کولالمپور: افغانستان نے کرکٹ کے میدان میںتیزی سے ترقی کر نے اور پہلی بارایک روزہ کرکٹ ورلڈ کپ 2015ءکے لئے کوالیفائی کر نے پرلورئس اسپرٹ آف اسپورٹس” کا ایوارڈ جیت لیا۔ افغانستان کی ٹیم نے اس کے علاوہ دو ٹی ٹوئنٹی ورلڈ کپ کے لیے بھی کوالیفائی کرچکی ہے جبکہ اب ٹیسٹ نیشن سے باہر مضبوط ٹیموں میںان کا شمار ہوتاہے ۔ ملائیشیا کے دارالحکومت کوالالمپور میں منعقد ہ لورئس اسپورٹس ایوارڑ کی تقسیم کی تقریب میں کہا گیا کہ افغانستان نے کرکٹ کے میدان میں کامیابیوں کے حصول سے پوری کرکٹ کی دنیا میں اپنی پہچان بنا لی ہے ۔ تقریب میں افغان نوجوان کھلاڑیوں کا میدان میں جوش وخروش اور ناقابل تسخیر ٹیموں کے خلاف شاندار کار کردگی کی کہانی بار بارسنائی گئی ۔ ایوارڑکھلاڑیوں کی عدم موجودگی پر افغانستان کر کٹ بورڑ کے سر براہ نور محمد نے وصول کیا۔نورمحمد نے اس موقع پر کہا کہ ہمیں اسپرٹ آف اسپورٹس کا ایوارڑ حاصل کرنے پر فخر ہے، انھوں نے کہا کہ یہ ایوارڑ کھلاڑیوں ، انتظامیہ ، بورڑ کی جانب سے پچھلے ایک سال کے دوران ہمارے ملک میں کرکٹ کی ترقی کے لیے کی گئی محنت کا اعترافی ثبوت ہے۔ نورمحمد نے مزید کہا کہ کرکٹ ہمارے ملک کے لیے گیم سے بڑھ کر ہے ، کرکٹ ہمارے ملک میں امن ، بھائی چارہ اور ترقی کے لیے ایک کارآمد جز کی حیثیت رکھتی ہے اور مجھے پوری امید ہے کہ یہ ایوارڑ ہمیں اپنے ملک میں کرکٹ کی ترقی اور اس کے مثبت اثرات کے پھیلاﺅ کے لیے ایک تحریک کا باعث ہوگا۔ واضح رہے ہر سال منعقد ہونے والے لورئس ایوارڑ کو آسکر ز آف اسپورٹس بھی کہاجاتاہے ، جوکھیل کے میدان میں عظیم کارنامے انجام دینے والوں کے نام منعقدکیا جاتاہے، گذشتہ سال یہ ایوارڑ آسٹریلوی کرکٹ ٹیم کے سابق کپتان اسٹیووا کی ٹیم کو دیا گیا تھا جسے ٹیم آف 2002کا نام دیا گیا تھا۔

کراچی: قومی کرکٹ ٹیم کے سابق کپتان اور مایہ ناز بیٹسمین جاوید میانداد نے کہاہے کہ موجودہ قومی ٹیم کو چاہیے کہ ورلڈ کپ 1992کی تاریخ دہرانے کی کوشش کرے۔ میانداد نے کہا کہ 1992ورلڈ کپ کی جیت ہمارے ملک کے لیے 1947کی آذادی کے بعد دوسری بڑی جیت تھی ۔ میانداد نے قومی ٹیم کو ہدایت کی کہ وہ ورلڈ کپ92ءکے جوش کو مدنظر رکھیں اورٹیم کو اسی جوش وخروش اور اسپرٹ کی ضرورت ہے تاکہ ورلڈ کپ ٹی ٹوئنٹی جیتا جا سکے۔ میانداد نے قومی ٹیم کو خبردار کیا کہ اس بات کو ذہن میں رکھیں کہ ریٹ ریٹ اور اوسط بہت ذیادہ اہمیت رکھتاہے اگراگلے مرحلے کے لیے کوالیفائی کرنے کے لیے پوائنٹس ٹیبل پر اس کا دوسری ٹیموںکے ساتھ موازانہ کیا گیا، انھوں نے مزید کہاکہ پاکستان کو جیت کے لیے بیٹنگ میں مستقل مزاجی دکھانا ہوگی اور بولر اور فیلڈرز کو مخالف ٹیم کے رنز روکنا ہوں گے۔

نیو دہلی: آئی پی ایل میں میچ فکسنگ کے حوالے سے دیے گئے دھونی کے بیان کو جھوٹا قرار دیا گیا۔ انڈین ذرائع کے مطابق بھارتی کرکٹ ٹیم کے کپتان مہندرا سنگھ دھونی بھی قصور وار بن گئے ہیں۔ بھارتی ذرائع کے مطابق دھونی نے آئی پی ایل فکسنگ اسکینڈل کے دوران غلط بیان دیا تھا، اور اس بات پر اصرار کیا گیا ہے کہ بھارتی کرکٹ ٹیم کے کپتان مہندرا سنگھ دھونی آل انڈیا سیمنٹ کے ملازم ہیں اور سری نواسن اس کے مالک ہیں۔