ممبئی:بھارتی کرکٹ ٹیم کے سابق لیجنڈری بیٹسمین سچن ٹنڈولکرنے مداحوں کو ورلڈکپ میں ٹیم کی حوصلہ افزائی کرنے کے لیے ایم آر ایف کمپنی کے تعاون سے نیاموبائل ایپ تیار کردیا۔ٹنڈولکرکاتیارکردہ موبائل ایبپ رائیڈالانگ کرکٹ فین اینڈرائیڈاور آئی اوایس نظام دونوں میںکارآمد ہوگا۔ موبائیل ایپ کی مدد سے بھارتی ٹیم کے مداح کہیں سے بھی میچ براہ راست دیکھ سکیں گے۔ ایم آر ایف کے نائب صدر کاکہناہے کہ گزشتہ ورلڈکپ میں بھارتی شائقین کو ہوم گراﺅنڈ میں یہ سہولت حاصل نہیںتھی جس کے باعث کئی اہم میچ براہ راست دیکھ نہیں پائے تھے۔

دبئی:عالمی نمبرایک ٹینس اسٹار سریناویلمزاور یوگینی بوچارڑدبئی ٹینس چمپینزشپ سے باہر ہوگئیں۔دبئی ٹینس چمپینزشپ کی انتظامیے نے کہاہے کہ آسٹریلین اوپن چمپین ا مریکا کی سریناویلمزاور کینیڈا کی یوگینی بوچارڑ ایونٹ سے دست بردار ہوگئی ہیں،سریناویلمز مسلسل چھٹی دفعہ آسٹریلین اوپن کی کامیابی کے بعد گزشتہ ہفتے کھانسی کے فیڈکپ سے بھی دست بردارہوگئی تھیں تاہم یوگینی بوچارڑ نے دست برداری کی وجوہات سے آگاہ نہیں کیاہے۔سریناکی بہن وینس ویلمز ٹائٹل کا دفاع کریں گی ۔ دبئی ٹینس چمپینزشپ 15سے21 فروری تک جاری رہے گا۔

کراچی:پاکستان ٹیلی کمیونیکیشن کمپنی لمیٹڈ(پی ٹی سی ایل) ملک بھر میں کرکٹ شائقین کے لیے بلااشتہار کرکٹ ورلڈ کپ دیکھنے کا موقع فراہم کر رہا ہے۔ پی ٹی سی ایل اسمارٹ ٹی وی ایپلیکیشن کے ذریعے اب صارفین کہیں بھی کوئی بھی منظرناغہ کیے بغیرکرکٹ ورلڈکپ سے محظوظ ہو سکیں گے۔پی ٹی سی ایل لاکھوں افراد کو براڈ بینڈ اور ڈیجیٹل ٹیلی ویژن سروسزفراہم کر رہا ہے۔ شائقین کو بلا تعطل ورلڈ کپ نشریا ت فراہم کرنے کے لیے پی ٹی سی ایل نے نئی اسمارٹ ٹی وی ایپلیکیشن متعارف کرا ئی ہے جس کے زریعے ورلڈ کپ میچ اب باآسانی موبائل فون، آئی پیڈ اور لیپ ٹاپ پر دیکھے جا سکیں گے۔ پی ٹی سی ایل کے چیف ڈیجیٹل سروسز آفیسر کمال احمد کا کہنا ہے کہ ایک ڈیجیٹل لیڈر کی حیثیت سے پی ٹی سی ایل عوام کی ڈیجیٹل انٹرٹینمنٹ میں ترجیحات سمجھتا ہے، چاہے وہ گھرمیں موجود ٹی وی کی ا سکرین ہو یا پھر موبائل ڈیوائسزپر، پی ٹی سی ایل اسمارٹ ٹی وی پلیٹ فارم پر اپنے ہیروز کی حوصلہ افزائی کے لیے پوری قوم کو یکجا کررہا ہے۔کمال احمد نے مزید کہا کہ پی ٹی سی ایل کی اس سروس کے ذریعے ہمارے صارفین اشتہارات کے بغیر کرکٹ سے لطف اندوز ہو سکیں گے اور اپنی قومی ٹیم کوکی حمایت کر سکیں گے۔پی ٹی سی ایل صارفین150 دیگر ڈیجیٹل ٹی وی چینلز تک بھی رسائی حاصل کر سکیں گے۔اس کے علاوہ ویڈیو آن ڈیمانڈ کے ذریعے فلمیں اور ٹی وی آن ڈیمانڈ کے ذریعے ٹی وی پروگرامز بھی دیکھے جا سکیں گے،صارف اسمارٹ ٹی وی ایپلیکیشن میں مہیا کردہ پرسنل وڈیو ریکارڈر کے زریعے اپنے پسندیدہ لمحات پر مبنی اپنی ایک ذاتی وڈیو لای ¿بریری بھی بنا سکتے ہیں۔ پی ٹی سی ایل ویڈیو سروسز کے جنرل منیجر یاسر منظور نے اس موقع پر کہا کہ ہمیں اس بات کا ادراک ہے کہ نیوز اور انٹرٹینمنٹ مواد کا مستقبل اوور دی ٹاپ ایپلیکیشن سے وابستہ ہے۔ ہم اپنے صارفین کو متعدد الاقسام اسکرینوں پر معیاری مواد کی ضروریات پوری کرنے کے لیے ہمہ تن کوشاں رہتے ہیںاور ہم اپنے صارفین کو ہر جگہ ہر وقت محظوظ کرنا چاہتے ہیں۔پی ٹی سی ایل صارفین اسمارٹ ٹی وی ایپلیکیشن گو گل پلے اسٹور اور آئی ٹیونز سے باآسانی اپنے اینڈرائڈ فون ( اینڈرائڈ ٹیبز جلد آ رہی ہیں)یا ایپل ڈیوائسزکے لیے ڈاﺅن لوڈ کر سکتے ہیں اور بلا تعطل ورلڈ کپ 2015 دیکھ سکتے ہیں۔ یہ سروس ورلڈ کپ کے لیے محض 499 روپے میں دستیاب ہے۔

بکنگھم:امریکی ویمنز فٹ بال ٹیم نے انگلینڈ کوورلڈکپ دوستانہ میچ میں 0-1سے شکست دے دی،یہ ان کی مسلسل دوسری شکست ہے۔انگلینڈ کے اسٹیڈیم ملٹن کینیزمیں کھیلے گئے میچ میں شکست دے دی انگلینڈ کی جانب سے56ویں منٹ میں کیے گئے گول کو آف سائیڈ قرار دے دیاگیا جس پر انگلش ٹیم کے مینجر مارک سیمپسن دلبرداشتہ ہوئے۔ انگلینڈ ویمنزفٹ بال ورلڈکپ میں فرانس،میکسیکو اورکولمبیا کے ساتھ گروپ ایف میں شامل ہے۔امریکاکوگزشتہ ہفتے جاپان کے ہاتھوں دوستانہ میچ میں شکست ہوئی وہ ورلڈکپ میں آسٹریلیا،سویڈن اور نائیجیریاکے ساتھ گروپ ڈی میں شامل ہے۔ ویمنزفٹ بال ورلڈکپ رواں سال جون میں کینیڈا میں ہوگا۔

کرائسٹ چرچ(پی پی آئی)ورلڈکپ 2015کے پہلے مین آف دی میچ نیوزی لینڈ کے آل راﺅنڈر کورے اینڈرسن کا کہناہے کہ گھر والوں اور دوستوں کے سامنے ورلڈکپ کھیلنے کا خواب پورا ہورہاہے۔کورے اینڈرسن نے کہاکہ ہوم گراﺅنڈ میں اپنے گھر والوں اور دوستوں کے سامنے کھیلنا بڑے لطف کی بات ہے،میرے خیال میں ورلڈکپ ایساٹورنامنٹ ہے جس کے لیے ہم خواب دیکھتے ہیں،کورے اینڈرسن نے سری لنکاکے بولروں کا بھرکس نکالتے ہوئے صرف46گیندوں پر75رنز بنائے تھے، انھوں نے کہا کہ جب وہ بیٹنگ کے لیے جارہے تھے توعام میچوں کی نسبت گھبرائے ہوئے تھے لیکن اچھی کارکردگی سے خوش ہوں، ہم چاہتے تھے کہ ہدف جیت کے قابل ہو۔کورے اینڈرسن نے کہا کہ کپتان مک کولم نے بولنگ میں انھیں واپس بلایا جو کچھ بہتر ثابت ہوا لیکن دیگربولروں نے واقعی میں بہترین کارکردگی دکھائی باالخصوص ڈینئیل ویٹوری جنھوں نے میچ کو یک طرفہ کردیا۔کورے اینڈرسن نے 3.1اوورمیں 18رنز کے عوض دو وکٹیں بھی حاصل کیں۔