رافیل نڈال اور جوکووچ میامی ٹینس کے فائنل میںپہنچ گئے

میامی: میامی ماسٹرز ٹینس فائنل میں رافیل نڈال اور نوواک جوکووچ مدمقابل ہوں گے۔ میامی ماسٹرز ٹینس میں جمہوریہ چیک کے ٹوماس برڈیچ اور جاپانی کائی نشی کوری سیمی فائنل سے دستبردار ہوگئے جس کے نتیجے میں عالمی نمبر ایک اور دو رافیل نڈال اور نوواک جوکووچ سیمی فائنل کھیلے بغیر ہی فائنل میں پہنچ گئے۔ کوارٹرفائنل میں روجر فیڈرر کواپ سیٹ شکست دینے والے نشی کوری گروئن انجری کی وجہ سے جوکووچ کے خلاف مقابلے میں شرکت نہ کرسکے۔ چند گھنٹے بعد ساتویں سیڈ ٹوماس برڈیچ معدے کے مسلز کی خرابی کی وجہ سے نڈال کے خلاف فائنل فور میچ سے دستبردار ہوگئے یوں ورلڈنمبررافیل نڈال اور جوکووچ نے واک اوور کے ذریعے براہ راست فائنل کھیلنے کااعزاز حاصل کرلیا۔نڈال نے ٹوئٹر پیغام میں کہاکہ نشی کوری اورتھوماس کا سیمی فائنل سے دستبردار ہونا خود پلیئرز اور کورٹ میں موجود ہزاروں شائقین کے لئے مایوس کن ہے۔ رافیل نڈال نے چوتھی بار میامی ماسٹرز فائنل کیلئے کوالیفائی کیاہے اور وہ اب تک ٹائٹل حاصل نہیں کرسکے۔ نوواک جوکووچ تین مرتبہ میامی ماسٹرز چیمپئن بن چکے ہیں۔