لندن: انگلش فٹبال کلبچیلسی نے اسٹوک سٹی کوایک صفرسے شکست دیکرایف اے فٹبال کپ کے پانچویں راﺅنڈ کیلئے کوالیفائی کرلیا۔انگلش کلب چیلسی نے اسٹیم فورڈ برج پرکھیلے گئے میچ میں اسٹوک سٹی کوایک صفرسے شکست دیکرکوچ ہوزیمورینیوکو سالگرہ کا شاندارتحفہ دیا۔ چیلسی کوآخری 16 ٹیموں میں جگہ بنانے کیلئے بڑے مارجن سے کامیابی درکارتھی لیکن اس کے فارورڈزنے گول کرنے کے کئی مواقع ضائع کئے۔ برازیلین مڈفیلڈرآسکرنے 28ویں منٹ میں فری کک پر30میٹرکی دوری سے گیند کوجال میں پہنچاکرٹیم کوبرتری دلادی جوکھیل ختم ہونے تک برقراررہی۔ چیلسی کی ٹیم پانچویں راﺅنڈ میں مانچسٹرسٹی کا مقابلہ کریگی جواس کیلئے کسی امتحان سے کم نہیں کیونکہ مانچسٹرسٹی کی ٹیم پورے سیزن کے دوران ہوم گراﺅنڈ پرایک بھی میچ نہیں ہاری۔

ویلنگٹن: نیوزی لینڈ نے بھارت کے خلاف دو ٹیسٹ میچوں کی سیریز کے لئے 13رکنی اسکواڈ کا اعلان کردیا ۔ سلیکٹرز نے ویسٹ انڈیز کو دو صفر سے ہرانے والی ٹیم میں کوئی تبدیلی نہیں کی تاہم جیسی رائیڈر کو روس ٹیلر کے بیک اپ کے طور پر ٹیم کے ساتھ رکھنے کا فیصلہ کیا ہے کیوں کہ ٹیسٹ سیریز کے دوران روس ٹیلر کے ہاں بچے کی پیدائش متوقع ہے ۔ کیوی اسکواڈ میں برینڈن ٹیلر (کپتان )،کورے اینڈرسن ،ٹرینٹ بولٹ ،ڈک بریسویل ،پیٹر فلٹن ،ہمیش ردر فورڈ ،جیسی رائیڈر ،ایش سودھی ، ٹم ساﺅتھی ،روس ٹیلر ،نیل وینگر ،بی جے واٹلنگ ،کین ولیمسن شامل ہیں ۔ دونوں ٹیموں کے درمیان پہلا ٹیسٹ 6فروری سے آکلینڈ میں کھیلا جائے گا ۔

لاس ویگاس: فلپائن کے باکسر مینی پیکیو اور ویلٹر ویٹ چیمپئن ٹیموتھی بریڈ لے کے درمیان ری میچ 12اپریل کو امریکی شہر لاس ویگا میں ہوگا ۔ یاد رہے کہ جون 2012میں مینی بیکیو کو بریڈ لے کے خلاف متنازع فیصلے کے باعث ناکامی کا سامنا کرنا پڑا تھا حالاں کہ شائقین اور ذرائع ابلاغ کا دعویٰ تھا کہ باکسنگ رنگ میں مینی پیکیو حاوی رہے تھے ۔