اسلام آباد(پی پی آئی) پاکستان تحریک انصاف کی سابق رکن قومی اسمبلی وجیہہ قمر نے پاکستان مسلم لیگ (ن) میں شمولیت کا اعلان کر دیا۔ سابق وزیراعظم وپاکستان مسلم لیگ (ن) کے صدر شہباز شریف سے سابق رکن قومی اسمبلی وجیہہ قمر نے ملاقات کر کے مسلم لیگ (ن) میں شمولیت کا باضابطہ اعلان کیا۔پارٹی صدر شہباز شریف نے وجیہہ قمر کو خوش آمدید کہا اور مسلم لیگ (ن) میں شمولیت پر مبارک دی۔اس موقع پر وجیہہ قمر نے کہا کہ پاکستان مسلم لیگ (ن) کے قائد محمد نواز شریف،صدر شہباز شریف اور پارٹی منشور پر مکمل اعتماد کرتی ہوں، نواز شریف کی قیادت میں مسلم لیگ (ن) نے پاکستان کی تعمیر و ترقی میں تاریخی کردار ادا کیا ہے، تعمیر کی قوت کا ساتھ دینا ہے، تخریب کی قوت نے ملک اور عوام کو نقصان پہنچایا۔اس موقع پر پاکستان مسلم لیگ (ن) کے سیکرٹری جنرل احسن اقبال اور ڈپٹی سیکرٹری جنرل عطا اللہ تارڑ بھی موجود تھے۔
برازیل میںبے گھر افراد کاانوکھا احتجاج
ویسٹ انڈین کوچ کو نیوزی لینڈ کے خلاف اپنے بیٹسمنوں سے اچھی پرفارمنس کی امید
پی ٹی سی ایل کا اے بی ڈی کے ساتھ معاہدے پر دستخط
لارڈز کرکٹگراﺅنڈ کی دو سو سالہ تقریب ،نمائشی میچ کے لیے ثنا میر مدعو
آسٹریلیا کے لیے ٹیسٹ کرکٹ میں نمبر ون ٹیم بننا دشوار ہے:روگرز
ملک کی عزت گنوانے والوں کو دور رکھا جائے: جاوید میاں داد
تازہ ترین خبریں
- April 25, 2026
- April 23, 2026
اشتہار
تازہ ترین
پنجاب بھرمیں 1167ٹریفک حادثات میں 06افراد جاں بحق1268 زخمی ہوئے
لاہور)پی پی آئی) ایمرجنسی سروسزڈیپارٹمنٹ نے گذ شتہ 24گھنٹوں کے دوران پنجاب بھر میں 1167ٹریفک حادثات پر ریسپانڈ کیا جن میں 624افراد شدید زخمی ہوگئے جنہیں فوری طور پر نزدیکی ضلعی و تحصیل کے ہسپتالوں میں منتقل کیا گیا۔644معمولی زخمی لوگوں کو ریسکیومیڈیکل ٹیموں کے جائے حادثہ پر بروقت طبی امداد فراہم کرنے کی وجہ سے ہسپتالوں پر بوجھ بھی کم ہوا۔ان حادثات میں زیادہ تر تعداد (74فیصد)موٹر سائیکلز حادثات کی ہے اس لیے وقت کی ضرورت ہے کہ روڈ ٹریفک حادثات کی بڑھتی ہوئی شرح کو کم کرنے کے لیے ٹریفک قوانین پر سختی سے عمل کرتے ہوئے لائن اور لین کے نظم و ضبط کا خیال رکھیں۔ ایمرجنسی ا عداد و شمار کے مطابق ریسکیو 1122کے صوبائی مانیٹرنگ سیل کو موصول ہونے والی ایمرجنسی کالز کے مطابق ان ٹریفک حادثات میں 601ڈرائیوز،35کم عمرڈرائیور، 512مسافراور161پیدل چلنے والے افراد متاثر ہوئے۔اعدادو شمار سے ظاہر ہوتا ہے کہ258ٹریفک حادثات کی فون کالز لاہور کنٹر ول روم میں موصول ہوئیں جس میں صوبائی درالحکومت285متاثرین کے ساتھ پہلیفیصل آباد 83حادثات میں 92متاثرین کے ساتھ دوسرے ملتان67حادثات میں 69متاثرین کے ساتھ تیسرے نمبرپررہا۔ واضح رہے کہ ان ٹریفک حادثات کے کل1274متاثرین میں 1019مرد اور255خواتین شامل ہیں جبکہ زخمی ہونیوالوں میں 247افراد کی اوسط عمر18سال سے کم اور643افراد کی اوسط عمر 18سے 40سال کے درمیان جبکہ384زخمی افراد کی اوسط عمر 40سال سے زائد ہے۔ان ٹریفک حادثات کے بیشتر واقعات میں 1043موٹرسائیکلز،70آٹورکشے،104کاریں،18وین،07 مسافر بسیں،26ٹرک اور104دوسری اقسام کی گاڑیاں شامل ہیں۔
رواں سال کا آخری چاند گرہن پاکستان سمیت دنیا بھر میں دیکھا گیا
لاہور)پی پی آئی) رواں سال کا دوسرا اور آخری چاند گرہن ہفتہ اور اتوار کی درمیانی شب ہوا جس کا نظارہ پاکستان سمیت دنیا کے بیشتر ممالک میں کیا گیا۔پاکستان میں چاند کو جزوی گرہن لگا، چاند پر گرہن رات 11 بج کر دو منٹ پر لگنا شروع ہوا اور رات ایک بج کر 14 منٹ پر عروج پر پہنچا۔چاند گرہن کا مجموعی دورانیہ 4 گھنٹے 24 منٹ رہا جو علی الصبح 3 بج کر 26 منٹ پر اختتام پذیر ہوگیا۔چاند گرہن کا نظارہ پاکستان سمیت ایشیا، آسٹریلیا، امریکا، افریقہ اور اٹلانٹک کے ممالک میں کیا گیا، پہلا چاند گرہن رواں سال 5 اور 6 مئی کی درمیانی شب ہوا تھا۔
ملک برادری کی قربانیوں کو ہم فراموش نہیں کرسکتے، خالد مقبول صدیقی
کراچی(پی پی آئی) ملک برادری کی جانب سے حاجی ملک اختر کی زیر سرپرستی ایک پرْ وقار تقریب کااہتمام ایف سی ایریا لیاقت آباد میں منعقد کیاگیاجس میں مہمان خصوصی متحدہ قومی موومنٹ (پاکستان)کے کنونیئر خالد مقبول صدیقی تھے۔ان کے ہمراہ رابطہ کمیٹی کے رکن امین الحق، احمد سلیم صدیقی سمیت رابطہ کمیٹی کے عہدیداران، سابقہ سیشن جج افضل روشن و دیگر ملک برادری کی کثیر تعداد نے شرکت کی۔استقبالیہ خطاب کرتے ہوئے حاجی ملک اختر نے کہاکہ ملک برادری نے ہمیشہ پیار امن و بھائی چارگی کو اجاگر کیاہے، ایم کیوایم (پاکستان)کے ساتھ رشتہ کئی سالوں پرانا ہے ہر اچھے برے دور میں ہم نے ثابت قدم رہتے ہوئے ساتھ دیاہے، 1986سے لے کر اب تک بہت سے نشیب وفراز دیکھے ہم نے وہ دور بھی دیکھا جب اردو بولنے والوں پر ظلم کے پہاڑ توڑے گئے 1988سے کراچی میں مقیم ہیں،ہم نے امن و بھائی چارگی کے فروغ کے لیے قربانیاں بھی دی ہیں، آج متحد ہ قومی موومنٹ (پاکستان)کے سینئر رہنماؤں کا آنا ہمارے لیے عزت افزا ہیں میں تہہ دل سے ان کا اور آنے والے تمام دوست احباب کاشکریہ اداکرتاہوں، ہمارا مقصد ملک میں امن و امان قائم رہے ملک کی معیشت کو مستحکم کرنا ہے۔تقریب سے خالد مقبول نے خطاب کرتے ہوئے کہاکہ ملک برادری کی قربانیوں کو ہم فراموش نہیں کرسکتے ایم کیوایم کے آغاز سے ہمارے ساتھ آج کی اس خوبصورت تقریب کو سجانے پرملک برادری اور حاجی ملک اختر کو مبارکباد پیش کرتے ہیں، امین الحق نے خطاب کرتے ہوئے کہا کہ ایم کیوایم (پاکستان)نے ہمیشہ رنگ ونسل سے بے نیاز ہوکر عوام کی خدمت کی ہے یہی وجہ ہے کہ ملک برادری کاپیار و محبت ہمارے ساتھ اسی طرح برقرار ہے، سابق سیشن جج افضل روشن کاکہنا تھاکہ سندھ میں بڑھتی ہوئی مہنگائی بے روزگاری اسٹریٹ کرائم اور کے الیکٹرک کی بدمعاشی کے خلاف اب وقت آگیاہے کہ کراچی سمیت پورے سندھ میں ہم ملک برادری ایم کیوایم کے ساتھ کھڑے ہیں۔
تلاش کریں
خبریں
برازیل میںبے گھر افراد کاانوکھا احتجاج
ریوڈی جنیرو: برازیل کے شہر ساﺅ پالو میں شہریوں نے فٹبال ورلڈ کپ کے لیے بنائے گئے اسٹیڈیم کے نزدیک کچی آبادی قا ئم کردی ۔ سیکڑوں بے گھر افراد نے ساﺅ پالو اسٹیڈیم کے اطراف ڈیرے ڈال دیئے اور رہائش اختیار کرلی ۔ لینڈ لیس ورکرز مومنٹ کے تحت ہونے والے انو کھے احتجاج کا مقصد حکام کی توجہ حا صل کر نا ہے ۔ لوگو ں کا کہنا ہے کہ حکومت بے زمین لوگوں کو رہائشی سہولیات دے تو قبضہ ختم کردیا جائے گا۔ اس کارروائی سے ساﺅ پالو میں میچر کا انعقاد خطرے میں پڑ سکتا ہے۔
ویسٹ انڈین کوچ کو نیوزی لینڈ کے خلاف اپنے بیٹسمنوں سے اچھی پرفارمنس کی امید
بارباڈوس: ویسٹ انڈین کرکٹ ٹیم کے کوچ آٹس گپسن نیوزی لینڈ کے خلاف ہوم سیریز میں اپنے بیٹسمنوں سے اچھی کارکردگی کے لیے پر امید ہیں۔گپسن کا کہنا ہے کہ و یسٹ انڈیز کی بیٹنگ نے حالیہ ٹیسٹ میچوں میں اچھا پرفارم نہیں کیا لیکن نیوزی لینڈ کے خلاف وہ اپنے بیٹسمنون سے اچھی کارکردگی کی توقع کررہے ہیں۔ان کا کہنا تھا کہ ڈومیسٹک کرکٹ میں بیٹسمنوں کی اچھی کارکردگی سے یہ بات واضح ہوگئی ہے کہ ویسٹ انڈیز میں بیٹنگ کا بھی بے پناہ ٹیلنٹ موجود ہے ۔نیوزی لینڈ کرکٹ ٹیم اس ماہ کے آخر میں ویسٹ انڈیز کا دورہ کر ے گی جہاں وہ 3ٹیسٹ اور2ٹی ٹوئنٹی میچز کھیلے گی۔واضح رہے کہ نیوزی لینڈ کرکٹ ٹیم کا آخری دورہ ویسٹ انڈیز ہوم ٹیم کے لیے کافی دردناک ثابت ہوا تھا جس میں اسے ٹیسٹ سیریز میں 2-0سے شکست کا سامنا کرنا پڑاتھا۔
پی ٹی سی ایل کا اے بی ڈی کے ساتھ معاہدے پر دستخط
کراچی: پاکستان ٹےلی کمےونےکےشنز کمپنی لمےٹڈ(پی ٹی سی اےل) نے اےسوسی اےشن آف بلڈرز اےنڈ ڈوےلپرز(اے بی اے ڈی) کے ساتھ اےک معاہدے پر دستخط کردئےے ۔ پی ٹی سی ایل اس معاہدہ کے تحت اے بی اے ڈی کے موجودہ اور آنے والے منصوبوںکے لیے وسیع انفراسٹرکچر اور جد ید تر ین سر وسز فراہم کر ے گا۔پی ٹی سی ایل کے CBOO & SEVP بزنس زونز ،محمد نصراللہ نے اس مو قع پر کہا کہ معاہدہ سٹرٹےجک منصوبوں پر عملدرآمد کے لیے ہماری صلا حیتو ں کی عکاسی کرتا ہے،جس کے ذرےعے اے بی اے ڈی جےسے اداروں کو جدےد طرز کی مواصلات اور آئی ٹی سلوشنز کو استعمال کرتے ہوئے اپنے صارفےن کو بہتر سہولت فراہم کرنے مےں مدد ملے گی۔چےئرمےن اے بی اے ڈی ،محسن شےخانی نے کہا کہ پی ٹی سی اےل کے ساتھ مل کر جدےد آئی سی ٹی سروسز کی پےشکش کے ذرےعے ہم امےد کرتے ہےں کہ اپنے قابل قدر صارفےن کو بہتر سہولت فراہم کرسکےں گے۔انھوں نے تعمےراتی صنعت کے لیے اے بی اے ڈی کے کردار اور خدمات کی مزید وضاحت کی جو کہ پاکستان مےں انتہائی ترقی ےافتہ شعبوں مےں سے اےک ہے۔اےگزےکٹو نائب صدر اور بزنس زون ساتھ پی ٹی سی اےل کے سربراہ زمان گلزار،سےنئر وائس چےئرمےن اے بی اے ڈی سلےم قاسم پٹےل اور دونوں کمپنےوں کے سےنئر اہلکار اس موقع پر موجود تھے۔
لارڈز کرکٹگراﺅنڈ کی دو سو سالہ تقریب ،نمائشی میچ کے لیے ثنا میر مدعو
کراچی: لارڈز کرکٹ گراﺅنڈ کے دو سو سال مکمل ہونے پر تقریبات میں خواتین کی ورلڈ الیون بھی ایکشن میں ہوگی۔ پاکستانی خواتین ٹیم کی کپتان کو بھی نمائشی میچ میں حصہ لینے کے لیے مدعوکیا گیا ہے۔پاکستان ویمنز ٹیم کی کپتان ورلڈ الیون میں شامل ہونے والی پہلی پاکستانی خا تون کر کٹر بن گئی ہیں۔پاکستانی ویمنز ٹیم کی کپتان ثناءمیر جلد انگلینڈروانہ ہوں گی ،جہاں وہ 19مئی کو ورلڈ الیون کی نمائندگی کریںگی۔
آسٹریلیا کے لیے ٹیسٹ کرکٹ میں نمبر ون ٹیم بننا دشوار ہے:روگرز
جوہانسبرگ: آسٹریلین اوپنر بیٹسمین چھرس روگرزنے اپنی ٹیم کی کارکردگی سے مایوسی کا اظہار کرتے ہوئے کہاہے کہ میرا نہیں خیال کہ ہماری ٹیم ٹیسٹ کرکٹ میں نمبرون ٹیم بن سکے گی، انھوںنے کہاکہ بھارت سے 4-0سے ہارنا کسی بھی ٹاپ کلاس ٹیم کی نشا نی نہیں۔ ان کے مطابق ساﺅتھ افریکا واحد ٹیم ہیں جس سے بھارت کو اپنے ہی گراﺅنڈ میں ہارنے کا خوف لگا رہتا ہے ان کا مزید کہنا تھاکہ ساﺅتھ افریکاٹیسٹ کرکٹ کے لیے بہترین ٹیم ہے ،ان کو پھر بھی اپنی کارکردگی بہتر بنانے پر مزید محنت کرنے کی ضرورت ہے ،اسٹریلیا آشیش سریزمیں بھارت سے 4-0سے جبکہ اس سے پہلے اینگلینڈ سے 3-0سے شکست کہا چکا ہے لیکن اس کے بعد اینگلینڈ کو 5-0سے شکست دے کر اچھا کم بیک کیا،ان کا کہنا تھا کہ ساﺅتھ افریکا ٹیسٹ کرکٹ میں نمبر ون ٹیم بننے کی صلاحیت رکھتا ہے اور اس کے پاس موقع ہے کہ متحدہ عرب امارات میں کھیلے جانے والے ٹیسٹ سریز میں پاکستان کے خلاف بہترین کارکردگی کا مظاہر ہ کریں۔
ملک کی عزت گنوانے والوں کو دور رکھا جائے: جاوید میاں داد
لاہور: سابق کپتان جاوید میاں داد نے پی سی بی سے مطالبہ کیا ہے کہ وہ ملک کی عزت گنوانے والوں کو دور رکھے ، دیگر ممالک اپنی کرکٹ کو میچ فکسنگ سے بچارہے ہیں مگر پاکستان نے کو ئی سبق نہیں سیکھا،گزرشتہ واقعات میں جب بھی ہمارے کر کٹر پکڑے گئے تو بہت شرمندگی ہوئی ،لیکن اب غلطیوں سے گریز کرنا پڑیگا ،انھوں نے پی سی بی کے فیصلوں کو سخت تنقید کا نشانا بناتے ہوئے کہا کہ بورڈ میں بعض سابق کرکٹر ز کولانے کا مقصد مخالفانہ بیانات دینے والوں کو خاموش کرنا ہے،ان کا مزید کہنا تھا کہ نجم سیٹھی کرکٹ کی سمجھ بوجھ نہیں رکھتے وہ اپنے اس انوکھے فیصلوں سے جس پیشے سے پہچان رکھتے ہیں اس سے بھی ہاتھ دہو بیٹے گے۔