کشمیر (پی پی آئی)ممتاز کشمیری حریت اور کشمیر کی مزاحمتی تحریک کے رہنما سید علی گیلانی کا آج تیسرا یوم شہادت منایا جارہا ہے۔سید علی گیلانی نے یکم ستمبر دو ہزار اکیس کو حیدرپورہ میں نظربندی کے دوران جام شہادت نوش کیا۔کل جماعتی حریت کانفرنس نے کشمیری تارکین وطن سے اپیل کی ہے کہ مقبوضہ جموں و کشمیر میں بھارت کے مظالم کو دنیابھر میں اجاگر کریں۔کل جماعتی حریت کانفرنس کے زیر حراست چیئرمین مسرت عالم بٹ نے نئی دہلی کی تہاڑ جیل سے اپنے پیغام میں کہا بھارت کشمیری عوام کی آزادی کی خواہش کبھی ختم نہیں کرسکے گا۔بھارت کے غیر قانونی زیر قبضہ جموں و کشمیر کے کئی علاقوں میں ایک بار پھر پوسٹرز آویزاں کئے گئے ہیں جن میں لوگوں سے اپیل کی گئی ہے کہ سید علی گیلانی کو خراج عقیدت پیش کریں اور زور دیا گیا ہے کہ کشمیری شہداء کی قربانیوں کو فراموش نہیں کیا جائے گا۔ادھر کشمیر لبریشن کمیشن، پاسبان حریت، حریت تنظیموں اور تعلیمی اداروں کے زیراہتمام آزاد جموں و کشمیر میں عوامی اجتماعات سیمینارز اور ریلیاں نکالی جائیں گی جن میں سید علی گیلانی کو”ہم پاکستانی ہیں اور پاکستان ہمارا ہے” کے نعروں سے خراج عقیدت پیش کیا جائے گا۔

کراچی(پی پی آئی)کراچی اورراولپنڈی کے درمیان سرسید ایکسپریس سروس کا آغاز کردیا گیا ہے۔پاکستان ریلوے کے چیف ایگزیکٹو آفیسر عامر بلوچ کے مطابق سرکاری ونجی شراکت داری کے تحت شروع کی گئی اس ٹرین کی سولہ بوگیاں ہوں گی اور ٹرین براستہ فیصل آباد جائے گی۔انہوں نے کہاکہ مسافروں کو کھانا اور مفت وائی فائی سمیت تمام ضروری سہولتیں فراہم کی جائیں گی۔مسافرٹرین کا ٹکٹ موبائل ایپ کے ذریعے حاصل کرسکتے ہیں۔انہوں نے کہاکہ پاکستان ریلوے کا اگلے ماہ سے سرکاری ونجی شراکت داری کے تحت مزید دس ٹرینیں شروع کرنے کا ارادہ ہے۔

کراچی(پی پی آئی)پاکستان تحریک انصاف سندھ کے صدر و سابق اپوزیشن لیڈر سندھ اسمبلی حلیم عادل شیخ نے انصاف ہاؤس پر اہم پریس کانفرنس سے خطاب کرتے ہوئے حلیم عادل شیخ نے کہا سندھ کے علاقے میں کئی روز کی طوفانی بارشوں کے بعد اب سیلابی صورتحال ہے حیدرآباد، میرپورخاص، شہید بینظیر آباد ڈویزن کے کئی شہروں میں پانی کھڑا ہے، صوبے کے دوسرے بڑے شہر حیدرآباد کے کئی علاقوں میں اب بھی بارش کا پانی جمع ہے سندھ کے دیہی علاقوں میں لاکھوں ایکڑ پر کھڑی فصلیں زیر آب آچکی ہیں، ٹھٹھہ کی ساحلی پٹی میں تیز ہواؤں سے گھر ٹوٹ چکے ہیں سجاول میں کئی دیہات زیر آب آچکے ہیں دریائے سندھ کے پانی میں مسلسل اضافہ ہو رہا ہیسیلابی پانی انڈس ہائی وے سے ٹکرا گیا دادو سیہون کے 70 سیزائد دیہات کا شہروں سے زمینی رابطہ منقطع ہو گیا سندھ بلوچستان  سرحد پر قائم لیویز چیک پوسٹ بہہ گئی سندھ کے مختلف علاقوں میں طوفانی بارشیں تباہی سے متعدد مکانات گر گئے متاثرین کھلے آسمان تلے بے یارومددگار بیٹھے ہیں نہ راشن ہے نہ ٹینٹ نہ کہیں امدادی سامان دی گیا ہے حیدر آباد‘ ٹھٹھہ‘ سجاول‘ میرپور خاص‘ تھرپارکر کے مختلف علاقوں سے پانی اب تک نہیں نکالا جا سکا فوکل پرسن فوٹو سیشن کررہے ہیں،ضلع بدین میں کئی علاقے ابھی تک پانی میں گھرے ہیں، محلوں اور گھروں میں بھی پانی موجود ہے گاؤں غلام علی چانڈیو تحصیل بدین مکمل ڈوبا ہوا ہے بدین شہر کے کئی علاقوں میں پانی کھڑا ہے۔ حلیم عادل شیخ نے کہا دادو میں طغیانی کے باعث ڈیڑھ سو سے زائد دیہات پانی میں گھرے ہوئے ہیں، عمر کوٹ‘ سانگھڑ‘ ٹنڈوالہیار میں لوگ کھلے آسمان تلے امداد کے منتظر ہیں، ٹنڈو الہیار ضلع میں برسات کے باعث مزید دو افرا جانبحق ہوچکے ہیں، کئی علاقوں میں پانی کھڑاہے، جھنڈو مری، چمبڑ تحصیل سب سے زیادہ متاثرہ ہوئی ہے، میرپورخاص، سانگھڑ، کھپرو،  شہدادپور، سندھڑی کے کئی علاقے زیر آب ہیں،کھڑی فصلیں ڈوب چکی ہیں،ٹنڈو آدم کے پچاس دیہات میں بھی سیلابی صورتحال کے باعث متاثرین پریشان ہیں۔ حلیم عادل شیخ نے کہا پی ٹی آئی کا مانیٹرنگ سیل سندھ سے رپورٹس جمع کر رہا ہے یہ کام سندھ حکومت کا تھا لیکن ہم اپوزیشن میں سندھ کے عوام کے ساتھ کھڑے ہیں۔حلیم عادل شیخ نے کہا دادو، جامشورو، سیہون اور کاچھو کے پہاڑی علاقوں میں بارش سے منچھرجھیل کی سطح میں اضافہ ہوگیا،  جس کے نتیجے میں متعدد دیہات پانی کی زد میں آچکے ہیں گزشتہ برس کی طرح خدشہ ہے منچھر جھیل کو کٹ لگا کر شہروں کو ڈبویا جائے گا، کیون کہ زیادہ پانی آئے گا تو زیادہ فنڈ آئے گا یہ ہی پیپلزپارٹی کا مشنور ہے۔

کراچی)پی پی آئی)گورنر سندھ اور  پیٹرن ان چیف لیجنڈ ٹرسٹ کامران خان ٹیسوری کی زیر صدرات گورنر ہا?س میں اعلیٰ سطحی اجلاس منعقد ہوا۔ اجلاس میں لیجینڈز کی فیملیز کو دیئے جانے والے ماہانہ وظیفہ میں اضافہ کی اصولی منظوری دے دی گئی اس ضمن میں ایک اسکروٹنی کمیٹی بھی تشکیل دی گئی ہے جو اپنی شفارشات اگلے اجلاس میں پیش کرے گی۔ گورنر سندھ نے کہا کہ لیجنڈز کی فیملیز کی فلاح و بہبود کے لیے ہر ممکن اقدامات کئے جارہے ہیں۔ انہوں نے مزید کہا کہ یہ لوگ قوم کا فخر ہیں ان کی اپنے اپنے شعبہ میں خدمات ہمیشہ یاد رکھی جائیں گی۔ اجلاس میں ٹرسٹ کے منیجنگ ٹرسٹی سہیل وجاہت صدیقی، ٹرسٹی سلطانہ صدیقی اور قیصر نظامانی بھی موجود تھے۔

اکراچی)پی پی آئی)پاسبان ڈیموکریٹک پارٹی کے چیئرمین الطاف شکور نے کہا ہے کہ حکومت سندھ، کراچی میں سڑکوں کی ناقص تعمیر کی شفاف تحقیقات کرے۔  حالیہ بارشوں میں کراچی کی زیادہ تر سڑکیں انتہائی ٹوٹ پھوٹ کا شکار ہوئیں جس سے ان کی ناقص تعمیرات کا پردہ فاش ہو گیا ہے۔ کرپٹ اہلکاروں اور ٹھیکیداروں کے خلاف کاروائی کی جائے جنہوں نے ٹیکس دہندگان کے اربوں روپے کا نقصان پہنچایاہے۔ سڑکوں کی ناقص تعمیر عوام کے پیسے کا ضیاع ہے جو کہ انسانی حقوق کی براہ راست خلاف ورزی ہے اور سپریم کورٹ اس کا ازخود نوٹس لے۔ سول سوسائٹی کراچی میں سڑکوں کی ناقص تعمیر کے خلاف سندھ ہائی کورٹ میں آئینی پٹیشن بھی دائرکرے تاکہ ٹیکس دہندگان کے پیسے کے اس ضیاع کو روکا جا سکے اور سندھ حکومت میں موجود کرپٹ ٹھیکیداروں اور ان کے سرپرستوں کو جیل بھیج دیا جائے۔ اس بات کی بھی تحقیقات کی جائیں کہ سندھ میں بعض مخصوص کنٹریکٹرز اور کنسٹرکشن میٹریل کمپنیوں کو ہمیشہ سرکاری ٹھیکے کیوں دیئے جاتے ہیں؟ اگر سول سوسائٹی اس لوٹ مار کے خلاف آواز اٹھانے میں ناکام رہی تو ہماری آنے والی نسلیں اس کا خمیازہ بھگتیں گی۔الطاف شکور نے وزیر اعلیٰ سندھ مراد علی شاہ (جو کہ خود ایک سول انجینئر ہیں) سے مطالبہ کیا کہ وہ حالیہ بارشوں کے دوران کراچی میں سڑکوں اور گلیوں کی تباہی کی خود نگرانی کریں اور کالی بھیڑوں کے خلاف کارروائی کریں۔ انہوں نے تجویز دی کہ سڑکوں اور گلیوں کی تعمیر کا کام سندھ کی انجینئرنگ یونیورسٹیوں اور کالجوں کے سول انجینئرنگ ڈیپارٹمنٹ کو دیا جائے تاکہ ایک طرف تعمیراتی معیار کو یقینی بنایا جا سکے اور دوسری طرف انجینئرنگ کے طلباء کو عملی تربیت دی جا سکے۔ پاسبان اسٹیئرنگ کمیٹی کی میٹنگ میں پی ڈی پی کے چیئرمین الطاف شکور نے مزید کہا کہ حالیہ بارشوں میں مین یونیورسٹی روڈ اور جہانگیر روڈ کے کچھ حصے بہہ گئے جنہیں چند ماہ قبل دوبارہ تعمیر یا مرمت کیا گیا تھا۔ لاہور میں بھی تیز بارش ہوئی ہے لیکن لاہور کی سڑکیں اور گلیاں کراچی کی طرح متاثر نہیں ہوئیں۔ اس کی وجہ یہ ہے کہ پنجاب میں سیاسی کرپشن کی سطح سندھ کی نسبت بہت کم ہے۔ اگرچہ سرکاری افسروں اور پرائیویٹ ٹھیکیداروں کا عوام کا پیسہ لوٹنے کا گٹھ جوڑ پورے پاکستان میں سرگرم ہے لیکن سندھ اس معاملے میں سب سے آگے ہے۔  اوپر سے نیچے تک کے سرکاری افسران، سرکاری ٹھیکوں بالخصوص سڑکوں اور گلیوں کی تعمیر میں کرپشن میں ملوث ہیں۔ ان کرپٹ ٹھیکیداروں کو ہمیشہ منافع بخش ٹھیکے ملتے ہیں۔ شفاف تحقیقات کی جائیں تو ان ٹھیکیداروں کی سیاسی وابستگی کا پتہ چل سکتا ہے۔ نہ صرف افسران بلکہ متعلقہ محکموں کے وزراء بھی اس کرپشن اور کک بیکس سے اپنا حصہ وصول کرتے ہیں۔ بعض محکموں میں سرکاری ٹھیکوں میں کمیشن کی شرح تقریباً پچاس فیصد ہے۔ اس کمیشن اور کک بیکس کی رقم ادا کرنے کے بعد ٹھیکیداروں کو ٹھیکے کے منصوبوں میں غیر معیاری میٹریل استعمال کرنے کی اجازت دی جاتی ہے۔

اسلام آباد)پی پی آئی)کل جماعتی حریت کانفرنس آزاد جموں و کشمیر شاخ کے جنرل سیکرٹری ایڈووکیٹ پرویز شاہ نے اے پی ایچ سی کے سینئر رہنما میر واعظ عمر فاروق کے حالیہ ریمارکس کا خیرمقدم کیا ہے کہ کشمیری عوام نے مفادات کی خاطر قربانیاں نہیں دی ہیں۔کشمیرمیڈیاسروس کے مطابق ایڈووکیٹ پرویز شاہ نے اسلام آباد میں جاری ایک بیان میں کہا کہ قربانیوں کا تقاضا ہے کہ کشمیری عوام اپنے مفادات کیلئے ظالم کا ساتھ نہ دیں۔انہوں نے کہا کہ میر واعظ عمر فاروق نے صحیح معنوں میں اشارہ کیا ہے کہ کشمیری عوام نے نام نہاد انتخابات کیلئے قربانیاں نہیں دی تھیں کیونکہ یہ انتخابات مسئلہ کشمیر کا نعم البدل نہیں ہیں۔ایڈووکیٹ پرویز کا کہنا تھا کہ میر واعظ عمر فاروق نے عوام کو متنبہ کیا ہے کہ آج کل مقبوضہ جموں و کشمیر کے کچھ عناصر ظالموں کے آلہ کار بن چکے ہیں اور انہیں اپنے ہی لوگوں کے خلاف استعمال کیا جا رہا ہے۔انہوں نے زور دے کر کہا کہ کشمیری عوام نے گزشتہ سات دہائیوں میں دی گئی قربانیوں کو رائیگاں نہیں جانے دیا جائے گا اور کشمیریوں کو بھارت کے خلاف اپنی حق پر مبنی جدوجہد کو اس کے منطقی انجام تک پہنچانے کے لیے متحد رہنا چاہیے۔ایڈووکیٹ پرویز شاہ نے کہا کہ مسئلہ کشمیر کا حل اقوام متحدہ کی منظور شدہ قرار دادوں کے مطابق ہی ہوسکتا ہے۔ انہوں نے بھارت پر واضح کیا ہے کہ وہ انتخابی ڈرامہ بازی بند کرے اور کشمیر پر اقوام متحدہ کی قرار دادوں پر عملدرآمد کرے تاکہ دیرینہ تنازعہ کو حل کیا جاسکے۔