لاہور: پاکستان کرکٹ بورڈ کے ڈائریکٹر گیم ڈویلپمنٹ اور چیف سلیکٹر عامرسہیل نے پی سی بی کے میڈیکل پینل پر تحفظات کا اظہار کردیا ۔قومی ٹیم کے اکثر کھلاڑیوں کے فٹنس لیول کے حوالے سے چیف سلیکٹر شدید تحفظات کا شکار ہیں ۔ذرائع کے مطابق عامر سہیل پی سی بی کے میڈیکل پینل سے ناخوش ہیں ۔عامر سہیل کا خیال ہے کہ جنوبی افریقا کے خلاف ہوم سیریز اور دورہ جنوبی افریقا کے دوران زخمی ہونے والے کھلاڑیوں کو بھی تک بہتر طریقے سے ٹریٹ نہیں کیا گیا ہے ۔چیف سلیکٹر نے میڈیکل پینل کوہدایت کہ ہے کہ ان فٹ اور زخمی کھلاڑیوں کا فٹنس ٹیسٹ لیں تاکہ ایشیا کپ کی ٹیم کو حتمی شکل دی جاسکے ۔

میامی: سابق انگلش فٹ بال کپتان ڈیوڈ بیکہم نے عندیہ دیا ہے کہ وہ ریٹائرمنٹ ختم کرکے امریکا کے میجر لیگ ساکر ٹورنامنٹ میں اپنی نئی ٹیم میامی کی نمائندگی کرسکتے ہیں ۔بیکہم نے گزشتہ روز فلوریڈ ا میں اپنی فرنچائز ٹیم متعارف کرائی ہے ۔ ان کا کہنا ہے کہ میرا دل تو میدان میں اترنے کو تیا رہے لیکن میری ٹانگیں اجازت نہیں دے رہی ہیں ۔

لاہور: پاکستان کرکٹ بورڈ نے معین خان کو ہٹا کر سابق ٹیسٹ کرکٹر ذاکر خان کو قومی کرکٹ ٹیم کا منیجر مقرر کر دیا۔ پی سی بی کی جانب سے جاری کردہ پریس ریلیز میں نئے ٹیم منیجر کا اعلان کیا گیا ہے۔ ڈائریکٹر انٹرنیشنل کرکٹ ذاکر خان کو ٹیم کے منیجر کی اضافی ذمہ داری سونپ دی گئی ہے۔ سابق ٹیسٹ کرکٹر ذاکر خان ایشیا کپ اور ٹی 20 ورلڈ کپ کے لیے قومی ٹیم کے منیجر ہوں گے۔ نجم سیٹھی کے دور میں معین خان کو پہلے چیف سلیکٹر اور پھر بعد میں منیجر مقرر کیا گیا تھا۔ پی سی بی کے مطابق قومی ٹیم کے لیے کوچ کا اعلان 9 فروری کو ہو گا۔