انگلینڈ کو دوبارہ جیت کی راہ پر گامزن کرنا الیسٹر کک کے لیے آسان نہیں:مائیکل وان

لندن: انگلینڈکرکٹ ٹیم کے سابق کپتان مائیکل وان کا کہنا ہے کہ انگلش ٹیم کو دوبارہ جیت کی راہ پر گامزن کرنا کپتان الیسٹر کک کے لیے آسان نہیں ہوگا۔وان کا کہنا ہے اب کہ الیسٹر کک پربہت دباﺅ ہے اورمزیدناکامیوں سے مداحوں اور عوام کے دباﺅ میں اضافہ ہوسکتاہے۔سابق کپتان کا کہنا تھا کہ کک انگلینڈ کرکٹ بورڈ کے کئی مشکل فیصلوں میں شامل رہے ہیںجن میں کیون پیٹرسن اور بیٹنگ کوچ گراہم گوچ کی برطرفی بھی شامل ہے۔ان کا کہنا تھا کہ کیون پیٹرسن کی برطرفی کے بعد سے الیسٹر کک کو دباﺅ کا سامنا ہے ،کک نے بحیثیت کھلاڑی اور کپتان ا نگلینڈ کے لیے گراں خدمات انجام دی ہیں لیکن اب انھیںنئے سرے سے آغاز کرنا ہوگا۔مائیکل وان کا کہنا تھا کہ سری لنکا کے خلاف انگلش ٹیم کو اچھی کرکٹ کھیل کر فتوحات حاصل کرنا ہوں گی ،4اور3فتوحات سے مداح پرانی شکستوں کو بھول جائیں گے۔