روٹرڈیم:سوئٹزرلینڈ کے ٹینس اسٹار اسٹین واورینکانے نے جمہوریہ چیک کے ٹوماس بریڈیچ کو ورلڈٹینس ٹورنامنٹ کے فائنل میں شکست دے کرٹائٹل اپنے نام کرلیا۔ عالمی نمبرسات واورینکانے بریڈیچ کو فائنل میں 6-4،3-6اور4-6سے زیر کرکے نیدرلینڈ کے شہر روٹرڈیم میں اپنا پہلا ٹائٹل حاصل کرلیا۔2015میںواورینکا کا یہ دوسراٹائٹل جبکہ اے ٹی پی مقابلوں میں یہ نواں ٹائٹل ہے،واورینکانے گزشتہ ماہ چنائی اوپن میں کامیابی حاصل کی تھی۔واورینکانے اپنی کامیابی پر خوشی کااظہارکرتے ہوئے کہاکہ میں ٹورنامنٹ کی اہمیت کو جانچنے کے لیے بڑے ناموں کو دیکھتاہوں جس سے ٹورنامنٹ کی اہمیت کی تصدیق ہوتی ہے۔

ممبئی:بھارتی کرکٹ ٹیم کے سابق لیجنڈری بیٹسمین سچن ٹنڈولکرنے مداحوں کو ورلڈکپ میں ٹیم کی حوصلہ افزائی کرنے کے لیے ایم آر ایف کمپنی کے تعاون سے نیاموبائل ایپ تیار کردیا۔ٹنڈولکرکاتیارکردہ موبائل ایبپ رائیڈالانگ کرکٹ فین اینڈرائیڈاور آئی اوایس نظام دونوں میںکارآمد ہوگا۔ موبائیل ایپ کی مدد سے بھارتی ٹیم کے مداح کہیں سے بھی میچ براہ راست دیکھ سکیں گے۔ ایم آر ایف کے نائب صدر کاکہناہے کہ گزشتہ ورلڈکپ میں بھارتی شائقین کو ہوم گراﺅنڈ میں یہ سہولت حاصل نہیںتھی جس کے باعث کئی اہم میچ براہ راست دیکھ نہیں پائے تھے۔

دبئی:عالمی نمبرایک ٹینس اسٹار سریناویلمزاور یوگینی بوچارڑدبئی ٹینس چمپینزشپ سے باہر ہوگئیں۔دبئی ٹینس چمپینزشپ کی انتظامیے نے کہاہے کہ آسٹریلین اوپن چمپین ا مریکا کی سریناویلمزاور کینیڈا کی یوگینی بوچارڑ ایونٹ سے دست بردار ہوگئی ہیں،سریناویلمز مسلسل چھٹی دفعہ آسٹریلین اوپن کی کامیابی کے بعد گزشتہ ہفتے کھانسی کے فیڈکپ سے بھی دست بردارہوگئی تھیں تاہم یوگینی بوچارڑ نے دست برداری کی وجوہات سے آگاہ نہیں کیاہے۔سریناکی بہن وینس ویلمز ٹائٹل کا دفاع کریں گی ۔ دبئی ٹینس چمپینزشپ 15سے21 فروری تک جاری رہے گا۔