شیفلڈ شیلڈ:تسمانیہ نے وکٹوریہ کو 8وکٹوں سے شکست دے دی

تسمانیہ:آسٹریلیا کے شیفلڈ شیلڈ کے مقابلے میں تسمانیہ نے وکٹوریہ کو 8وکٹوں سے شکست دے دی ۔ تسمانیہ نے دوسری اننگز میں جارڈن سلک اور جوناتھن کی شان دار بیٹنگ کے باعث میچ کے چوتھے روز کے آغاز میں ہی وکٹوریہ کو8وکٹوں سے شکست دے دی، تسمانیہ کی ٹیم نے دوسری اننگز میں200 کے ہدف کے تعاقب میں دو وکٹیں کھو دیں، جارڈن سلک نے ناقابل شکست 97اور جوناتھن ویلز نے آﺅٹ ہوئے بغیر47رنز بنائے۔ تسمانیہ نے پہلی اننگز میں253رنز بنائے جبکہ وکٹوریہ کی ٹیم نے پہلی اننگزمیں 279اور دوسری اننگزمیں 173رنز بناسکی تھی۔