لوسانے:انٹرنیشنل اولمپک کمیٹی(آئی او سی) کے صدر تھامس بیچ نے افغانستان کے والی میچ میں خودکش دھماکے کی مذمت کی ہے ۔ افغانستا ن کے صوبہ پکتیکا میں اتوار کو والی بال میچ میں خودکش دھماکے سے 50سے زائد افراد جاں بحق ہوگئے تھے۔ تھامس بیچ نے کہا کہ یہ حملہ ایک بزدلانہ کارروائی تھی ، پوری اولمپک تنظیمیں اس وحشیانہ حملے کی مذمت کرتی ہیں جس میں معصوم لوگوں کو نشانہ بنایاگیا۔ تھامس بیچ نے کہا کہ باہمی اتحاد اور امن اور مفاہمت کو فروغ دے کراس حملے سے مثبت نتائج حاصل کئے جاسکتے ہیں۔تھامس بیچ نے کہا کہ ہماری تمام تر ہمدردیاں متاثرہ خاندانوں سے ہیں جو اس حملے میں زخمی ہوئے ان کی جلد صحت یابی کے لیے پرامید ہیں۔

شنگھائی، 20 نومبر 2014ء/پی آرنیوزوائر/ ایشیانیٹ پاکستان — ہواوےآج ” بہتر انداز میں باہم منسلک صنعتوں کے لیے ای ایل ٹی ای” کے موضوع پر شنگھائی میں اپنا دوسرا ای ایل ٹی ای سلوشن الائنس اجلاس منعقد کررہا ہے۔ فروری 2014ء میں ہواوے کی جانب سے قائم کردہ ای ایل ٹی ای سلوشن الائنس صنعتوں میں پیشہ ورانہ ایل ٹی ایٹیکنالوجیوں کے نفاذ کو ترویج دیتا ہے۔ اجلاس چین اور دنیا بھر سے ٹرنکنگ معیارات میں مہارت رکھنے والے صنعتی اداروں، تجزیہ کاروں، صنعتی شراکت داری اور صارفی نمائندگان سمیت تقریباً 300 ماہرین کو جمع کرے گا۔ جناب ڈیوڈوینگ، صدر وائرلیسپروڈکٹ لائن، پروڈکٹ اینڈ سلوشنز، ہواوے نے ‘کشادگی، تعاون اور یکساں فائدہ – ای ایل ٹی ایبرائے بہتر منسلک صنعت’ کے موضوع پر کلیدی خطاب کے ذریعے اجلاس کا افتتاح کیا۔ “ہواوے مانتا ہے کہ 4جی ایل ٹی ای ٹیکنالوجی عمودی صنعتوں کے لیے بہترین ٹیکنالوجی جو موبائل براڈبینڈ کو اختیار کررہی ہیں۔ جناب وینگ نے کہا کہ “مختلف فریکوئنسی کی سپورٹ اور آزاد تعمیر کے ذریعے، ہواوے کا ای ایل ٹی ایبراڈبینڈٹرنکنگ حل دنیا بھر میں کئی صنعتوں اور منصوبوں پر لاگو کیا جاچکا ہے، جو ایک بہتر منسلک دنیا کی تعمیر میں مدد دے رہا ہے۔ ہواوےجدید حلوں کو بنانے اور مددگار صنعتی ماحول کو مضبوط کرنے کے لیے مشترکہ مارکیٹنگ حکمت عملیاں اپنانے کے لیے اپنے شراکت داروں کے ساتھ مل کر کام جاری رکھے گا۔” رواں سال کا اجلاس 26 نئے اراکین کی ای ایل ٹی ای سلوشن الائنس میں شمولیت دیکھے گا جس میں صنعت کے معروف ادارے جیسا کہ چائنا ریلوے اریوانانجینئرنگ گروپ کمپنی لمیٹڈ، کیسکو سگنل لمیٹڈ، گیٹیک (سو چو) موبائل لمیٹڈ اور او3بی نیٹ ورکس شامل ہیں۔ اجلاس میں ای ایل ٹی ای سلوشن الائنس کے کل اراکین کی تعداد 56 اداروں تک پہنچ جائے گی۔ صنعتی شراکت داروں کی اہمیت پر ہواوے میں پروڈکٹس اینڈ سلوشن ڈپارٹمنٹ کے صدر برائےمارکیٹنگ و سلوشنز جناب پیٹرکچینگ نے کہا کہ “اگلے پانچ سالوں میں ہواوےاپنے شراکت داروں اور پوری انٹرپرائز ٹیکنالوجی ماحول کے ساتھ کام کرکے امید کرتا ہے کہ وہ ای ایل ٹی ای میں 10 ارب ڈالر کا مارکیٹ موقع تخلیق کرے گا۔ اس ہدف کو حاصل کرنے کے لیے ہواوےایک انٹرپرائزسافٹویئرڈیولپمنٹ کٹ (ای ایس ڈی کے) ، آن لائن ڈیولپمنٹ سپورٹ، آزاد لیب تعاون، مشترکہ مارکیٹنگ اور شراکت داروں کو نقد رعایت دینے والے ایک سیلز ترغیب منصوبے (ایس آئی پی) کی فراہمی کے ذریعے شراکت داروں کو مدد دے گا۔” جناب میاؤوی، ڈپٹی جنرل مینیجر، نانجنگ کوموےوائرلیس نیٹ ورک نے کہا کہ “نانجنگ کوموےوائرلیس نیٹ ورک اور ہواوےنے 2013ء میں شہر کے علاقوں کا احاطہ کرنے کے لیے نانجنگ میں دنیا کا پہلا ای ایل ٹی ای- بیسڈملٹی میڈیاڈیجیٹلبراڈبینڈٹرنکنگ سسٹم نافذ کیا۔ اگست 2014ء میں ہواوے کے ای ایل ٹی ای سلوشن نے نانجنگ میں ہونے والے گرمائی یوتھ اولمپک گیمز میں اعلیٰ کارکردگی کی خدمات کا سلسلہ پیش کیا۔ آگے بڑھتے ہوئےنانجنگ کوموےنانجنگ شہر کے موجودہ ای ایل ٹی ای نیٹ ورک کی بنیاد پر حکومت کی عوامی خدمات اور روز مرہ انتظام کے لیے ہواوے کے ساتھ نئی

کراچی:اسٹیٹ بینک آف پاکستان نے اپنی رپورٹ میںکہا ہے کہ جولائی تا ستمبر 2014کی سہ ماہی میں بینکنگ کے شعبے میں خاصی بہتری آئی۔ ستمبر 2014ءکے اواخر تک منافع (قبل از ٹیکس) تاریخی طور پر بلند ترین سطح 176 ارب روپے تک پہنچ گیا جس میں آخر ستمبر 2013ءکے مقابلے میں 44 فیصد اضافہ ظاہر ہوتا ہے۔ اسی طرح اثاثوں پر منافع (ROA) اور ایکویٹی پر منافع (ROE) بھی بہتر ہوکر بالترتیب 1.4 فیصد اور 15.9 فیصد ہوگیا جبکہ ایک سال قبل 1.1 فیصد اور 12.3 فیصد تھے۔ اسٹیٹ بینک آف پاکستان کی جانب سے جاری کردہ ستمبر 2014میں ختم ہونے والی سہ ماہی کے لیے بینکاری شعبے کی شماریات کے مطابق بینکاری نظام کی شرح کفایت سرمایہ (CAR) ستمبر 2014میں بہتر ہو کر 15.5 فیصد ہوگئی جبکہ ایک سہ ماہی قبل 15.1 فیصد تھی جس کا بڑا سبب بھرپور منافع ہے۔ سخت بازل تھری (Basel-III) کیپٹل اسٹینڈرڈ کے نفاذ کے باوجود موجودہ شرح کفایت سرمایہ اسٹیٹ بینک کی مقرر کردہ کم از کم حد 10 فیصد سے خاصی بلند ہے۔ حوصلہ افزا امر یہ ہے کہ دباؤ کی جانچ (stress test) کے نتائج سے بھی ظاہر ہوتا ہے کہ نظام کی اساس سرمایہ اتنی مضبوط ہے کہ وہ قرضے، مارکیٹ اور سیالیت کے خطرے کی وجہ سے کوئی بھی غیرمعمولی دھچکے برداشت کرسکتا ہے۔بینکاری شعبے کے اثاثہ جاتی معیار (asset quality) کے اظہاریے بھی معمولی تبدیلی کے ساتھ استحکام ظاہر کرتے ہیں۔ ستمبر 2014ءمیں غیر فعال قرضوں (NPLs) اور کل قرضوں کا تناسب تموین (provision) منہا کرکے 3.2 فیصد ہے جو ستمبر 2011ءکے نقطہ عروج 6.4 فیصد سے خاصا کم ہے۔