پشاور(پی پی آئی)قتل کے مقدمہ میں گرفتار 12سال کی بچی کی درخواست ضمانت منظور کرلی گئی۔پی پی آئی کے مطابق پشاور ہائیکورٹ نے قتل مقدمہ میں گرفتار 12سال کی بچی کی درخواست ضمانت منظور کرلی، جسٹس شاہد خان نے بچی کو ضمانت پر رہا کرنے کا حکم دیدیا،پولیس کا کہناہے کہ ضلع بونیر میں بچی نے گھاس کاٹنے کے تنازعہ پر شہری گوہر علی کو قتل کیا تھا۔
پی سی بی کا آسٹریلیا اور نیوزی لینڈ بورڈزکو سیریز کھیلنے کیلئے خط
برینڈن میکولم ٹرپل سنچری داغنے والے پہلے کیوی کرکٹر بن گئے
جونیئر اسنوکر چیمپئن شپ : دفاعی چیمپئن محسن امین شکست کے بعد ایونٹ سے باہر
سری لنکن کرکٹ بورڈ نے بگ تھری کے سامنے گھٹنے ٹیک دیے
کلدیپ یادیو انڈ 19ورلڈ کپ میں ہیٹ ٹرک کرنے والے پہلے بھارتی باﺅلر بن گئے
کرکٹ ورلڈ کپ 2015: پاک بھارت میچ سب سے بڑا ایونٹ قرار
تازہ ترین خبریں
- April 22, 2026
اشتہار
تازہ ترین
2040 تک معمول سے زائد درجہ حرارت کے باعث پاکستان میں ڈیڑھ لاکھ اموات کا خدشہ
واشنگٹن/کراچی (پی پی آئی) 2030 کے اواخرتک دنیا بھر میں 50کروڑ افراد کو کم ازکم ایک ماہ کیلئے شدید ترین گرمی کا سامنا کرنا پڑے گا۔اس بات کا انکشاف امریکی اخبار واشنگٹن پوسٹ اور کاربن پلان کی تحقیقاتی رپورٹ میں کیا گیا ہے۔پی پی آئی کے مطابق رپورٹ میں انکشاف کیا گیا ہے کہ شدید گرمی کا سامنا کرنے والے ان 50کروڑ افراد میں سب زیادہ بھارت کی 27کروڑ کی آبادی متاثر ہوگی۔ اس کے علاوہ پاکستان میں بھی 19کروڑ افراد متاثر ہوسکتے ہیں۔ واشنگٹن پوسٹ اور کاربن پلان کی تحقیقاتی رپورٹ کے مطابق پاکستان اور بھارت کے وسیع علاقے شدید گرم اور مرطوب موسم میں ڈوب جائیں گے۔رپورٹ میں خبردار کیا گیا ہے کہ 2040 تک معمول سے زائد درجہ حرارت پاکستان میں ڈیڑھ لاکھ اموات کا سبب بن سکتا ہے۔واضح رہے کہ دنیا کے مختلف خطوں کو اس وقت ہیٹ ویوز کا سامنا ہے اور سائنسدانوں کے مطابق اس سال کا موسم گرما تاریخ کا گرم ترین ثابت ہوا ہے۔یہ پہلا سائنسی ڈیٹا ہے جس میں اس خیال کی تصدیق کی گئی کہ 2023میں شمالی نصف کرہ میں گرمی کی شدت بہت زیادہ رہی سائنسدانوں کے مطابق 2024 رواں سال سے بھی زیادہ گرم ثابت ہوگا کیونکہ ایل نینو کے اثرات زیادہ واضح ہو جائیں گے۔ایل نینو ایک ایسا موسمیاتی رجحان ہے جس کے نتیجے میں بحرالکاہل کے پانی کا بڑا حصہ معمول سے کہیں زیادہ گرم ہوجاتا ہے۔
نگراں وزیراعظم انوار الحق کاکڑ لندن سے کل وطن واپسی کیلئے روانہ ہوں گے
لندن (پی پی آئی)نگراں وزیراعظم انوار الحق کاکڑ دورہ امریکا کے بعد لندن میں تین دن قیام کے بعد27ستمبر کو وطن واپسی کیلئے روانہ ہوں گے۔پی پی آئی کے مطابق نگراں وزیراعظم انوار الحق کاکڑ کے برطانوی میڈیا کے ساتھ متعدد انٹرویوز طے ہیں جن میں وہ کشمیر پر پاکستان کے موقف اور ملک کی معاشی صورتحال سمیت دیگر ایشوز پر گفتگو کریں گے نیز برطانیہ میں مقیم پاکستانیوں،سرمایہ کاروں اور ارکان پارلیمنٹ سے ملاقاتیں بھی طے ہیں۔
دلائل ایک زبان میں دیں،اپنی اردو بہتر کریں یا انگریزی:چیف جسٹس پاکستان کی وکیل کو سرزنش
اسلام آباد (پی پی آئی)چیف جسٹس قاضی فائز عیسیٰ نے اراضی کیس میں وکیل کی سرزنش کردی، چیف جسٹس پاکستان نے ریمارکس دیتے ہوئے کہاکہ اپنے ذہن سے یہ تصور نکال دیں کہ سپریم کورٹ جا کر تاریخ لے لیں گے۔پی پی آئی کے مطابق سپریم کورٹ میں اراضی تنازع کیس میں چیف جسٹس قاضی فائز عیسیٰ نے وکیل کی سرزنش کردی،چیف جسٹس کی سربراہی میں تین رکنی بنچ نے تاریخ دینے کی استدعا مسترد کردی۔چیف جسٹس پاکستان نے ریمارکس دیتے ہوئے کہاکہ اپنے ذہن سے یہ تصور نکال دیں کہ سپریم کورٹ جا کر تاریخ لے لیں گے،باقیوں کیلئے بھی یہ پیغام ہے کہ تاریخ لینے والا رحجان اب نہیں چلے گا، سپریم کورٹ میں زیرالتوا مقدمات کی تعداد کافی زیادہ ہے،یہاں تو ایک تاریخ پر نوٹس اور اگلی تاریخ پر دلائل ہو جانے چاہئیں۔چیف جسٹس نے وکیل سے مکالمہ کرتے ہوئے کہاکہ دلائل بھی ایک زبان میں دیں،اپنی اردو بہتر کریں یا انگریزی۔
تلاش کریں
خبریں
پی سی بی کا آسٹریلیا اور نیوزی لینڈ بورڈزکو سیریز کھیلنے کیلئے خط
(February 18, 2014)
لاہور: پاکستان کرکٹ بورڈ نے آسٹریلیا اور نیوزی لینڈ کو سیریز کھیلنے کے لیے خط لکھ دیا۔ ذرائع کے مطابق پی سی بی نے دونوں کرکٹ بورڈز سے عالمی کرکٹ کپ 2015 سے پہلے ون ڈے سیریز کھیلنے کی درخواست کی ہے۔ پی سی بی ذرائع کا کہنا ہے کہ میگا ایونٹ کی تیاری کے لیے پاکستان دونوں ٹیموں سے سیریز کھیلنا چاہتا ہے۔ ورلڈ کپ آئندہ سال نیوزی لینڈ اور آسٹریلیا میں شیڈول ہے۔
برینڈن میکولم ٹرپل سنچری داغنے والے پہلے کیوی کرکٹر بن گئے
(February 18, 2014)
ویلنگٹن: برینڈن میکولم ٹیسٹ میچ میں ٹرپل سنچری بنانے والے نیوزی لینڈ کرکٹ ٹیم کے پہلے کھلاڑی بن گئے۔ نیوزی لینڈ کرکٹ ٹیم کے کپتان برینڈن میکولم بھارت کے خلاف دوسرے ٹیسٹ میچ کے آخری روز شاندار کھیل کا مظاہرہ کرتے ہوئے 302 رن بنا کر آوٹ ہوئے۔ اس تاریخی موقع پر میکولم کے والد بھی اسٹیڈیم میں موجود تھے جنہوں نے ہزاروں افراد کے ہمراہ کھڑے ہو کر ریکارڈ بنانے پر بیٹے کو خراج تحسین پیش کیا۔ نیوزی لینڈ کی جانب سے سب سے زیادہ رنز بنانے کا اعزاز اس سے پہلے مارٹن کرو کے پاس تھا جب انہوں نے 1991 میں سری لنکا کے خلاف 299 رنز بنائے تھے۔
جونیئر اسنوکر چیمپئن شپ : دفاعی چیمپئن محسن امین شکست کے بعد ایونٹ سے باہر
(February 18, 2014)
کراچی: سندھ کے عثمان خان نے دفاعی چیمپئن محسن امین کو شکست دے کرچھٹی قومی جونیئراسنوکرچیمپئن شپ سے باہر کردیا۔ کراچی میں کھیلے جانے والے ایونٹ میں سندھ کے عثمان خان نے پنجاب کے دفاعی چیمپئن محسن امین کو دلچسپ مقابلے کے بعد تین دو فریم سے ہرایا۔ عثمان خان کی جیت کا اسکور62-54، 69-15،12-72، 19-73اور19-64 سے رہا۔ دیگر میچوں میں سندھ چیمپئن حارث ندیم، حنین عامر، عبدالرحیم ، شارق علی ، نعمان اقبال ، محمد فہیم، حمزہ اکبر، محمد فہد، محمد رفیق، محمد ابراہیم، عامر طارق جنید بابر ، سیف اللہ اورماجد علی نے بھی کامیابی حاصل کی۔
سری لنکن کرکٹ بورڈ نے بگ تھری کے سامنے گھٹنے ٹیک دیے
(February 18, 2014)
کولمبو: سری لنکا کرکٹ بورڈ کی ایگزیکٹیوکمیٹی نے بگ تھری کی حمایت کی منظوری دیدی۔ سری لنکا کرکٹ کے سیکریٹری نشانتھا رانا ٹنگا کہتے ہیں کہ اصولوں کی باتیں کرنے والے ہمیں پیسے نہیں دے سکتے۔سری لنکا کرکٹ کی ایگزیکٹیوکمیٹی کا اجلاس کولمبومیں ہوا۔ ایگزیکٹیوکمیٹی نے بھارت، آسٹریلیا اورانگلینڈ کرکٹ بورڈزکی جانب سے آئی سی سی کے گورننس، فنانس اورایف ٹی پی میں تبدیلیوں کے حوالے سے پیش کی گئی تجاویزکی حمایت کی منظوری دیدی۔
کلدیپ یادیو انڈ 19ورلڈ کپ میں ہیٹ ٹرک کرنے والے پہلے بھارتی باﺅلر بن گئے
(February 18, 2014)
دبئی: کلدیپ یادیو انڈر 19کرکٹ ورلڈ کپ میں ہیٹ ٹرک کرنے والے پہلے بھارتی باﺅلر بن گئے ۔ انہوں نے یہ کارنامہ دبئی میں جاری میگا ایونٹ میں اسکاٹ لینڈ کے خلا ف میچ میں سرانجام دیا ۔کلدیپ یادیو نے اسکاٹ لینڈ کیخلا ف میچ میں تباہ کن بولنگ کرتے ہوئے 28رنز کے عوض 4کھلاڑیوں کو آﺅٹ کیا جس میں ان کی شاندار ہیٹ ٹرک شامل ہے ۔ انہوں نے نک فارار ،کائل سٹرلنگ اور ایلیکس باﺅم کو آﺅٹ کرکے تاریخ رقم کی ہے ۔
کرکٹ ورلڈ کپ 2015: پاک بھارت میچ سب سے بڑا ایونٹ قرار
(February 18, 2014)
ایڈیلیڈ: جنوبی آسٹریلیا نے آئندہ سال شیڈول کرکٹ ورلڈ کپ میں پاک بھارت معرکے کو اپنی اسٹیٹ کا سب سے بڑا اسپورٹس ایونٹ قرار دے دیا ۔ عالمی کپ میں روایتی حریف کا مقابلہ ایڈیلیڈ کے نوتعمیر شدہ اسٹیڈیم میں برپا ہوگا ،جس میں تماشائیوں کی تعداد پچاس ہزار کردی گئی ہے ۔اہم ترین میچ کی تمام ٹکٹیںایک گھنٹے کے اندر فروخت ہوگئی تھیں ۔