– پنج سالہ منصوبہ لاگت کے لحاظ سے زیادہ موثر تطہیر کا منصوبہ تخلیق کرے گا
– مرک کروماٹوگرافک تجربہ فراہم کرے گا
ڈارمسٹاڈٹ، جرمنی، 14 ستمبر 2016ء/پی آرنیوزوائر/– معروف سائنس و ٹیکنالوجی ادارے مرک نے ڈیوائن منصوبے میں شمولیت اختیار کرلی ہے، جو چھ اداروں کا ایک یورپی کنسورشیم ہے جو ویکسینز کی تیاری، ساخت گری اور فراہمی میں درپیش چیلنجز سے نمٹنے کے لیے ہے۔
تصویر –http://photos.prnewswire.com/prnh/20160906/404508
ڈیوائن منصوبے کا مقصد ایک مکمل، لاگت موثر تطہیر پروگرام تخلیق کرنا ہے جسے ویکسینز کے لیے خصوصی طور پر تیار کیا گیا ہے کہ وہ مصنوعات کی سالمیت کو محفوظ رکھتے ہوئے زیادہ منافع حاصل کریں۔ مرک کی خصوصی توجہ ویکسین تطہیر کے عمل کو سادہ بنانے پر ہوگا جو عام طور پر اینٹی باڈیز کو پکڑنے کے ایک طریقے ایفینٹی کروماٹوگرافی پر بھروسہ کرتا ہے۔ اس مقصد کو سہارا دینے کے لیے مرک کروماٹوگرافک مواد اور کپلنگ ٹیکنالوجیاں فراہم کرے گا۔
مرک ایگزیکٹو بورڈ کے رکن اور سی ای او، لائف سائنس ادت بٹرا نے کہا کہ “تطہیر کے اقدامات بیشتر حیاتیاتی ادویات کو بنانے کی لاگت کا بڑا حصہ ہیں۔ اس نااہلیت کو ہدف بناتے ہوئے ہمارے پاس بحالی کی شرح کو شدت سے بہتر بنانے کا شاندار موقع ہے۔ کروماٹوگرافی میں صنعتی رہنما کی حیثيت سے ہماری نظریں ڈیوائن کنسورشیم میں اپنے تجربے کا حصہ ڈالنے، عمل کی موثریت کو شناخت کرنے میں مدد دینے اور قابل مقدور ویکسینز تک بڑھتی ہوئی رسائی کو سہارا دینے پر ہیں۔”
ڈیوائن منصوبے کا جامع تطہیر پلیٹ فارم پہلے متنوع، مختلف الاوصاف ویکسینز پر جانچا جائے گا جن میں گلائیکوکونجوگیٹس، پروٹین اینٹی جینس اور وائرسز شامل ہیں۔ ایک بار ویکسینز کے ساتھ توثیق ہونے کے بعد کنسورشیم اپنے تطہیر پلیٹ فارموں کو دیگر حیاتیات کے ساتھ زیریں بہاؤ کے عمل میں شامل کرنے کا منصوبہ رکھتا ہے جن میں ری کمبیننٹ لحمیات، جین تھراپی ویکٹرز اور خون کی مصنوعات شامل ہیں۔
مرک کے ساتھ کنسورشیم میں ایفیلوجک (فرانس)، ایکواپورن (ڈنمارک)، گینلبٹ بایوفارماسیوٹیکلز (پرتگال) اور گلیکسو اسمتھ کلائن (اٹلی) شامل ہوں گے۔ منصوبے کو آئی بیٹ (پرتگال) ہم آہنگ کرے گا اور اسے یورپی اتحاد کے ہورائزن 2020ء تحقیقی و جدت طرازی پروگرام میں گرانٹ معاہدے این° 635770 کے تحت امداد حاصل ہوچکی ہے۔
ڈیوائن منصوبہ مرک کے بڑے ویکسین منصوبے کا حصہ ہے جس کی توجہ ویکسینز کو درپیش بڑے چیلنچز پر ہے: اخراجات، رفتار، رسائی اور فراہمی۔ ادارے نے حال ہی میں ایبولا، زیکا اور انفلوئنزا جیسے امراض کے خلاف نئی ویکسینز کی تیز تر اور زيادہ موثر تیاری کو مدد دینے کے لیے مختلف عالمی شراکت داروں کے ساتھ شمولیت اختیار کی ہے۔ دیگر منصوبوں – جیسا کہ ڈیوائن – کا مقصد ساخت گری کے عمل کو سادہ بنانا اور ترقی پذیر ممالک کے لیے ٹیکنالوجی منتقلی کے زیادہ قابل بنانا ہے۔ مل جل کر یہ ویکسین منصوبے بالخصوص کم اور درمیانے درجے کی آمدنی رکھنے والے ممالک میں اعلیٰ معیار کی صحت فراہمی میں مدد دیں گے۔
مرک کے تمام خبری اعلامیے ای میل کے ذریعے عین اس وقت تقسیم کیے جاتے ہیں جب وہ مرک کی ویب سائٹ پر بھی دستیابہوں۔ آن لائن رجسٹر ہونے، اپنے انتخاب کو تبدیل کرنے یا سروس کو ختم کرنے کے لیے www.merckgroup.com/subscribeپر جائیں۔
مرک کے بارے میں
مرک صحت عامہ، حیاتی سائنس اور کارکردگی کے مواد میں معروف سائنس و ٹیکنالوجی ادارہ ہے۔ تقریباً 50,000 ملازمین ایسی ٹیکنالوجیوں کو بہتر بنانے کے لیے کام کرتے ہیں جو بہتر اور اضافی زندگی کو ممکن بناتی ہیں – حیاتی ادویات سازی علاج سے لے کر سرطان اور بافتوں کی مختلف سختیوں، سائنسی تحقیق و پیداوار کے لیے جدید نظام، اسمارٹ فونز اور ایل سی ڈی ٹیلی وژنز کے لیے مائع کرسٹل تک۔ 2015ء میں مرک نے 66 ممالک میں 12.85 بلین یوروز کی فروخت کیں۔
1668ء میں قائم ہونے والا مرک دنیا کا قدیم ترین ادویات ساز و کیمیائی ادارہ ہے۔ اس کی بنیاد رکھنے والا خاندان عوامی سطح پر مندرج اس کاروباری گروپ کے بیشتر حصص رکھتا ہے۔ ادارہ مرک کے نام اور برانڈ کے عالمی حقوق رکھتا ہے۔ واحد استثنا صرف امریکا اور کینیڈا ہے جہاں ادارہ ای ایم ڈی سیرونو، ملی پور سگما اور ای ایم ڈی پرفارمنس مٹیریلز کے نام سے کام کرتا ہے۔
