ڈیرن سیمی اور آئرلینڈ کے بولر جان مونی پر میچ فیس کا30فی صد جرمانہ

دبئی:آئی سی سی نے ویسٹ انڈیزکے آل راﺅنڈر ڈیرن سیمی اورآئرلینڈ کے بولرجان مونی کو میچ کے دوران نا ز یبا الفاظ استعمال کرنے میچ فیس کا 30فی صدجرمانہ کردیا۔ ویسٹ انڈیز اورآئرلینڈ کے درمیان ورلڈکپ کے گروپ میچ کی پہلی اننگزکے34 ویںاوور میں ویسٹ انڈیز کے بیٹسمین ڈیرن سیمی نے جبکہ میچ کے45اوورمیں فیلڈرکی جانب سے کیچ چھوٹ جانے پر جان مونی نے نازیبا الفاظ استعمال کئے،آئی سی سی نے ٹی وی تصاویر کی مدد سے اس کاجائزہ لیااور اسے ضوابط کے خلاف ہونے اور دونوں کھلاڑیوں کے اعتراف پر جرمانہ عائد کرنے کا فیصلہ سنادیا۔میچ کے دوران نازیبا الفاظ استعمال کرنے کی زیادہ سے زیادہ سزا میچ فیس کا50فی صد جرمانہ ہے۔