ریاض (پی پی آئی) مسلم لیگ ن کے سنئیر رہنما اور سابق وزیرِ مملکت برائے پانی و بجلی عابد شیر علی ادائیگی عمرہ کیلئے لندن سے سعودی عرب پہنچ گئے ہیں سعودی دارالحکومت ریاض پہنچنے پر مسلم لیگ ن سعودی عرب کے عہدیداروں نے عابد شیر علی کا استقبال کیا۔
ٓیورپ کیلئے آئی پی ایل کے نشریاتی حقوق برطانوی چینل نے خرید لئے
انگلش ویمن آل راﺅنڈر ایرن برنڈل انٹرنیشنل کرکٹ سے ریٹائر
ویلنگٹن ٹیسٹ : کیویز نے چھ وکٹ پر 571رنز بنالیے
نویں چولستان جیپ ریلی کا فائنل نادر مگسی نے جیت لیا
ٹی 20ورلڈ کپ کیلئے بنگلہ دیش کے مینز اور ویمنز ٹیموں کا اعلان
ایشیا کپ کی تیاری کیلئے قومی کرکٹرز کے کنڈیشنگ کیمپ کا آغاز
تازہ ترین خبریں
- April 23, 2026
- April 22, 2026
اشتہار
تازہ ترین
میثاق جمہوریت کے بعد بھی میاں صاحب نے معاہدے کی خلاف ورزیاں کیں:خورشید شاہ
کراچی (پی پی آئی)پیپلز پارٹی کے سینئر رہنما اور سابق وفاقی وزیر خورشید شاہ نے کہا ہے کہ میثاق جمہوریت کے بعد بھی میاں صاحب نے معاہدے کی بہت خلاف ورزی کی، 2014 میں ہم نے میثاق جمہوریت کا پاس رکھا، اپوزیشن میں رہتے ہوئے جمہوریت کا دفاع کیا۔پی پی آئی کے مطابق انہوں نے کہا کہ ہم لیول پلیئنگ فیلڈ اس لیے (ن) لیگ سے مانگ رہے ہیں کہ ان کے 7 سینئر اور ایکٹیو ممبر بیوروکریسی میں ہیں، سب کو حق ہے کسی کے ساتھ بھی اتحاد کرے۔خورشید شاہ کا کہنا تھا کہ ترقیاتی اسکیمیں اس وقت صرف پنجاب اور کے پی میں چل رہی ہیں، یہ زیادتی ہے کہ نگران حکومت آتے ہی سندھ میں ترقیاتی کام روک دیے گئے۔
ہم ذرا اولڈ فیشن ججز ہیں، مکمل دستاویزات دیکھیں گے:چیف جسٹس فائز عیسیٰ
اسلام آباد (پی پی آئی) سپریم کورٹ نے مکمل دستاویزات پیش نہ کرنے پر وکیل کو 2 ہزار جرمانہ کر دیا۔پی پی آئی کے مطابق چیف جسٹس قاضی فائز عیسیٰ نے انکم ٹیکس کیس میں سماعت کے دوران اپنے ریمارکس میں کہا کہ ہم ذرا اولڈ فیشن ججز ہیں، مکمل دستاویزات دیکھیں گے۔ انہوں نے وکیل سے استفسار کیا کہ آپ کے ساتھ ریونیو کا کوئی وکیل نہیں آیا جس پر درخواست گزار کے وکیل نے کہا کہ جی میرے ساتھ کوئی نہیں آیا۔ چیف جسٹس کا کہنا تھا کہ ہم نے کہا انکم ٹیکس کیس متعلقہ ڈپارٹمنٹ کا بندہ ساتھ ہونے تک چل سکتا ہے۔ عدالت کو معاونت ملتی نہیں اور کہتے ہیں کیس پر سپریم کورٹ کا اسٹے ہے۔ سپریم کورٹ نے ان لینڈ ریونیو کو نوٹس جاری کر دیا اور دستاویزات مکمل نہ ہونے پر وکیل کو بھی جرمانہ کیا۔
آئین پر عمل درآمد نہیں کیا جا رہا، ملک بے آئین چل رہا ہے: لطیف کھوسہ
اسلام آباد (پی پی آئی)پاکستان تحریکِ انصاف کے چیئرمین عمران خان کے وکیل لطیف کھوسہ نے کہا ہے کہ آئین پر عمل درآمد نہیں کیا جا رہا، ملک بے آئین چل رہا ہے۔ میڈیا سے گفتگو کرتے ہوئے تحریکِ انصاف کے چیئرمین کی ضمانت سے متعلق لطیف کھوسہ کا کہنا ہے کہ اگر چالان پیش کر دیا جاتا تو آج چیئرمین پی ٹی آئی کی ضمانت ہو جاتی،انہوں نے کہا ہے کہ ایف آئی اے نے آج کیس کا چالان جمع نہیں کیا، چیئرمین پی ٹی آئی کے جوڈیشل ریمانڈ میں 14 دن کی توسیع کر دی گئی ہے۔ لطیف کھوسہ نے کہا ہے کہ چیئرمین پی ٹی آئی ڈٹے ہوئے ہیں، تحریری حکم نامہ کے بعد اڈیالہ منتقل کیا جائے گا، انہیں ایک دن بھی جیل میں رکھنا قوم کی توہین ہے، آج چیئرمین تحریکِ انصاف کو بری کر دینا چاہیے تھا۔ اْن کا کہنا ہے کہ ذوالفقار علی بھٹو نے بھی راجہ بازار میں صفحہ لہرایا تھا کہ امریکا نے انہیں دھمکی دی تھی، بھٹو نے بھی ہنری کسنجر کی دھمکی سے قوم کو آگاہ کیا تھا۔ لطیف کھوسہ کا کہنا ہے کہ سائفر کا ترجمہ نیشنل سیکیورٹی میٹنگ میں سب کے پاس تھا، کابینہ ممبران کو سائفر کی کاپی بھی دی جاتی ہے، عدالتیں احکامات دیتی ہیں لیکن ان پر عمل نہیں کیا جاتا۔ انہوں نے یہ بھی کہا ہے کہ پرویز الہٰی کی کتنی بار ضمانتیں ہوئیں لیکن وہ تاحال گرفتار ہیں۔
تلاش کریں
خبریں
ٓیورپ کیلئے آئی پی ایل کے نشریاتی حقوق برطانوی چینل نے خرید لئے
(February 18, 2014)
بنگلور: آئی پی ایل کے یورپ کے لئے تین سالہ نشریاتی حقوق برطانوی اسپورٹس چینل نے حاصل کرلیے ۔ اسکائی تی انگلینڈ ،آئرلینڈ ،جزیرہ آئس لینڈ آف مین کے علاوہ یورپین ممالک میں انٹرنیٹ اور موبائل کے ذریعے بھی آئی پی ایل دکھانے کا ذمہ دار ہوگا ۔
انگلش ویمن آل راﺅنڈر ایرن برنڈل انٹرنیشنل کرکٹ سے ریٹائر
(February 18, 2014)
لندن: انگلش ویمن آل راﺅنڈر ایرن برنڈل نے انٹرنیشنل کرکٹ سے ریٹائرمنٹ کا اعلان کردیا ۔ برنڈل نے 1999میں انگلینڈ کی جانب سے انٹرنیشنل کیریئر کا آغاز کیا اور اس عرصے میں 11ٹیسٹ ،88ون ڈے اور 35ٹی ٹوئنٹی میچوں میں شرکت کی ۔ وہ تین مرتبہ ایشز سیریز کی فاتح ٹیم میں بھی شامل تھیں ۔ برنڈل پہلی خاتون انگلش کرکٹر ہیں جنہوں نے 2011کے میں مینز پریمیئر لیگ میں سنچری بنائی تھی ۔
ویلنگٹن ٹیسٹ : کیویز نے چھ وکٹ پر 571رنز بنالیے
(February 17, 2014)
ویلنگٹن: ویلنگٹن ٹیسٹ میں چوتھے روز کھیل کے اختتام پر میزبان کیویز نے چھ وکٹ پر 571 رنز کے ساتھ بھارت پر اپنی گرفت مضبوط کر لی۔برینڈن میکولم نے بھارتی بولرز کو دن میں تارے دکھا دیئے۔320 رنز کی برتری دلانے میں اہم کردار ادا کرنیوالے کیوی ہیرو نے واٹلنگ کے ساتھ پارٹنرشپ کا نیا عالمی ریکارڈ بنایا۔ویلنگٹن میں ہونیوالے سیریز کے دوسرے میچ کے چوتھے روز بھی برینڈن کا بلا خوب چلا۔میکولم نے ٹیسٹ کیریر کی مسلسل دوسری ڈبل سنچری سکور کی۔وہ کیرئیربیسٹ بیٹنگ کرتے ہوئے 281 رنز کے ساتھ کریز پر موجود ہیں۔میکولم اور واٹلنگ نے ٹیسٹ کرکٹ میں چھٹی وکٹ پر 352 رنز کی پارٹنرشپ بنا کر عالمی ریکارڈ بریک کیا جو اس سے پہلے 351 رنز کے ساتھ سری لنکا کے پاس تھا۔واٹلنگ کیرئیر کی تیسری سنچری مکمل کر کے 124 رنز پر آوٹ ہوئے۔دن کے اختتام پر میکولم کے ساتھ جمی 67 رنز پر ناٹ آوٹ ہیں ، اس سے پہلے بھارتی ٹیم پہلی اننگز میں 438 رنز بنائے تھے۔
نویں چولستان جیپ ریلی کا فائنل نادر مگسی نے جیت لیا
(February 17, 2014)
چولستان: نویں چولستان جیپ ریلی کے فائنل راﺅنڈ میں اے کٹیگری کے مقابلوں میں نادر مگسی نے 220 کلومیٹر کا فاصلہ 2 گھنٹے 15 منٹ میں طے کر کے چیمپئن شپ جیتنے کا اعزاز حاصل کر لیا۔جیپ ریلی کے فائنل راﺅنڈ میں 85 گاڑیوں نے حصہ لیا جسے اے، بی، سی، ڈی، ایس ون اور ایس ٹو میں تقسیم کیا گیا۔ اے کٹیگری میں شامل نادر مگسی نے اپنے حریف سابق چیمپئن قاسم سعدی کو شکست دے دی۔ جیپ ریلی کے موقع پر لوگوں میں زبردست جوش و خروش دیکھا گیا۔ غیر ملکیوں سمیت شائقین کی بڑی تعداد سنسنی خیز مقابلوں سے محظوظ ہوتی رہی۔
ٹی 20ورلڈ کپ کیلئے بنگلہ دیش کے مینز اور ویمنز ٹیموں کا اعلان
(February 17, 2014)
ڈھاکہ: ٹی 20 ورلڈ کپ کے لیے بنگلہ دیش کرکٹ بورڈ نے مینز اور ویمنز کے 15,15 رکنی اسکواڈ کا اعلان کر دیا۔چیف سلیکٹر فاروق احمد نے سری لنکا کے خلاف ہوم سیریز میں متاثر کن پرفارمنس دینے والے صابر رحمان اور شبیر حسین کو منتخب کر لیا۔عرفات سنی کو ڈراپ کر کے فٹ ہونیوالے ا سپنر عبدالرزاق کو شامل کیا گیا ہے۔ورلڈ کپ میں مشفق الرحیم مینز ٹیم کی قیادت کریں گے جبکہ میزبان ویمن ٹیم کے 15 رکنی سکواڈ میں سلمہ خاتون کو کپتان برقرار رکھا گیا ہے۔
ایشیا کپ کی تیاری کیلئے قومی کرکٹرز کے کنڈیشنگ کیمپ کا آغاز
(February 17, 2014)
لاہور: ایشیا کپ کی تیاری کیلئے قومی کرکٹ ٹیم کا مختصر کنڈیشنگ کیمپ آج (منگل) سے لاہور میں شروع ہوگا۔ہیڈ کوچ معین خان کی نگرانی میں شروع ہونے والے چار روزہ کنڈیشنگ کیمپ میں کپتان مصباح الحق سمیت 15کھلاڑی آج رپورٹ کریں گے۔کھلاڑیوں کو صبح اور شام سیشنز میں نیشنل کرکٹ اکیڈمی اور قذافی اسٹیڈیم میں فزیکل ٹریننگ کے علاوہ فیلڈنگ،باولنگ اور بیٹینگ کی پریکٹس کرائی جائے گی جبکہ ٹارگٹ میچز بھی کھیلے جائیں گے۔کیمپ 21 فروری کو ختم ہوگا اورقومی اسکواڈ 22 فروری کی صبح لاہور سے دبئی کے راستے بنگلہ دیش روانہ ہوگا جہاں 25فروری سے ایشیا کپ کا آغاز ہوگا۔دفاعی چیمپئن پاکستان اسی روز سری لنکا کے خلاف اپنی مہم جوئی کا آغاز کرے گا۔