقابلہ ہوا، بلوچستان یونائیٹڈ نے روشنی کلب کو شکست دے دی۔ بلوچستان یونائیٹڈ کلب کے کھلاڑیوں نے مخالف ٹیم کے پے در پے گول کئے اور چار صفر سے میچ اپنے نام کرلیا۔ فاتح ٹیم کی جانب سے رفعت نے دو جبکہ فہمیدہ اور شیل نے ایک ایک گول کیا۔ویمن فٹ بال میچ کے مہمان خصوصی وزیر تعمیرات آغا عرفان کریم نے کھلاڑیوں کی کاکردگی کو سراہا۔ کو ئٹہ کے گرلز کالج میں جاری ایونٹ کا فائنل11 جون کو کھیلا جائے گا۔
میامی ٹینس : سرینا ولیمز اور ماریا شراپواسیمی فائنل میں پہنچ گئیں
(March 26, 2014)
میامی: امریکہ کی شہرت یافتہ ٹینس سٹار اور عالمی نمبر ایک سرینا ولیمز اور روسی ٹینس کوئین ماریا شیرا پووا میامی ماسٹرز ٹینس ٹورنامنٹ کے ویمنز سنگلز کے سیمی فائنل میں پہنچ گئیں ۔ میامی ٹینس میں ویمنز سنگلز مقابلوں کے کوارٹر فائنل میں عالمی نمبر ایک امریکا کی سرینا ولیمز نے شاندار کارکردگی کا مظاہرہ کرتے ہوئے جرمنی کی ففتھ سیڈڈ ایجلی کیوکربر کو سٹریٹ سیٹس میں 6-2 اور 6-2 سے ہرا کر ایونٹ کے سیمی فائنل میں پہنچ گئیں۔ ایک اور میچ میں روسی ٹینس کوئین ماریا شیراپووا نے عمدہ کارکردگی کا مظاہرہ کرتے ہوئے جمہوریہ چیک کی پیٹرا کویٹوا کو سٹریٹ سیٹس میں 7-5 اور 6-1 سے ہرا کر ایونٹ کے سیمی فائنل کے لیے کوالیفائی کرلیا۔ مردوں کے چوتھے راﺅنڈ میں ٹاپ سیڈ سپین کے رافیل نڈال نے اٹلی کے فابیو فوجنینی کوجبکہ سربیا کے سیکنڈ سیڈڈ نوویک جوکووچ نے سپین کے ٹومی روبریڈو کو شکست دیتے ہوئے ایونٹ کے ٹاپ 8 کے لیے کوالیفائی کرلیا۔ انگلینڈ کے اینڈی مرے نے فرانس کے جو ویلفرائیڈ سونگا کو سٹریٹ سیٹس مات دی۔ جاپان کے کی نیشیکوری نے سپین کے فورتھ سیڈڈ ڈیوڈ فیرر کو اور یوکرائن کے الیگزینڈر ڈولگوپولو نے تھرڈ سیڈ سوئٹزرلینڈ کے سٹانسلاس وارینکا کو شکست دیکر ایونٹ سے باہر کر دیا۔ جمہوریہ چیک کے ٹامس برڈوچ نے امریکہ کے دراز قد جان اسنر کو ہرا کر ایونٹ کے کوارٹر فائنل کے لیے کوالیفائی کر لیا۔
شماریات کو ملک میںتحقیقی سرگرمیوں کے لیے استعمال کیا جا سکتا ہے: بین الاقوامی شماریاتی کانفرنس
(March 26, 2014)
کراچی: ڈاﺅ یونیورسٹی آف ہیلتھ سائنسز میں جاری تین روزہ بین الاقوامی شماریاتی سائنس کانفرنس آج اختتام پذیر ہوئی۔کانفرنس میں ماہرین اور مقررین نے شعبہ طب میں شماریاتی تحقیق کو ملک میں مختلف بیماریوں پر قابو پانے کی حکمت عملی ترتیب دینے کے لیے وقت کی اہم ضرورت قرار دیا اور کہا کہ اس ضمن میںنہ صرف شماریاتی تحقیق سے بھرپور استفادہ کیا جاسکتا ہے بلکہ ملک میں صحت کے نظام کو بہتر بنانے اور ملکی ترقی کیلئے معاون ثابت ہو سکتی ہے۔اسلامی ممالک کی تنظیم برائے سوسائٹی آف شماریاتی سائنسز (ائی ایس او ایس ایس )نے پاکستان کو شماریات کے حوالہ سے بین الاقوامی برادری کے برابر لاکھڑا کیاہے ۔یہ کانفرنس ڈاﺅ یونیورسٹی نے اسلامی ممالک کی تنظیم برائے سوسائٹی آف شماریاتی سائنسز ، ہائر ایجوکیشن کمیشن، ڈی ایچ اے صفہ یونیورسٹی، کراچی یونیورسٹی، فیڈرل اردو یونیورسٹی اور پاکستان سائنس فاﺅنڈیشن کے باہمی اشتراک سے اوجھا کیمپس کراچی میں منعقد کی ۔ کانفرنس میں نیپال، ملائیشیا، چین، قطر اور دیگر مختلف ممالک سے ماہرین اور مقررین نے شمارتی سائنسز پر اپنے مقالوں سے شرکاءکوآگاہ کیا۔تقریب میںماہرین اور مقررین سمیت یونیورسٹی کے فیکلٹی اراکین سمیت طلباو طالبات نے بھرپور شرکت کی۔اس موقع پر ڈاﺅ یونیورسٹی کے وائس چانسلرپروفیسر مسعود حمید خان سمیت دیگر ماہرین نے اظہار خیال کیا۔ پروفیسر مسعود حمید خان نے کہا کہ شماریات کوملک میں پیدائش، اموات، مختلف بیماریوں اور اس پر قابو پانے کے ساتھ ساتھ تحقیقی سرگرمیوں میں بھی بروئے کار لایا جاسکتا ہے۔
گیری کرسٹن کاانگلینڈ کر کٹ ٹیم کی کوچنگ سے انکار
(March 26, 2014)
لندن: سابق جنوبی افریقن کوچ گیری کرسٹن نے انگلینڈ کر کٹ ٹیم کی کوچنگ سے معذرت کر لی۔ گیری کرسٹن کی اینڈی فلاور کی جگہ انگلینڈ کے کوچ بننے سے انکار کی وجہ انگلش بلے باز کیون پیٹر سن ہیں،کیونکہ انھیںپیٹر سن کو ٹیم میں منتخب کر نے کی اجازت نہیں دی گئی۔ گرسٹن کے انکار کے بعد محدود اوور ز میں انگلینڈ کی کوچنگ کے فرائض سر انجام دینے والے ایشلے جائلز ممکنہ طور پر اگلے کوچ ہوں گے ۔ کرسٹن آئی پی ایل میں دہلی ڈئر ڈیولز کی کوچنگ کے فرائض سرانجام دیںگے ، کرسٹن جنھوں نے انڈیا اور جنوبی افریقا کو اپنی بہترین کوچنگ کے ذریعے دنیا کی نمبر ون ٹیم بنا دیا تھاکی آئی پی ایل میں نو لاکھ پونڈ میںنیلامی ہوئی تھی، ان کی خواہش پر ہی پیٹر سن کو دہلی کا کپتان مقرر کیا گیا ۔