کراچی:سندھ پیرامیڈیکل اسٹاف ویلفیئر ایسوسی ایشن کی مرکزی کابینہ کا اجلاس سول اسپتال کراچی میں ہوا۔ اجلاس میں مرکزی صدر اخلاق احمد خان ،مرکزی سیکرٹری جنرل سیداسلام الدین شاہ،چیئرمین مرزا جاوید بیگ سیمت دیگر مرکزی و صوبائی عہدیداران اور اراکین نے شرکت کی۔اجلاس سے خطاب کرتے ہوئے اخلاق احمد نے کہا کہ پیرا میڈیکل اسٹاف کے جائز مسائل تاحال حل طلب ہیں اخلاق احمد خان نے جام مہتاب ڈہرکو صوبائی وزیر صحت کا قلم دان سنبھالنے پر مبا رک باد پیش کی ، اور امید ظاہر کی کہ پیرامیڈیکل اسٹاف کے تمام مسائل کے حل کے لیے جلد عملی اقدامات اٹھائے جائیں گے خاص طور سے پیرامیڈیکل اسٹاف کے یتیم بچوں کو جلد ازجلد سرکار ی نوکریاں فراہم کی جائیں گی۔
