کراچی: ڈاکٹر محمد علی شاہ فری کرکٹ کوچنگ کیمپ کا آغاز یکم جون سے اصغر علی شاہ اسٹیڈیم میں ہوگا۔کیمپ میں 8سے 16سال کے کھلاڑی حصہ لے سکتے ہیں۔کیمپ کا انعقادا صغر علی شاہ میموریل اسپورٹس فاﺅنڈیشن کے تحت کیا جا رہا ہے۔اصغر علی شاہ فاﺅنڈیشن کے سربراہ جنید علی شاہ نے آرگنائزنگ کمیٹی قائم کردی ہے۔سابق انٹرنیشنل کرکٹر جاوید قدیر کیمپ کے ہیڈ کوچ جبکہ سابق فرسٹ کلاس کرکٹر مطاہر شاہ،علی گوہر اور محمد جاوید معاونین کوچز ہوں گے۔کیمپ میں رجسٹریشن کی آخری تاریخ 20مئی ہے۔

لاس اینجلس: امریکی باسکٹ بال میں لاس اینجلس کلیپرز نے گولڈن اسٹیٹ وارئیر کو شکست دے کردوسرے مرحلے میں جگہ پکی کر لی۔اسٹیٹ وارئیرز نے لاس اینجلس کے خلاف شروع میں32-22 کی برتری حاصل کرلی، دوسرے کوارٹر میں کلیپرز 34-32کے فرق سے گیم میں واپس آگئے، تیسرے کوارٹر میں کلیپرز نے32-20سے برتری حاصل کرلی تاہم چوتھے اور آخری کوارٹر میںدونوں ٹیموں نے خوبصورت کھیل کا مظاہر ہ کیا لیکن لاس اینجلس کی ٹیم نے سنسنی خیزمقابلے کے بعد39-37سے جیت سمیٹی اور ٹورنامنٹ کے اگلے مرحلے این بی پی کے لیے بھی کوالیفائی کر لیا۔

ہانگ کانگ: ہانگ کانگ میں منعقدیہ گھڑ دوڈجنوبی افریقا کے ہارس آف دی ائر نے جیت لی۔ہانگ کانگ گھڑ دوڈ کی تاریخ میں پہلی دفعہ کسی بیرون ملکی گھوڑے نے ریس جیت لی ہے۔جنبی افریقی گھوڑے ورائٹی کلب کے چھے سالہ گھوڑے نے نئی تاریخ رقم کی، جبکہ یہ دودفعہ جنوبی افریقا ہارس آف دی ائر کا ایوارڑ بھی جیت چکا ہے۔ ریس میں سخت مقابلہ دیکھنے کو ملا لیکن جب تین سو میٹرکا فاصلہ رہ گیا تو ورائٹی کلب نے دیگر گھوڑوں کو پیچھے چھوڑتے ہوئے سب پر بازی لے گیا۔ چھ سالہ گھوڑے ورائٹی کلب نے مقررہ فاصلہ ایک گھنٹہ 34 منٹ اور گیارہ سیکنڈمیں طے کیا،ورائٹی کلب کے جوکی اور ٹرینر ڈی کوک ہیں۔

کراچی: بعد قومی اسنوکر ٹیم ایشین اسنوکر چیمپئن شپ میں شرکت کے بعدوطن واپس پہنچ گئی۔فجیرہ میں کھیلی گئی ایشین اسنوکر چیمپئن شپ میں پاکستانی کیوئسٹ کوارٹر فائنل سے آگے نہ بڑھ سکے ۔کراچی ایئر پورٹ پر قومی ٹیم کے دو کھلاڑیوں امجد اقبال اور محمد آصف ٹوبہ نے ٹیم کی مایوس کن کارکردگی پرشدید افسوس کا اظہار کیا ۔ پاکستان اسنوکر اینڈ بلیئرڈ ایسوسی ایشن کے صدر عالمگیر شیخ نے صحافیوں سے گفتگوکرتے ہوئے کہا کہ آئندہ ماہ پاکستان اور ایران کے درمیان اسنوکر سیریز منعقد ہوگی۔