سیہون شریف : شہریوں کا غیر اعلانیہ لوڈ شیڈنگ کے خلاف احتجاجی مظاہرہ

سیہون شریف: سیہون میں غیر اعلانیہ لوڈ شیڈنگ پر شہریوں کی جانب سے حیسکو اور واپڈا کے خلاف احتجاجی ریلی اوردھر نا دیا گیا ۔ ایک ہفتے سے جاری غیر اعلانیہ لوڈ شیڈنگ کے خلاف سیہون کے شہریوں نے شہری ایکشن کمیٹی کے چیئر مین ایڈو کیٹ بشیر احمد اوٹھو اور غلام بشیر ملاح کی سر براہی میں چھاز چوک سے پریس کلب تک احتجاجی مظاہرہ کیا ،مظاہرے میں واپڈا اور حیسکو حکا م کے خلاف شدید نعرے بازی کی گئی ، مظاہرین سے خطاب کرتے ہوئے ایڈووکیٹ بشیر احمد اوٹھو نے کہا کہ چوبیس گھنٹے کے اندر بجلی کی سپلائی درست کی جائے ورنہ حیسکو دفتر کا گھیراﺅ کر دیا جائے گا اور انڈس ہائی وے بلاک کر دی جائے گی ۔